කුරුණෑගල ගනේවත්ත තිත්තවැල්ගාල ප්‍රදේශය වහාම ක්‍රියාත්මක වන පරිදි හුදෙකලා කර තිබේ.
කිරුළ අතහැරි ජූරි ලෝක විවාහක රූ රැජිණ සංවිධානයෙන් කළ අවසන් ඉල්ලීම
ශ්‍රී ලංකා විවාහක රූ රැජිණ තේරීමේදී සිදුවූ ආන්දෝලනාත්මක සිදුවීම හමුවේ ස්වකීය තීරණයක් මත ලෝක විවාහක රූ රැජිණ කිරුළ යළි බාරදුන් කැරොලයින් ජූරි ඒ පිළිබඳ Mrs world Inc වෙත දැන්වීමේදී අවසාන වශයෙන් ඉල්ලීමක් කර තිබේ.
ඒ 2019 වසරේ දී අමෙරිකාවේ ලාස්වේගාස් හිදී ඇය ලෝක විවාහක රූ රැජින කිරුළ දිනා ගත් විගසම කරන ලද පළමු ඉල්ලීමයි.
එනම් මීළඟ ලෝක විවාහක රූ රැජිණ තරගය ශ්‍රී ලංකාවේ පවත්වන ලෙසයි.
එදින කළ ඉල්ලීම අවසාන වශයෙන් ද ඉල්ලා සිටිමින් ඇය කියා ඇත්තේ සැලසුම් කළ පරිදිම එය මෙරටදී පවත්වන ලෙසත් කොවිඩ් වසංගතයෙන් ඇදවැටුණු සුන්දර ශ්‍රී ලංකාවට එය මහඟු පිටුවහලක් වනු ඇති බවත් ය.
ඉලක්ක සපුරා නැති රාජ්‍ය ආයතන සභාපතිවරුන් ට ජනපතිගෙන් රතු එළියක්
රාජ්‍ය ආයතනවල සභාපතිවරුන්ට ලබාදී ඇති ඉලක්ක සපුරාලීමට අපොහොසත්වී ඇත්නම් ඒ අයව ඉවත් කර සුදුසු අය පත්කරන බව ජනාධිපති ගෝඨාභය රාජපක්ෂ මහතා සදහන් කරයි.
රාජ්‍ය අමාත්‍යවරුන් සමග මාසිකව පැවැත්වෙන සමාලෝචන රැස්වීමට අද (21) එක්වෙමින් ජනාධිපතිවරයා ඒ බව පවසා තිබේ.
රාජ්‍ය ආයතනවල සභාපතිවරු පත්කිරීම සිදුවූයේ යම් ක්‍රමවේදයක් අනුගමනය කරමින් බවද එහිදී ජනාධිපතිවරයා රජ්‍ය අමාත්‍යාවරුන්ට පෙන්වා දී ඇත. මැති ඇමතිවරුන්ට තමා යටතේ සිටින සභාපතිවරුන් අධික්ෂණය කිරීමටත් ඒ අය රාජ්‍ය ප්‍රතිපත්තියට අනුව වැඩ කටයුතු කරන්නේදැයි කියාත් සොයා බැලීමට බලයක් පවතින බවද ජනාධිපති ගෝඨාභය රාජපක්ෂ මහතා රාජ්‍ය ඇමතිවරුන්ට එහිදී දැනුම් දී තිබේ.
ඒ අය අවශ්‍ය ඉලක්ක කරා එන්නේ නැති නම් ඒ ගැන දැනුම් දෙන ලෙසත් එවිට ඒ අය මාරුකර වෙනත් සුදුසු අයෙක් පත්කිිරීමට හැකිබවත් ජනාධිපතිවරයා සදහන්කර ඇත.“මට හෝ අගමැතිතුමාට ඕනේ අය නෙමෙයි දාල තියෙන්නේ. යම් කිසි මතයක් තිබෙනවා ජනාධිපතිවරයාගෙන් පත්වුනා, අගමැතිවරයාගෙන් පත්වුනා කියල. ඒක වැරදියි. එහෙම වැඩ කරන්න බැහැ.“ යැයිද ජනාධිපතිවරයා අවධාරණයෙන් එහිදී සදහන් කළේය.
“ජනතාව සමගයි අපේ ශක්තිය තිබෙන්නේ, ඔවුනගේ අවශ්‍යතා කඩිනමින් ඉටු විය යුතුයි. ගැටලුවලට ඇහුම්කන් දෙමින්, ජනතාවගෙන් දුරස්නොවී වැඩ කරන්න,” යැයි ජනාධිපතිවරයා මෙහිදී රාජ්‍ය අමාත්‍යවරුන්ට සදහන් කර තිබේ.
රජයේ ප්‍රතිපත්තිය රැකියා නිෂ්පාදනය බව ද එහිදී පැවසූ ජනාධිපතිවරයා එබැවින් කුඩා සහ මධ්‍ය පරිමාණ ව්‍යවසායකයන් ගම තුළ ගොඩනගා රැකියා අවස්ථා උදා කිරීමේ හැකියාව ද රාජ්‍ය අමාත්‍යවරුන්ට පෙන්වා දෙනු ලැබීය.
විිකිරණශීලී ද්‍රව්‍ය රැගත් නෞකාවක් හම්බන්තොටට
නිසි තොරතුරු ලබා නොදී හම්බන්තොට වරායට ඇතුළු වූ විකිරණශීලී ද්‍රව්‍ය රැගත් නෞකාවක් වහාම වරායෙන් පිටතට රැගෙන යන ලෙස පරමාණුක බලශක්ති නියාමන අධිකාරිය අද (21) අදාල නෞකාවට දැනුම් දී තිබේ.
මෙම නෞකාව හම්බන්තොට වරායට ඇතුළුවී ඇත්තේ ඊයේ (20) රාත්‍රියේය.
නෙදර්ලන්තයේ රොටඩෑම් සිට චීනය බලා යාත්‍රා කරමින් තිබුණු මෙම නෞකාව හම්බන්තොට වරායට පැමිණ ඇත්තේ යැයි කියවෙන්නේ එහි හටගත් බව කියන යාන්ත්‍රික දෝෂයක් හේතුවෙනි.
නෞකාව හම්බන්තොට වරායට ඇතුළු වීමේදී නෞකාවේ විකිරණශීලී ද්‍රව්‍ය ඇතැයි වරාය බලධාරීන්ට නිසි පරිදි තොරතුරු ලබාදී නොමැති බව පරමාණුක බලශක්ති නියාමන අධිකාරියේ අධ්‍යක්ෂ ජනරාල් අනිල් රංජිත් මහතා පැවසී ය.
ඇස්ට්‍රාසෙනෙකා එන්නත දුන් මෙරට 6කට රුධිර කැටි ගැසීම් – 3ක් මරුට
ඇස්ට්‍රාසෙනෙකා එන්නත ලබාදුන් මෙරට පුද්ගලයන් 6 දෙනකුට රුධිරය කැටිගැසීම සිදුවී ඇති බවත් ඉන් තිදෙනෙකු මියගොස් ඇති බවත් සෞඛ්‍ය අමාත්‍ය පවිත්‍රා වන්නිආරච්චි මහත්මිය අද (21) පාර්ලිමේන්තුවේදී හෙළි කළාය.
විපක්ෂ නායක සජිත් ප්‍රේමදාස මහතා නැගූ ප්‍රශ්නයකට පිළිතුරු දෙමින් ඇය ඒ බව කීය.
“ඇස්ට්‍රාසෙනෙකා එන්නත ලබාදී සති කිහිපයක් ඇතුළත රුධිරය කැටි ගැසීම වාර්තා වු රෝගීන් ලෝකයේ සමහර රටවලින් වාර්තාවී ඇත. ලංකාවේත් එවැනි අවස්ථා 6ක් වාර්තා වී ඇති අතර, ඉන් තුන්දෙනෙක් මරණයට පත්ව ඇත.
මේ පිළිබඳව ලෝක සෞඛ්‍ය සංවිධානයේ එන්නත් හා අතුරු ආබාධ සම්බන්ධ කමිටුවේ මතය අනුව රුධිරය කැටි ගැසීම හා එන්නත් අතර ඍජු සම්බන්ධතාවයක් හඳුනා ගෙන නොමැති අතර, මෙවැනි සිදුවීම් වාර්තා වීම මිලියනයකට 4 -6ත් අතර බව දළ වශයෙන් ඇස්තමේන්තු කර ඇත. ඒ නිසා කොරෝනා රෝගී තත්ත්වය නිසා ඇති විය හැකි ආබාධ සමග සංසන්දනය කිරීමේ දී රුධිරය කැටි ගැසීමට ඇති ප්‍රවණතාවය ඉතා අල්ප බව ලෝක දත්ත අනුව පැහැදිලි වේ. තවද ඇස්ට්‍රාසෙනෙකා එන්නත භාවිත කිරීම ලෝක සෞඛ්‍ය සංවිධානය විසින් අනුමත කර ඇත.“
මේ අතර ඊයේ, මෙරටින් කොවිඩ් නයින්ටීන් ආසාදිතයන් 367ක් හඳුනාගත් බව සෞඛ්‍ය අංශ පැවසූහ.
ඒ අනුව මෙරටින් වාර්තාවන සමස්ත කොවිඩ් ආසාදිතයන් ගණන 97,471කි.
ඒ කඳුලු නැවත නොඑන්න!
අද වැනි දිනෙක පාස්කු ඉරිදා එල්ල වූ අන්තවාදී ත්‍රස්ත්‍ර ප්‍රහාරයෙන් රටට අහිමි කළ ජීවිත ගණන 274කි. තවල් 596 දෙනෙක් තුවාල ලැබූහ.
හදවතේ ගැඹුරින් ඔබ සියලු දෙනා සිහි කරන අතර එවන් අඳුරු මතකයක කඳුලු නැවත නොඑන්න ! යැයි ප්‍රාර්ථනා කරමු.
ඉන්දියාවෙන් ඇල්ලූ මත්කුඩු බෝට්ටුවේ සිටි අංජුගේ ගෝලයින් මෙන්න
ශ්‍රී ලංකාවට රැගෙන එමින් තිබියදී ඉන්දියානුු මත්ද්‍රව්‍ය කාර්යාංශය විසින් මෙරට රාජ්‍ය බුද්ධි සේවයෙන් ලබාදුුන් තොරතුරකට අනුව ඉන්දියානු සාගර සීමාවේදී අල්ලාගත් මත්කුඩු කිලෝ 340 ක් සහිත බහුදින යාත්‍රාවේ සිටි පස් දෙනා හදුනා ගැනීමට ශ්‍රී ලංකා පොලීසිය සමත්ව ඇත.
අගුලානේ සහ බඩෝවිට පදිංචිකරුවන් වන විමලසිරි (58), සෝමසිරි (55) , ධර්මදාස (49), අජිත් ඉෂාන් (48) සහ ආරියරත්න පෙරේරා (48) යන පස් දෙනා ඉන්දියානු අත්අඩංගුවේ පසුවෙති.
මේ අය අතර සිටින ධර්මදාස, අජිත් සහ ආරියරත්න යන තිදෙනා මේ වන විට ප්‍රංශයේ රැදී සිටිමින් මහා පරිමාණයෙන් මත්කුඩු ජාවාරමේ නිරතව සිටින කුඩු අංජු නැමැත්තාගේ ගෝලයින් බවට හදුනාගෙන ඇත. මෙම මත්කුඩු තොගය භාර ගෙන මෙරටට රැගෙන ඒමේ කටයුත්ත පැවරී ඇත්තේද මෙම තිදෙනාට බව හෙළිවී තිබේ.
ඒ අනුව මෙරට මොවුන්ගේ මත්කුඩු ජාලයට සම්බන්ධකම් ඇති පිරිස් සොයා මෙරට පොලිස් මත්ද්‍රව්‍ය කාර්යාංශය ද මේ වන විට පුළුල් විමර්ශනයක් ආරම්භකර ඇත.
දේශපාලන පළිගැනීම්වලට සහන දෙන අලුත් කොමිසමට ඩී.අයි.ජී. චම්පික නම් කරයි
යහපාලන ආණ්ඩුව සමයේදී සිදුවූ බව කියන දේශපාලන පළිගැනීම් පිළිබදව විමර්ශනය කිරීමට පත්කල ජනාධිපති කොමිසමේ අවසන් වාර්තාවේ ඇතුලත් නිර්දේශ ක්‍රියාත්මක කිරීමට පත්කල නව ජනාධිපති පරීක්ෂණ කොමිෂන් සභාවේ පොලිස් විමර්ශන ඒකකයේ ප්‍රධානියා ලෙස නියෝජ්‍ය පොලිස්පති චම්පික සිරිවර්ධන මහතාගේ නම පොලිස්පති සී.ඩී. වික්‍රමරත්න මහතා විසින් නිර්දේශකරමින් ජනාධිපති ලේකම් පී.බී.ජයසුන්දර මහතා වෙත ලිපියක් ඊයේ (20) යොමුකර තිබේ.
ඊට අමතරව පොලිස් පරීක්ෂකවරයෙක් ඇතුළු තවත් නිලධාරීන් 05 දෙනෙකුගේ නම්ද කොමිසමේ පොලිස් විමර්ශන ඒකකයට නිර්දේශකර ඇත. එම නිලධාරීන් පොලිස් මූලස්ථාන සංවිධානාත්මක අපරාධ විමර්ශන ඒකකය, කොළඹ අපරාධ කොට්ඨාශය, ත්‍රස්ත විමර්ශන කොට්ඨාශය, සංවිධානාත්මක අපරාධ විමර්ශන කොට්ඨාශය සහ වලානේ පිහිටි මධ්‍යම කොට්ඨාශ දූෂණ මර්දන බලකාය යන අංශවල සේවයේ නිරතව සිටින්නන්ය.
ඉකුත් පෙබරවාරියේ පත්කළ නව ජනාධිපති පරීක්ෂණ කොමිසමේ සභාපතිවරයා ලෙස ශ්‍රේෂ්ඨාධිකරණ විනිසුරු ධම්මික ප්‍රියන්ත සමරකෝන් ජයවර්ධන මහතා පත් කර ඇති අතර ශ්‍රේෂ්ඨාධිකරණ විනිසුරු ඛේමා කුමුදිනී වික්‍රමසිංහ මහත්මිය සහ අභියාචානාධිකරණ විනිසුරු රත්නප්‍රිය ගුරුසිංහ මහතා කොමිසමේ සෙසු සාමාජිකයන් වශයෙන් කටයුතු කරයි. කොමිසමේ ලේකම් ලෙස පත්කර සිටින්නේ බුවනෙක හේරත් මහතාය.
පාස්කු ප්‍රහාරයට වගකිව යුතු ඇතැමුන්ගෙන් විමර්ශනවලට බලපෑම්- අගමැති හෙළිකරයි
පාස්කු ඉරිදා ත්‍රස්ත ප්‍රහාරයට වගකිව යුතු සියලුදෙනා නීතිය ඉදිරියට ගෙන එන බව අග්‍රාමාත්‍ය මහින්ද රාජපක්ෂ මහතා පාර්ලිමේන්තුවේදී අද යළි සහතික විය.
පාස්කු ත්‍රස්ත ප්‍රහාරයට වසර දෙකක් සැපිරීම හේතුවෙන්, සභාවේ අවසරය ඇතිව අග්‍රාමාත්‍යවරයා විසින් පාර්ලිමේන්තුවේ දී විශේෂ ප්‍රකාශයක් සිදුකරමින් මේ බව සඳහන් කීය.
පසුගිය රජය විසින් සිදුකළ සාපරාධී නොසලකා හැරීම් හා මඟ හැරීම් හේතුවෙන් වන්දිගෙවීමට සිදුවුයේ අහිංසක ජනතාවට බව අග්‍රාමාත්‍යවරයා සිහිපත් කළේය.
අදත් එම ප්‍රහාරයට වගකිව යුතු ඇතැම් පිරිස් සමාජයට බොරු කියමින් විමර්ශනවලට බලපෑම් කරමින් සමාජ අවධානය වෙනත් දිශාවකට යොමුකරමින් සිටින බව ද අගමැතිවරයා මෙහිදී හෙළිකළේය.
මේ පිළිබඳ වැඩිදුරටත් අදහස් දැක්වු අගමැතිවරයා,
“පාස්කු කොමිසම විසින් හෙළිදරව් කර ගත් තොරතුරු අනුව, සකස් කළ වාර්තාව හා අනෙකුත් ලේඛන පදනම් කරගෙන නීතිමය ක්‍රියාමාර්ග ගැනීමට මේ වන විට නීතිපතිවරයා වෙත යොමුකර තිබෙනවා.
අධිකරණ කටයුතු කෙරෙහි මැදිහත්වීම නොකරත් ක්‍රියාමාර්ග සාර්ථක කර ගැනීමට අවශ්‍ය ඕනෑම සහයකට රජයක් හැටියට සුදානම් බව කියන්න කැමතියි. කොමිෂන් සභාවට අමතරව ක්‍රියාත්මක කරන අපරාධ පරීක්ෂණ දෙපාර්තමේන්තුවේ පරීක්ෂණ ඉතාම ස්වාධීනව සිදුකරගෙන යෑමට අවශ්‍ය පහසුකම් ජනාධිපතිවරයා විසින් සපයා දී තිබේ.
පරීක්ෂණ අවසානයේ ඒ ඒ දෙපාර්තමේන්තු විසින් අධිකරණ ක්‍රියාමාර්ග ගැනීමට ඉදිරියේ දී කටයුතු කරයි කියලා අපට විශ්වාසයි.“
මේ අතර පාස්කු ත්‍රස්ත ප්‍රහාරයෙන් ජීවිත අහිමි වූ පිරිස සහ තුවාල ලැබූ පිරිස සිහිපත් කිරීමේ අවස්ථාව සඳහා අද (21) උදෑසන 8.45ට විනාඩි දෙකක නිශ්ශබ්දතාවක් ආරක්ෂා කිරීම සහ පහන් දැල්වීම අරලියගහ මන්දිරයේදී සිදුවී තිබුණේ මෙසේය .
පාස්කු ප්‍රහාරයේ පිටුපස සත්‍ය නිරාවරණය පමාවීම රටම අනතුරේ හෙළීමක් – අගරදගුරු
පාස්කු ප්‍රහාරයේ පිටුපස සිටින සමස්ත සත්‍ය නිරාවරණය කිරීම අත්‍යවශ්‍ය බවත් එය ප්‍රමාද කිරීම මුළු රටේම ආරක්ෂාව අනතුරේ හෙළීමක් බවත් අගරදගුරු මැල්කම් රංජිත් කාදිනල් හිමියෝ පවසති.
ප්‍රහාරයේ සත්‍ය හෙළිදරව් කර වින්දිතයින්ට සාධාරණය ඉටුකරන තෙක් මේ වන විට දියත් කර ඇති විරෝධතා දිගටම පවත්වන බව උන්වහන්සේ කියා සිටියේ “පාස්කු ප්‍රහාරයේ වින්දිතයින් අනුස්මරණය” සඳහා කොළඹ කොච්චිකඩේ ශාන්ත අන්තෝනි දේවස්ථානයේ පැවති වැඩසටහනකදීය.
පාස්කු ප්‍රහාරයෙන් මියගිය අයට හා ආබාධිතව රෝද පුටුවල සිටින අයටත් සාධාරණයක් හිමිවන්නේ සත්‍ය හෙළිදරව් වී යුක්තිය ඉටුවූ විට බව හිමිපාණෝ වැඩිදුරටත් සඳහන් කළහ.
“පාස්කු ඉරුදින ප්‍රහාර මාලාව සිදුවී වසර දෙකක් ගෙවී ඒ පිළිබඳව කිසිවෙකුට විරුද්ධව නඩු පැවරී නැති වටා පිටාවක් තුළ, එම වින්දිත පවුල්වලටත් සියලු ශ්‍රී ලාංකික සහෝදර සහෝදරයින්ටත් මම පවසන්නේ, පාස්කු දින ප්‍රහාරයේ සත්‍ය හෙළිදරව් කර වින්දිතයින්ට යුක්තිය හා සාධාරණය ඉටුවන තුරු අප දියත් කර ඇති විරෝධතා ව්‍යාපාර දිගින් දිගටම කරගෙන යනවා.”
ජූරිගේ කිරුළ අයර්ලන්තයේ කේට්ට පිරිනමයි
කැරොලයින් ජූරි විසින් දැරූ ලෝක විවාහක රූ රැජිණ කිරුළ එම තරගයේ දෙවැනියා වූ අයර්ලන්ත කාන්තාවක වන Kate Schinder වෙත පිරිනැමූ බව එම සංවිධානය නිවේදනය කරයි.
ශ්‍රී ලංකා විවාහක රූ රැජින තරගයේ සිදුවූ ආන්දෝලනාත්මක සිද්ධිය හේතුවෙන් කැරලයින් ජූරි තමා විසින්ම ලෝක විවාහක රූ රැජිණ කිරුළ යළි භාරදීමට කටයුතු කළාය .
නිවේදනය දැක්වෙන්නේ එම ඉල්ලා අස්වීම හේතුවෙන් එම කිරුළ තරඟයේ දෙවැනියාට ලබාදීමට පියවර ගෙන ඇති බවයි.
රෝසි සේනානායක මහත්මිය විසින් මුල්ම ලෝක විවාහක රූ රැජින ලෙස ශ්‍රී ලංකාවට ගෙන ආ කිරුළ වසර තිස් පහකට පසුව ගෙන එන ලද්දේ කැරලයින් ජූරි විසිනි.
ඉන්දීය අත්අඩංගුවට ගත් මත්කුඩු තොගය ප්‍රංශයේ සිටින අන්ජුගේ ඇනවුමක්
ඉන්දියාවේ මත්ද්‍රව්‍ය නාශක කාර්යාංශයේ නිලධාරීන් විසින් එරට දී අත්අඩංගුවට ගත් මත්කුඩු කිලෝ 340 ජාවාරමේ ප්‍රධානියා මේ වන විට ප්‍රංශයේ සැඟවී සිටින ගොනාකෝවිලේ අන්ජු නැමැත්තා බවට අනාවරණය වී තිබේ.
ඔහු සිය බිරිඳ සහ දරුවන් සමඟ මේ වන විට ප්‍රංශයෙහි ජීවත් වේ.
ඔහුගේ ඇනවුමකට අනුව මෙම හෙරොයින් මත්කුඩු තොගය ඉරාන නෞකාවකින් ලංකාවට ගෙනෙමින් තිබියදී මෙරටින් ගිය බෝට්ටුවකට ජාත්‍යන්තර මුහුදු සීමාවේදී පටවා තිබේ .
මේ සම්බන්ධීකරණය කරන ලද්දේ ඩුබායි හි සිටින අංජුගේ ප්‍රධාන ගෝලයෙක් බව කියැවෙන ඇල්ටෝ ධර්මේ නමැත්තාය.
ඇල්ටො ධර්මයේ නැමැත්තා 2018 දි ධනංජය සිල්වා නම් ක්‍රිකට් ක්‍රීඩකයාගේ පියාට වෙඩි තබා ඝාතනය කිරීමේ ප්‍රධාන සැකකරුය . එම සිදුවීමෙන් පසු ඔහු ඩුබායි වෙත පළා ගොස් තිබේ .
නුවර පදිංචිව සිට දැනට ඩුබායි හි සිටින සයිමා නම් තවත් පුද්ගලයකු මෙම ජාවාරමට සම්බන්ධ වී ඇත.
නුවර ප්‍රදේශයේ මත් කුඩු බෙදාහැරීමේ ඩුබායි සිට සම්බන්ධීකරණය කරනු ලබන්නේ සයිමා නැමැත්තා බව වාර්තා වේ.
එම මත්කුඩු රැගත් බෝට්ටුව මෙරට බොහොම සීමාවෙන් පිට වන විට රාජ්‍ය බුද්ධි සේවයට ලද ඔත්තුව ඉන්දියාවට ලබා දීමෙන් පසු මෙම බෝට්ටුව සහ ලාංකිකයන් පස් දෙනා පස්දෙනා ඉන්දීය අත්අඩංගුවට ගෙන ඇත .
අත්අඩංගුවට ගත් ලාංකිකයන් පස්දෙනා රත්මලාන අඟුලාන ප්‍රදේශයේ පදිංචිකරුවෝ ය.
ඉන් තිදෙනෙක් අංජුගේ ප්‍රධාන ගෝලයන් බවට මේ වන විට හඳුනාගෙන තිබේ.
ඔවුන් කිසි දිනෙක මුහුදු ගිය අය නොවන බවත් මත් කුඩු ගෙන ඒම සදහා පමනක් මෙම ගමනට සහභාගී වී ඇති බවත් වාර්තා වේ .
පාස්කු ඉරිදා ප්‍රහාරයට අදට දෙවසරක්
2019 වසරේ අප්‍රේල් 21 වැනිදා පාස්කු ඉරුදිනයේ මිලේච්ඡ අන්තවාදී ත්‍රස්තවාදීන් පිරිසක් එල්ල කළ ත්‍රස්ත ප්‍රහාරයට අදට වසර දෙකක් සපිරේ.
ප්‍රහාරයෙන් විපතට පත්වූවන් අනුස්මරණය කරමින් උදෑසන 8.45ට දේවස්ථානවල සීනූ නාද කෙරෙන අතර ඉන් පසු මිනිත්තු 2ක නිෂ්ශබ්දතාවයක් පැවැත්වෙනු ඇත.
ප්‍රහාරයෙන් මියගිය 269 දෙනා සිහි කර කිතුනු දේවස්ථානවල අද (21) විශේෂ ආගමික සහ සැමරුම් උත්සව පැවැත්වීමට කතෝලික සභාව කටයුතු සූදානම් කර තිබේ.
පාස්කු ප්‍රහාරයේ ඉලක්ක බවට පත්වූ කටුවාපිටිය ශාන්ත සෙබස්තියන් සහ කොච්චිකඩේ ශාන්ත අන්තෝනි යන දේවස්ථානවලදීත් අද විශේෂ ආගමික වැඩසටහන් කිහිපයක්ම පැවැත්වීමට නියමිතය.
කතෝලික සභාව පවසන්නේ, ශුද්ධෝත්තම ෆ්‍රැන්සිස් පාප් වහන්සේගේ විශේෂ ප්‍රකාශයක්ද මෙරට සිටින වතිකානු තානාපති රදගුරුතුමා විසින් ඉදිරිපත් කිරීමට නියමිත බවය.
එම සැමරුම් උත්සව පැවැත්වෙන කොච්චිකඩේ ශාන්ත අන්තෝනි දේවස්ථානය ඉදිරිපිට මාර්ගවල අද මධ්‍යහ්න 12 දක්වා විශේෂ රථවාහන සැලැස්මක් ක්‍රියාත්මක වේ
පොලිසිය පවසන්නේ සෙසු කතෝලික දේවස්ථානවලටද විශේෂ ආරක්ෂාවක් සපයා ඇති බවය.
සියලුම කතෝලික පාසල්වලට අද දින නිවාඩු ලබාදී තිබේ.
ස්වාධීන රාජ්‍යවල ස්වෛරීභාවය කිසිසේත් අඩපණ නොකළ යුතු බව ජනපති ජාත්‍යන්තරයට කියයි
ජාතික සහ ජාත්‍යන්තර ප්‍රතිපත්ති, සම්මතයන්, නීති අතර සාධාරණ සමබරතාවයක් පවත්වාගෙන යාමේදී ස්වාධීන රාජ්‍යයන්හි ස්වෛරීභාවය කිසිසේත් අඩපණ නොකළ යුතු බව ජනාධිපති ගෝඨාභය රාජපක්ෂ මහතා ජාත්‍යන්තර ප්‍රජාවට අවධාරණය කරයි.
ආසියාව සඳහා වූ බොආඕ සංසදයේ ආරම්භක සම්මන්ත්‍රණයට සහභාගි වෙමින් සිය දේශනය ඔස්සේ ජනාධිපතිවරයා මේ බව පැවැසීය.
ආසියාවේ සහ සෙසු මහද්වීපවල රාජ්‍ය නායකයන්, ව්‍යාපාරිකයන් ගේ ප්‍රධානත්වයෙන් පැවැත්වෙන “බොආඕ සංසදය“ වීඩියෝ තාක්ෂණය ඔස්සේ පැවැත්විණි.
ලොව සමාජීය සහ ආර්ථික ගැටලුවලට විසඳුම් සෙවීම සඳහා ආසියානු මහද්වීපයේ සහ තවත් රටවල් කිහිපයක රාජ්‍ය නායකයන්ගේ සහභාගීත්වයෙන් “බොආඕ සංසදය“ පිහිටුවා ගැනුණි.
එහිදී බොආඕ සාමාජික සංසදය අමතමින් ජනාධිපතිවරයා වැඩිදුරටත් මේ බව කීය.
“මේ වසරේ, ආසියාව සඳහා වූ බොආඕ සංසදයේ ආරම්භක සම්මන්ත්‍රණයට සහභාගී වීමට ලැබීම ගැන මම ඉතාමත් සතුටු වෙමි. පළමුව, රටවල් එක අරමුණකට ගෙන ඒම සඳහා දශක දෙකක විශිෂ්ට කාර්යයක් නිම කිරීම පිළිබඳව බොආඕ සංසදයට මම සුබ පතමි.
මහජන චීන සමූහාණ්ඩුව විසින් ආසියාවේ බොආඕ සංසදය තුල සිදු කරන ලද ප්‍රධාන කාර්යභාරය අගය කිරීමටද මම මෙය අවස්ථාවක් කර ගනිමි. ශතවර්ෂ ගණනාවක ප්‍රෞඩ ඉතිහාසය තුළ, ශ්‍රී ලංකාව සහ චීනය අන්‍යෝන්‍ය ගෞරවය, විශ්වාසය සහ සහයෝගිතාව මත පදනම් වූ ශක්තිමත් ක්‍රමෝපායික සහයෝගී හවුල්කාරිත්වයක් පවත්වාගෙන ඇත. ශ්‍රී ලංකාවේ යහපතට හේතුවන වැදගත් ක්ෂේත්‍රයන් උදෙසා අතිගරු ෂී ජින් පිං ජනාධිපතිතුමා සහ චීන රජය විසින් ශ්‍රී ලංකාව වෙත දැක්වූ සහයෝගය මම අගය කරමි.
ශ්‍රී ලංකාව සියලුම මිත්‍ර රටවල්, විශේෂයෙන්ම ආසියානු කලාපයේ අසල්වැසි රටවල් සමඟ සහයෝගීතාව අපේක්ෂා කරන පැහැදිලි හා නව ජවයකින් යුත් විදේශ ප්‍රතිපත්තියක් පවත්වාගෙන යයි. එම විදේශ ප්‍රතිපත්තිය සමානාත්මතාව හා නොබැඳි කොන්දේසි මත පදනම් ව සැකසී ඇත. මෙම මූලධර්ම අපගේ සංවර්ධන ප්‍රතිපත්ති රාමුව වන ‘සෞභාග්‍යයේ දැක්ම’ තුළ අන්තර්ගත වේ.
එබැවින්, සමුළුවේ මේ වසරේ තේමාව තුලින් ගෝලීය පාලනය සහ ජාත්‍යන්තර සහයෝගීතාව ශක්තිමත් කිරීමේ වැදගත්කම ඉස්මතු කර තිබීම මම අගය කරමි. ජාත්‍යන්තර සබඳතා සඳහා වඩාත් සාධාරණ හා ගෞරවනීය පදනමක් කරා අප ළඟාවීම අත්‍යාවශ්‍ය වේ.
පවත්නා ගෝලීය ව්‍යුහයන් සහ පාලන යාන්ත්‍රණයන් නිරන්තරයෙන් වෙනස්වන ගෝලීය අවශ්‍යතා සපුරාලීමට අපොහොසත් වී ඇති අතර එහි ප්‍රතිඵලයක් ලෙස ලොවපුරා සිටින ජනතාවට දැවැන්ත අභියෝගයන්ට මුහුණ දීමට සිදුව ඇත.
සංවර්ධනය වෙමින් පවතින රටවල් විසින් ලෝක ආර්ථිකයට සපයන දායකත්වය කුමක් වුවත්, මෙම රටවලට අප්‍රමාණ වූ නීති, රෙගුලාසි සහ පාලන ව්‍යුහයන් පිළිපැදිමට සිදු වේ. එනමුත් ඔවුනට ගෝලීය නීති සම්පාදනය කිරීමේ ක්‍රියාවලියට ප්‍රවේශ විය නොහැකි බවත් අපි දනිමු. මෙය කණගාටුදායක තත්වයකි.
ජාතික ප්‍රතිපත්ති සහ ජාත්‍යන්තර හවුල් ප්‍රතිපත්ති, සම්මතයන් සහ නීති අතර සාධාරණ සමබරතාවයක් පවත්වා ගැනීම අත්‍යවශ්‍ය වේ. මෙම සමානාත්මතාව පවත්වාගෙන යාමේදී ස්වාධීන රාජ්‍යයන්හි ස්වෛරීභාවය කිසිසේත් අඩපණ නොකළ යුතුය.
කලාපයේ දීර්ඝකාලීන සංවර්ධන අභිලාෂයන් ආමන්ත්‍රණය කිරීම අරමුණු කරගත් සේද මාවත ප්‍රවේශය කලාපීය රාජ්‍ය හා රාජ්‍ය නොවන ක්‍රියාකාරීන් එක්ව පොදු කාර්යයක් සඳහා එකට වැඩ කිරීමට හැකිවී තිබේ. එවැනි මුලපිරීම් ප්‍රශංසනීයය.
ශ්‍රී ලංකාව සාමකාමී, දේශපාලනික වශයෙන් ස්ථාවර රාජ්‍යයක් වන අතර එහි සංවර්ධන රාමුව යටතේ සිය අරමුණු සපුරාලීම සඳහා දේශීය පාලන ක්‍රමවේදය වැඩි දියුණු කිරීම සඳහා විවිධ පියවර ගෙන තිබේ. ඵලදායී පුරවැසියන්, සතුටින් පිරි පවුලක්, විනයගරුක සමාජයක් සහ සමෘද්ධිමත් ජාතියක් යන සිව් වැදෑරුම් ප්‍රතිඵල ලබා දීම සඳහා ප්‍රතිපත්ති ක්ෂේත්‍ර 10 ක් හඳුනාගෙන ඇත.
අඩු ආදායම්ලාභී පවුල් දරිද්‍රතාවයෙන් මුදවා ගැනීම, ග්‍රාමීය යටිතල පහසුකම් වැඩිදියුණු කිරීම, අනාගත අවශ්‍යතා සපුරාලීම සඳහා අපගේ අධ්‍යාපනයේ ගුණාත්මකභාවය ඉහළ නැංවීම සහ රට පුරා කාර්යක්ෂමතාව වැඩි දියුණු කිරීම සඳහා තාක්ෂණය භාවිතය වැඩි දියුණු කිරීම සඳහා අප හොඳින් සිතා බලා සැලසුම් සකස් කර ඇත. ඉදිරි වසරවලදී අපගේ ආර්ථිකය සැලකිය යුතු ලෙස නගාසිටුවීමට හා ශක්තිමත් කිරීමට අපට අපේක්ෂා සහගත සැලසුම් තිබේ.
මෙම ක්‍රියාවලියට සඳහා අපගේ ජාත්‍යන්තර හවුල්කරුවන්ගේ දායකත්වය අපි අපේක්ෂා කරමු. අපගේ බලාපොරොත්තුව ණය ලබා ගැනීමට නොව ආයෝජන දිරිමත් කිරීම වේ. වාසිදායක බදු ව්‍යුහයක් සහ වෙනත් දිරිගැන්වීම් ඇතුළුව විදේශ සෘජු ආයෝජන සඳහා අපි ආකර්ශනීය ප්‍රතිපත්ති සකස් කර ඇත්තෙමු.
බෝආඕ සංසදයේ සාමාජික රටවල රජයන්ගෙන් අපි ඉල්ලා සිටිනවා ශ්‍රී ලංකාව ඔවුන්ගේ ආයෝජන සඳහා ගමනාන්තයක් සේ සලකන ලෙස. එලෙසම එම රටවල් මගින් අප රට තුල තවත් ව්‍යාපාර ඇරඹිමට ආයෝජකයන් ධෛර්යමත් කරන ලෙස ද ඉල්ලා සිටිමු. විශේෂයෙන් අපේ ආර්ථිකයට වාසිදායක බලපෑමක් ඇති කරන අපනයන අරමුණු කරගත් කර්මාන්තවල ආයෝජන ආකර්ෂණය කර ගැනීමට අප උත්සාහ කරන්නෙමු.
අවසාන වශයෙන්, බොආඕ සංසදයේ ආරම්භක සාමාජිකයෙකු ලෙස ශ්‍රී ලංකාව එහි උපදෙස්, මූලධර්ම සහ එහි අරමුණ කෙරෙහි ඇති කැපවීම මම සහතික වෙමි.
මෙම ගෝලීය වශයෙන් අභියෝගාත්මක තත්වය තුල 2021 BFA වාර්ෂික සමුළුව මගින් කලාපයේ සහ ලෝකයේ අනෙකුත් රටවල් අතර වාසිදායක තත්වයක් ඇති කිරීමට දායකත්වයක් සපයනු ඇතැයි මම විශ්වාස කරමි.”
රාජ්‍ය ඇමති සමඟ අර්බුදයෙන් නිවාස සංවර්ධන අධිකාරියේ සභාපති ඉල්ලා අස්වෙයි
ජාතික නිවාස සංවර්ධන අධිකාරියේ සභාපති රේණුක පෙරේරා මහතා එම ධුරයෙන් ඉල්ලා අස්වී තිබේ.
විෂය භාර අමාත්‍යවරයා වන අගමැති මහින්ද රාජපක්ෂ මහතා වෙත ලිපියක් යොමු කරමින් ඔහු පෙන්වා දී ඇත්තේ රාජ්‍ය අමාත්‍යවරයා සමග කටයුතු කිරීමට නොහැකි නිසා තමන් ඉල්ලා අස්වන බවයි.
මොරටු සරසවියට වැඩිපුර සිසුන් ගන්න බෑ – ආචාර්ය සංගමය
අංජනා මල්ලවආරච්චි
මොරටුව විශ්ව විද්‍යාලයට ඇතුළත් කළ යුතු නියමිත ශිෂ්‍ය ප්‍රමාණය ඉක්මවා වැඩිපුර සිසුන් ප්‍රමාණයක් ඇතුලත් කර ගන්නැයි විශ්වවිද්‍යාල ප්‍රතිපාදන කොමිෂන් සභාව කර ඇති දැනුම් දීම ප්‍රතික්ෂේප කරන බව මොරටුව විශ්ව විද්‍යාලයීය ආචාර්ය සංගමයේ සභාපති ආචාර්ය ජේ.ඊ.සමරවික්‍රම මහතා කොළඹදී අද පැවැති ප්‍රවෘත්ති සාකච්ඡාවකදී පැවසීය.
මොරටුව විශ්ව විද්‍යාලයට එක් වර්ෂයක දී සිසුන් 1758 ක් ඇතුලත් කරගන්නා නමුත් විශ්ව විද්‍යාල ප්‍රතිපාදන කොමිෂන් සභාව එම ප්‍රමාණය සියයට 34 කින් ඉහළ නංවා මෙවර සිසුන් 2363 ක් බඳවා ගන්නා ලෙස දැනුම් දී තිබෙන බවද සභාපතිවරයා කීය.
අවම පහසුකම් යටතේ එවැනි වැඩි ශිෂ්‍ය සංඛ්‍යාවක් බඳවා ගැනීමට නොහැකි අතර ගුණාත්මක අධ්‍යාපනයක් ලබා දීමට නොහැකි වන බව ද බවද ආචාර්ය සමරවික්‍රම මහතා කීය.
කොළඹ කොටුවේ බැංකුවක කොවිඩ් පොකුරක්
අංජනා මල්ලවආරච්චි
කොළඹ කොටුවේ පිහිටි ප්‍රසිද්ධ බැංකුවක සේවය කරන සේවකයින් 44 දෙනෙකුට covid-19 වෛරසය ආසාදනය වී ඇතැයි සෞඛ්‍ය අංශ කියයි.
එම බැංකු සේවකයින්ට අවස්ථා කිහිපයකදී සිදු කළ පී සී ආර් පරීක්ෂණවලදී එම රෝගීන් හඳුනාගත හැකි වූ බව ද සෞඛ්‍ය අංශ කියයි.
එම ආසාදිතයින් මේ වනවිට රෝහල් ගත කර ඇති අතර ඔවුන්ගේ ආශ්‍රිතයින් නිරෝධායනයට ලක්කළ බව ද සෞඛ්‍ය අංශ ප්‍රකාශකයෙක් පැවසීය.
බිරිඳ, සැමියා හරි හැටි හඳුනා ගනිමු
“ඕනෑම මානව සම්බන්ධයක අත්‍යවශ්‍යම සාධකය නම් සංවාදයයි. නමුත් තව දුරටත් මිනිසුන් සංවාදයක යෙදෙන්නේ නැත, ඔවුන් එකට වාඩි වී කතා කරන්නේ හෝ අනෙකාට සවන් දෙන්නේ නැත. ඔවුන් රඟහලට යයි, සිනමා ශාලාවට යයි, රූපවාහිනී නරඹයි, රේඩියෝවට සවන් දෙයි, පොත් කියවයි. නමුත් ඔවුන් එකිනෙකා සංවාදයේ යෙදෙන්නේ නැත. අපට මේ ලෝකය වෙනස් කිරීමට අවශ්‍ය නම් නැවතත් ගිනිමැලයක් වටා රණකාමි කතා කියන අතීතයකට යන්නට සිදු වේවි.”
ශ්‍රේෂ්ඨ බ්‍රසීලියානු කතුවර පවුලෝ කොහියෝ විසින් වසර ගණනාවකට පෙර සිදුකර ඇති මෙම ප්‍රකාශය වර්තමානයටත් වලංගු වන අතර වර්තමානයේ මෙම ප්‍රකාශයහි තීව්‍රතාවය ජංගම දුරකථන හා පරිඝණක මෙන් ම අන්තර්ජාල භාවිතයත් සමග වඩාත් වැඩි දියුණු වූ තත්වයකට පත්වී ඇති බව හඳුනා ගැනීමට පුළුවන. මානව සම්බන්ධතා වල පදනම වන්නේ සන්නිවේදනයයි.
පුද්ගලයන් හෝ පවුලේ සාමාජිකයින්, සැමියා බිරිඳ, දෙමාපියන් හා දරුවන් අතර ගොඩ නැගෙන සන්නිවේදනය තුළින් යහපත් සබඳතා ඇතිවීම හා ඒවායේ ශක්තිමත් භාවයවැඩි දියුණු කර ගැනීමක් සිදු වේ.
මෙම යහපත් සබඳතාවයන් ප්‍රීතිමත් හා සාර්ථක ජීවිතයකටමග පාදන අතරඒ තුළින් ප්‍රීතිමත් සමාජයක් ගොඩ නැගීම සඳහා මංපෙත් විවර කෙරේ. සමාජයේ කුඩාම තැනුම් ඒකකය වන පවුල තුළ ඇති සමගිය, සාමදානය හා ප්‍රීතිමත් භාවය තුළින් එම පවුලේ සුභසාධනය මෙන්ම සමාජ සුබසාධනයට ද මඟ පෙන්වයි.
සමාජ විද්‍යානුකූල ඇසින් බැලුවහොත් පවුල යනු “දරුවන් ඇති දැඩි කරගෙන ආර්ථික සහයෝගීතාවක් පවත්වාගෙන යමින් එක් නිවසක එකට වාසය කරන විවාහක යුවළක් හෝ ඥාතීන් සමූහයක්” යනුවෙන් සරලව අරුත් ගැන්විය හැකි ය. පවුලේ කාර්යභාරය වශයෙන්,
- ජීව විද්‍යාත්මක කාර්‍යන්
- ආර්ථික කාර්යයන්
- සංස්කෘතික කාර්යයන්
- මනෝ විද්‍යාත්මක කාර්යයන්
මූලික වශයෙන් හඳුනා ගැනීමට පුළුවන. මූලික වශයෙන් ම විවාහයක් පදනම් කරගනිමින් පවුල බිහිවන බව මෙම නිර්වචනයට අනුව සරලව හඳුනා ගැනීමට හැකි වන අතරම පවුලේ සැමියා හා බිරිඳ ට එම පවුල තුළ විශාල කාර්ය භාරයක් සහ තත්ත්වයක් පවතින බව වැඩිදුරටත් හඳුනා ගැනීමට හැකිවේ. පුරුෂයකු හා ගැහැනියක අතර ඇතිවනවන නීත්‍යානුකූල ලෙස ලිංගික සබඳතා ඇති කිරීමේ නෛතික ගිවිසුමක් වශයෙන් සමාජ විද්‍යාත්මක ඇසින් විවාහය යන්න නිර්වචනය කිරීමට පුළුවන. එසේ පුරුෂයකු හා කාන්තාවක් මූලික වෙමින් ආරම්භ කරන පවුල පසු කාලීනව දරුවන් ලැබීම තුළින් තවදුරටත් විකාශනය වේ. මානව පරිණාම ක්‍රියාවලිය තුළ දී පවුල තුළ පුරුෂයාගේ කාර්යභාරය වී ඇත්තේ පවුල සඳහා ඉපයීම වන අතර වන අතරගැහැණිය රැස්කිරීම, ආරක්ෂා කිරීම වැනි කාර්යභාරයන් සිදු කොට ඇත. පුරුෂයා විසින් සතුන් හඹාගොස් දඩයම් කොටඇති අතර ගැහැනියගේ කාර්ය භාරය වී ඇත්තේ තම දරුවන් ආරක්ෂා කර ගනිමින්, ආහාර පිසිමින්, පරිසරයෙහි ඇති දේ රැස් කිරීමයි.
වසර දහස් ගණනක් කාලයේ ඇවෑමෙන් හෝමෝ සේපියන්ස් මානවයා බවට පරිවර්තනය වී ඉතා සංකීර්ණහා දියුණු සමාජ රටාවක ට අවතීර්ණ වී සිටින, වර්තමානයේ පවුල තුළ ස්ත්‍රියගේ හා පුරුෂයාගේ භූමිකාවන් හාත් පසින් වෙනස් වී ඇති බවක් නිරීක්ෂණයවන අතර මෙම සංකීර්ණත්වය තුළින් ස්ත්‍රී පුරුෂ භූමිකාව විශාල වශයෙන් පරිවර්තනයකට ලක් වී ඇති බව අධ්‍යයනය කළ හැකි වේ.
තාක්ෂණික දියුණුවේ ඉහළම තලයක් දැකගැනීමට හැකි වර්තමානයේ දී මානව සම්බන්ධතාවයන්ට පත් වී ඇති ඉරණම ඉතා දුක්ඛ දායක වේ. පවුලේ සැමියා බිරිඳඅතර සිදුවී ඇති කාර්යභාර ඝට්ටනය හා අනෙකුත් මානව, සමාජයීය හේතු නිසා පවුල් සබඳතා දුර්වල වී ඇති අතර එකිනෙකා තේරුම් නොගැනීම හා අවබෝධ කර නොගැනීම ඊට ප්‍රධානතම හේතුවක් බවට පත් වී ඇත.
ස්ත්‍රිය හා පුරුෂයා ගේ ශාරීරික සැකැස්ම හා මනෝ භාවයන් මෙන්ම සමහර ජීව විද්‍යාත්මක ලක්ෂණ එකිනෙකාගෙන් වෙනස් වීම මීට ප්‍රධානම හේතුව වනඅතර ඒ පිළිබඳ ව මූලික අවබෝධයක් නොතිබීම තුළින් ස්ත්‍රීන් හා පුරුෂයන් අතර පවුල් ජීවිත ගත කිරීමේ දී ඉතා විශාල ගැටුම්කාරී තත්වයන් ඇතිවන බව පැහැදිලි කරුණකි.
ගැහැනිය සහ පිරිමියා අතර විද්‍යාත්මක වශයෙන් පවතින වෙනස්කම් රාශියකි. මෙම වෙනස්කම් පිළිබඳවගැහැණිය සහ පිරිමියා අතර පවතින අන්‍යෝන්‍ය අවබෝධය මත ගැටුම් ඇති වන්නේද, නැද්ද යන්න තීරණය වේ. ඉතා සරලව පවසන්නේ නම් ස්ත්‍රිය හා පුරුෂයකු අතර පවතින අන්‍යෝන්‍ය වෙනස්කම් හඳුනා නොගැනීම හා අවබෝධ කර ගැනීමට ඇති අපොහොසත් භාවය හේතු කොට ගනිමින් බොහෝ අවස්ථා වලදී එම ගැටළු, දුරදිග ගිය පවුල් ආරවුල් වශයෙන් වැඩි දියුණු වී විවාහය දික්කසාදයකින් කෙළවර වන අවස්ථා සුලබ බව නිරීක්ෂණය කර ගැනීමට පුළුවන.
ගැහැණුන් උපතින්ම සංවේදතාවය වැඩි කොට්ඨාශයකි. ඒ පිළිබඳව සිදු කොට ඇති පර්යේෂණ මඟින් මඟින් හෙළි වී ඇත්තේ පංච ඉන්ද්‍රියන් ඇසුරෙන් ලබන සංවේදනයන් ගෙන් ගැහැනිය පිරිමියා අභිබවන බවයි. දෘෂ්ටිය සම්බන්ධයෙන් සලකා බලතොත්, ගැහැනිය ගේ දෘෂ්ටි පරාසය පුරුෂයාට වඩා වැඩි බව පර්යේෂණ මගින් තහවුරු කොටගෙන ඇත.
ගැහැණියට එකවර අංශක 180 ක පුළුල් පරාසයක් දැකීමට පුළුවන. සැමියාට එකවර සොයා ගත නොහැකිව කෑ ගසමින් සිටින, ලාච්චුවක හෝ රාක්කයක් මත ඇති යතුරු කැරැල්ලක් බිරිඳ විසින් එකවර සොයා ගන්නේඑම හේතුවෙනි. “ගැහැනුන්ට පස්සෙත් ඇස් තියෙනවා” යන ප්‍රසිද්ධ කියමන ගොඩ නැගී ඇත්තේ මෙවැනි කාරණා ඇසුරෙන් වීමට පුළුවන.
ඇසේ සැකැස්ම වශයෙන් ගතහොත් පිරිමියාගේ ඇස් ගැහැණුන්ගේ ඇස්වලට වඩා මදක් විශාල වුවද, පිරිමි ඇසේ දෘෂ්ටි විතානය සැකසී ඇත්තේ අතීත දඩයක්කාරයාට තම ගොදුර දෙස එක එල්ලේ බලා, හඹා ගොස් දඩයම් කර ගැනීම සඳහා අවශ්‍ය වූ පරිදි තනිකෙලින් එක එල්ලේ ඈත බැලීම සඳහාය. මේ පිළිබඳව පර්යේෂණයන් මගින් ද තහවුරු කොට ඇත.
පාර මාරු වීමේ දී සිදුවන අනතුරු සම්බන්ධයෙන් බ්‍රිතාන්‍යයේ හා ඕස්ට්‍රේලියාවේ කෙරී ඇති පර්යේෂණයන්ට අනුව අනාවරණය වී ඇත්තේ පාර මාරු වීමේදී ගැහැනුන්ට සාපේක්ෂව දෙගුණයකින් පිරිමින් අනතුරට ලක් වී ඇති බවයි. එවැනි අවදානමක් පිරිමින්ට ලැබී ඇත්තේ එකවර අවට වටපිටාව දැකීමේ හැකියාව සීමා සහිත වීම හේතු කොට ගෙන ය. පුරුෂයා “වෙනත් ස්ත්‍රීන් දෙස බලන්නේ ය” යන දෝෂාරෝපණයට නිරන්තරයෙන් ලක් වෙන්නේ ද මෙම හේතුව නිසා ම ය.
පිරිමින්ට සාපේක්ෂව ගැහැණුන් ඊට සමාන චෝදනාවක් ද ලක් නොවන්නේ ගැහැණු පිරිමින් දෙස හොරෙන් නොබලන නිසා නොව, ගැහැනුන් පිරිමින් මෙන් එක එල්ලේ යමක් දෙස නොබලන බැවිනි. පිරිමියා අතීත දඩයක්කාරයා මෙන් නිශ්චිතව දෑස් එල්ල කොටඑක එල්ලේ යමක් දෙස බැලීම හේතුවෙන් නිරතුරු ව මෙම චෝදනාවට ලක් වේ.
දෘෂ්ටියට අමතරව ගැහැනුන්ට පුළුල් පරාසයක වර්ණාවලියක් දැකීමේ හැකියාවක් පවතී. ගැහැනියගේ ක්‍රෝමසෝමනිර්මාණය වී ඇත්තේ ‘xx’ වශයෙන් වෙන අතර පුරුශයාගේ එය ‘xy’ වේ. ඇස් වලටවර්ණ දැකීමේ සෛල ලබාදෙන්නේ ‘x’ නැමැති ක්‍රෝමසෝම ය තුළිනි. කාන්තාවට මෙම ‘x’ ක්‍රෝමසෝම දෙකක් පිහිටීම නිසාකාන්තාවට ස්වභාවයෙන්ම වර්ණ පුළුල් පරාසයකින් යුතු හඳුනා ගැනීමට පුළුවන.
පිරිමියා බොහෝවිට සමත් වන්නේ නිල්, කොළ, රතු වැනි මූලික වර්ණ පමණක් හඳුනා ගැනීමට වන අතර ගැහැනිය එකම වර්ණයක් තුළ විවිධාකාර පරාසයන් හඳුනා ගැනීමට සමත් වේ. නිල් පැහැය තුල ඇති අහස් නිල, මොනර නිල වැනි ප්‍රභේද කාන්තාවන්ට හදුනා ගත හැකි වන්නේ ඉහත කී ලක්ෂණය හේතුවෙන් වන අතර ස්වාමි පුරුෂයා බිරිඳ විසින් පවසන වර්ණයක ඇඳුමක් හෝ වෙනත් භාණ්ඩයක් එම වර්ණයෙන් ම තෝරාගෙන ඒමට අසමත් වන්නේ මෙම හේතුව නිසා වෙනි.
මීට අමතරව පර්යේෂණවලින් හෙළි වී ඇති පරිදි ගැහැණුන් ගේ කන් ඇසීම පිරිමින්ට වඩා තීව්‍ර වන අතර උච්චාරණය ඉහළ පහළ බව ක්ෂණිකව හඳුනා ගැනීම ව හඳුනා ගැනීමට හැකියාව ඇත. රාත්‍රියේ දරුවා නින්දෙන් ඇහැරී කෙඳිරි ගාන විටම පියාට පෙර මව අවදි වන්නේ ගැහැණුන් සතු තීව්‍ර ශ්‍රවන හැකියාව හේතුවෙනි. එසේම ගඳ සුවඳ හා රස දැනීමේ සීඝ්‍රතාවයද පුරුෂයන්ට වඩා කාන්තාවන් ට වැඩි බව පර්යේෂණ මගින් අනාවරණය වී ඇත. මෙම කාය ජීව වෙනස්කම් නිසා නිවසේ රූපවාහිනියේ ශබ්දය වැඩි වීම නිසා සැමියා, බිරිද අතර ඇතිවන ගැටළු සේම ස්වාමියා විසින් බිරිඳ සමග එදිනෙදා සිදුකෙරෙන සංවාද වලදී තම කටහඬ උස පහත්කිරීමේ විලාසය කරණ කොට ගනිමින් ඇතිවන ගැටුම් අස්වභාවික ඒවා නොවන බවත් හුදු ජීව විද්‍යාත්මක වෙනස් කම් තුලින් පැන නගින ඒවා පමණක් බවත් අවබෝධ කරගැනීමෙන් පවූල් තුල ඇතිවන ගැටළු අවම වනු ඇත.
ගැහැනුන්ගේ සම පුරුෂයන්ට සාපේක්ෂව තුනී වන අතර සමේ සංවේදීතාවය අතින් බැලුවොත් පුරුෂයාගේ සමට වඩා දස ගුණයකින් ඇල්ලීමට තෙරපීමට හා ස්පර්ශයට සංවේදී වේ. කුඩා ගැහැනු දරුවන් තමාව ඇල්ලීමට, අතපත ගෑමට හා සිප ගැනීමට ඉතාම කැමැත්තක් දැක්වුවත් කුඩා පිරිමි ළමයින් එසේ කිරීමට අකමැති වන්නේ මේ හේතුව නිසාවෙනි. වැඩිහිටි කාන්තාවන් ද තම ස්වාමි පුරුෂයාගෙන් හෝ ප්‍රේමවන්තයාගෙන් වැලඳගැනීම්, සිප ගැනීම් හෝ ස්පර්ශ කිරීම් සඳහා වැඩි කැමැත්තක් දක්වන්නේ මෙම කරුණු හේතුවෙනි.
එසේ ප්‍රමාණවත් පරිදි තම සහකරුවා ගෙන් ස්පර්ශයන් නොලැබී යන විට කාන්තාව, පුරුෂයා තමන්ව ‘ගණන් නොගනී’, ‘ආදරය නොකරයි’, ‘අවධානයක් නොදක්වයි’ යනුවෙන් වැරදි නිගමන නිගමන වලට එළඹේ. කාන්තාවන් ගේ සිත දිනා ගැනීමට නම් මෙම කාරණය පුරුෂ පක්ෂය විසින් අවබෝධ කර ගැනීම ඉතා වැදගත් ය.
සන්නිවේදන හැකියාව පිළිබඳ සලකා බැලුවහොත් කාන්තාවන් සිටින්නේ පුරුෂයන්ට වඩා ඉහළ මට්ටමක වේ. පර්යේෂණ වලින් හෙලිවී ඇති අන්දමට කාන්තාවක් දිනකට සාමාන්‍යයෙන් වචන විසි දාහක් (20000) පමණ කතා කරනු ලැබේ. වචන, ශබ්ද හා අංග චලන මීට ඇතුළත් ය. පුරුෂයන් මින් හරි අඩකට වත් ළඟා නොවන අතර සංඛ්‍යාත්මක ව බැලුවොත් පුරුෂයකු විසින් දිනකට සාමාන්‍යයෙන් කතා කරනු ලබන වචන සංඛ්‍යාව වචන හත් දහසක් (7000) පමණ වේ. දවස අවසානයේ රැකියාවට ගොස් පැමිණි පසු, දහවල් කාලයේදී කාර්යාලයේ හෝ අතර මගදී පිරිමියා විසින් තමාගේ වචන 7000 කතා කොට අවසාන තිබුණේ නම් ඔහුට අවශ්‍ය වන්නේ නිවසට පැමිණ විවේකීව නිශ්ශබ්දව සිටීමටය.
ගැහැනියගේ වචන විසිදාහ යම් හෙයකින් කතා කොට අවසන්ව නොතිබුණේ නම් ගැහැණියට අවශ්‍ය පිරිමියා හා දොඩමලු වීමට ය. ඇගේ දවසේ ඉතිරි වචන සියල්ල පැවසීමට අවශ්‍ය වනු ඇත. තමාගේ වචන කෝටාව අවසන් කළ පිරිමියාට මෙය මහත් හිසරදයක් වනු ඇත. ඔහුගේ වචන සීමාව මේ වන විටත් අවසන් ව ඇති බැවින් පිරිමියා විසින් සාමාන්‍යයෙන් සිදු කරනු ලබන්නේ බිරිඳ විසින් කරනු ලබන කතාවට නිහඬව සවන් දීමයි. මෙම නිහඬතාවය බිරිඳ විසින් දකින්නේ තමා ගණන් නොගැනීමක් හෝ ආදරය නොකිරීමක් ලෙස ය. ගැහැනුන්ගේ දවස අවසානයේ මෙබඳු කථාවන් පිරිමියා දකින්නේ අඳෝනාවක්, කන්කරච්චලයක් ලෙසය. මෙම ගැටලුව වෙනත් දුරදිග ගිය විශාල ආරවුලක් දක්වා ගමන් කළ හැකි අතර මේ පිළිබඳව නිසි අවබෝධයකින් සිටි නම් සන්නිවේදන වෙනස හේතුවෙන් ඇතිවෙන ගැටළු සහගත තත්වයන් අවම කර ගැනීමට හැකිවනු ඇත. විශේෂයෙන් ම තමා ගේ කතාවට සවන් දීම හැර තම සැමියා විසින් කතාවේ ගැටළු වලට විසඳුම් ලබා දීම හෝ ඊට ප්‍රතිචාර දැක්වීමක් අපේක්ෂා නොකෙරෙන බැවින් බිරිඳට සවන් දීම තුළින් පමණක් තම සැමියා තමා ට අවධානය යොමු කරන බව අවබෝධ වන අතර ඉන් ඇය සතුටට පත් වේ. හොඳ සවන් දෙන්නෙකු වීම යුග දිවියේ සාර්ථකත්වයට නො වරදින රහසකි.
අවකාශමය හැකියාවන් පිළිබඳව අවධානය යොමු කිරීමේ දී ගැහැණියට වඩා පුරුෂයා ඉදිරියෙන් සිටී. අවකාශ මේ හැකියාව යනුවෙන් හඳුන් වන්නේ අවට පරිසරය, හිස් අවකාශයක් මනෝමය වශයෙන් පරිකල්පනය කිරීමේ හැකියාවයි. ගැහැණුන්ට වඩා පිරිමින් ගේ අවකාශ හැකියාව වඩාත් පුළුල් වන අතර ඊට හේතු වන්නේ ගැහැණු මොලයේ හා පිරිමි මොලයේ සැකැස්ම වෙනස් වීමයි.
ඓතිහාසිකමය වර්ධනය අනුව ඉතා දිගු කාලයක් කෑම සොයා ඔබ මොබ හැසිරුණු දඩයක්කාරයාගේ චරිත රඟ පෑ පුරුෂයා ආහාර හා ගොදුරු සොයා බාහිර පරිසරය තුළ තුල ඔබ මොබ හැසිරීමත් සමග තමන්ගේ අවකාශ හඳුනා ගැනීමේ හැකියාව දියුණු හා තියුණු බවට පත් කර ගත් අතර, තම ගල්ගෙය හෝ නිවස හා දරුවන් රැක බලා ගනිමින්කෑම බීම පිසිමින්එක් තැනක රැඳෙමින් ‘රැකබලා ගන්නීය’ ගේ චරිතය රඟපෑ ගැහැණිය දරුවන් හා සැමියා සමග නිවස තුළ අවකාශයකට කොටු වී, අවකාශ සබඳතාවන් සීමා වීම තුළින් පරිණාමික ව මෙම තත්ත්වයට පත් වී ඇති බව අධ්‍යනයන් මගින් හෙළිදරව් වී ඇත. පිරිමියාගේ දකුණු මොළයේ ඉදිරිපස ස්ථාන හතරක හා වම් මොළයේ යම් වශයෙන් අවකාශ හැකියා කලාපයන් ස්ථිරවම පිහිටා තිබෙන බැවින් ස්ත්‍රියට සාපේක්ෂව පුරුෂයාගේ අවකාශ හැකියාව වැඩි වන අතර මේ තුළින් තුළින් පිරිමියා ත්‍රිමාණ දෘෂ්ටියක් හිමිකර ගනියි.
පිරිමියා හා සාපේක්ෂව බලන විට ගැහැනියගේ මොළයේ වම් පස හා දකුණු අර්ධ ගෝල දෙකෙහිම නිශ්චිත නොවන සුළු වශයෙන් අවකාශ හැකියාවන් පිහිටා ඇති බව හඳුනා ගත හැකි අතරඑම හේතුව නිසා ගැහැනුන්ට හිමිවන්නේ ද්විමාන දෘෂ්ටියකි. මේ හේතුව නිසා මගසලකුණු සහිත ව යම් ස්ථානයකට යන පාර කීම, සිතියම් කියවීම හා වරක් ගිය ස්ථානයකට නැවත නිවැරදිව මග සොයා ගෙන යාම වැනි කාර්යයන් ස්ත්‍රීන්ට අපහසුය. සිතියමක් කියවීමේ දී ද්විමාන රූප සංජානනය සහිත කාන්තාවගේ අවධානය යොමු වන්නේ යොමු වන්නේ සිතියමේ ඇති වර්ණයන්, රූප හෝ සලකුණු කෙරෙහි ය. නමුත් ත්‍රිමාණ රූපී සංජානනීය හැකියාව සහිත පුරුෂයා විසින් ස්ථානය, දිශාව හා අනෙකුත් ලක්ෂණයන් තුළින් නිවැරදිව සිතියම කියවීමට සමත්ය. පිරිමින් හා සාපේක්ෂව ප්‍රබල සංජානනයක් පෙන්නුම් කිරීමට සමත්වන්නේ කාන්තාවන්ගෙන් 10% පමණක් බව පර්යේෂණ මඟින් හෙළිදරව් කරගෙන ඇත.
ගැහැණු මොළයේ සහ පිරිමි මොළය ක්‍රියාත්මක වන්නේ ආකාර දෙකකට ය. ගැහැනු මොළයේ බහු මාර්ගික (Multitracked) ය. ඒ මගින් එක් වරකට අදහස් එකකට වඩා කිහිපයක් නිකුත් කල හැකි අතර කතාකරන අතරතුර ම සවන්දීම ද සිදු කිරීමට කාන්තාවන්ට පුළුවන. නමුත් කාන්තාවන්ට සාපේක්ෂව පිරිමි මොළය ඒක මාර්ගික (Single-tracked) වේ. එක් වරකට ප්‍රකාශ කළ හැක්කේ එක් අදහසක් පමණි. කතා කරන අතරතුර සවන්දීමේ හැකියාව පුරුෂයන්ට නොමැත. පිරිමින්ගේ වාක්‍ය කෙටි වන අතර සරල අදහස් හා ඍජු ප්‍රකාශනයක් ඇත. ගැහැනුන්ගේ වාක්‍ය දිගු වන අතර, අදහස් සංකීර්ණ ය. මිශ්‍ර අදහස් ඇති අතර භාෂණය වක්‍රාකාර වේ. උදාහරණයක් වශයෙන් ගතහොත්-වාහනයක ගමන් ගන්නා අතර තුර බිරිඳ විසින් තම ස්වාමිපුරුෂයා ගෙන් “ඔයාට තිබහයිද ?” යනුවෙන් අසයි. වාහනය පැදවීමේ අවධානයෙන් සිටින සැමියා විසින් තමාට තිබහ නොමැති බව පවසයි.
ටික වෙලාවක් යන විට බිරිඳගේ මුහුණ වෙනස් වී කතාව අඩු වී ගොස් පසුව “පුතේ, බස් එකේ යනවා වගේ නේද ගමන ?” යනාදී වශයෙන් ඇනුම්පද පිට වෙයි. කිසිවක් නොතේරුණු සැමියා අන්ද මන්ද වන අතර මෙම වචන හුවමාරුව දුර දිග ගොස් විශාල රණ්ඩුවක් පවා ඇති වීමේ ඉඩ කඩ ඇත. “ඔයාට තිබහයිද ?” යනුවෙන් බිරිඳ විසින් කලින් කරන ලද ප්‍රකාශය තුලින් ඇය විසින් ඇත්තෙන් ම අදහස් කර ඇත්තේ ඇයට යමක් පානය කිරීමට ඇති අවශ්‍යතාවය හෝ ගමන මඳක් නතර වී විඩා හැරීමේ අවශ්‍යතාවයයි.
පිරිමියාට එය අවබෝධ කර ගැනීමට නොහැකි වන්නේ පිරිමි මොළය කෙළින් කතාව සඳහා සැකසී ඇති බැවිනි. වක්‍රාකාර කතාව පිරිමියාට නුහුරුය. එබැවින් ගැහැණුන් වක්‍රාකාරයෙන් පවසන්නේ කුමක්ද යන්න පිළිබඳව අවධානය යොමු කිරීම තුළින් ස්වාමිපුරුෂයා හා බිරිඳ අතර ඇතිවෙන ගැටුම්කාරී තත්ත්වය අඩු කර ගනිමින් යහපත් සන්නිවේදනයක් ගොඩනඟා ගැනීමට හැකි වනු ඇත.
චිත්තවේගික සංවේදී තාවය පිලිබඳ අවධානය පිළිබඳ අවධානය යොමු කිරීමේ දී කාන්තාවන් පිරිමින්ට වඩා වැඩි චිත්තවේගික සංවේදීතාවයක් පෙන්නුම් කරන බව හඳුනා ගැනීමට පුළුවන. පිරිමින්ගේ දකුණු මොළයෙහි ස්ථාන දෙකක චිත්තවේගික කලාප සරමක් ඝනව පිහිටා ඇති අතර පිරිමියාගේ වම් මොළයෙහි චිත්තවේග කලාප පිහිටන්නේ නැත. නමුත් ගැහැණු මොළයේ වම, දකුණ යන පාර්ශ්වයන් දෙකෙහිම චිත්තවේගික සංවේදිතාව පිරිමියාට වඩා බෙහෙවින් වැඩි ය.ගැහැනුන්ට හිමි වන විශේෂිතාව වන්නේ කෝපය, ශෝකයවැනි චිත්තවේගයක් ඇති වූ විට ඒ සමගම, ඒ පිළිබඳව තාර්කිකව කතා කිරීමේ හැකියාව ලැබීමයි.
ගැහැනියකුට හඬමින් සිටින අතරතුරම තමන්ගේ දුක් ගැනවිල්ල සාධාරණීකරණය කරමින් තර්කානුකූලව කතා කිරීමේ හැකියාව ලැබී ඇත්තේ ගැහැනියගේ මොළයෙහි මෙම පිහිටීම නිසාවෙනි. ගැහැනුන් චිත්තවේගික වූ විට කතාවෙහි විශිෂ්ට වන අතර පිරිමියා ඊට හාත්පසින් ම වෙනස් ය. චිත්තවේගික වූ විට පිරිමියා ඉතා රළු වන අතර එවිට පිරිමියෙකු සමග හරි වැරැද්ද සාකච්ඡා කළ නොහැකි වේ. කෝපයට පත් වී සිටින පිරිමින් සමග යුක්තිය හෝ හරි වැරැද්ද පිළිබඳව කතා කිරීමට යාම නිෂ්ඵල කාර්යයක් වන්නේ පිරිමි මොලයේ සැකැස්ම අනුව පිරිමියා චිත්තවේගික වූ විට හරි වැරැද්ද, යුක්තිය අයුක්තිය නොපෙනෙන රළු පුද්ගලයකු බවට පත් වීමයි. එවිට තමා සිදුකරන දෙයහි හරි වැරැද්ද නො පෙනී යයි. බන්ධනාගාර ගත වී සිටින ජනගහනයෙන් වැඩි ප්‍රතිශතයක් පුරුශයින් වීම මෙයට හොඳම නිදසුනකි.
එබැවින් මෙම තත්ත්වය පිළිබඳව අවබෝධ කර ගනිමින් චිත්තවේගික වූ පිරිමින් සමග ගනුදෙනු කල යුතු ආකාරය පිළිබඳව දැනුවත් ව සිටීම කාන්තාවන්ට ඉතා වැදගත් වනු ඇත. එය තුළින් පවුල් ජීවිතය තුළ ඇති වන ගැටුම් අවම කර ගැනීමට හැකි වනු නොඅනුමානය.
දඩයක්කාරයකු, ලුහුබැඳ යන්නෙකු ලෙස මෙන්ම අභියෝග ජයගන්නකු වශයෙන් ද ඓතිහාසිකව භූමිකාවක් නිරූපණය කළ පිරිමියා නිරතුරුව සාර්ථකත්වය හා ජයග්‍රහණය පිළිබඳව උද්දාමයට පත් වන සුළු පෞරුෂයකින් යුතු පුද්ගලයකු වන අතර, ‘රැකබලා ගන්නියක’ ලෙස ඓතිහාසික භූමිකාවක් නිරූපනය කළ ගැහැණිය පරම්පරාව ඉදිරියට ගෙන යමින්, ආරක්ෂා කරමින්, ඇති දැඩි කිරීම තමන්ගේ වගකීමක් ලෙස සලකයි. වර්තමාන සමාජයීය පවුල තුළ ස්වාමි පුරුෂයාගේ හා බිරිඳගේ භූමිකාවන් යම් මට්ටමකින් වෙනස් අතකට හැරී තිබුණ ද, සමස්තයක් වශයෙන් බහුතර පිරිමින්ගේ අදහස වන්නේ හරි හම්බ කරමින් පවුල නඩත්තු කිරීම සඳහා තමන්ගේ වැඩි දායකත්වය පවතින බවයි. බහුතර කාන්තාවන් ගේ අදහස වන්නේ තමන් හරි හම්බ කරමින්, ඒ අතරතුර ම පවුල නඩත්තු කරමින්, පවුලේ සුබසාධනය වෙනුවෙන් කැපවී සිටින බවයි.
සත්‍ය වශයෙන්ම සලකා බැලුවහොත් මෙම මත දෙකම නිවැරදි ය. සැමියා හා බිරිද යන දෙදෙනාගේ අන්‍යොනය කැපවීම, එකිනෙකා පිලිබඳ මනා අවබෝධයකින් යුතු වීම හා බැඳීම මත පවුලේ සාර්ථකත්වය රඳා පවතී. ස්ත්‍රීයගේත් පුරුෂයාගේත් මනෝ විද්‍යාත්මක හා ජෛව විද්‍යාත්මක විෂමතාවයන් හා විශේෂිත ලක්ෂණයන් හා වෙනස් කම් පිළිබඳව එකිනෙකා අතර හොඳ අවබෝධයකින් පසු වේ නම්, සැමියා හා බිරිඳ අතර ඇති වනගැටළු අවම වී, හොඳ සන්නිවේදනයක් ගොඩනැගී, ඒ තුළින් යහපත් හා ප්‍රීතිමත් පවුල් ජීවිතයක් කරාමග පෑදෙනු ඇත.
විජේදාසගේ පුත්‍රයා රතු සංඥාවට එරෙහිව ගිහින් අනතුර කරලා
පාර්ලිමේන්තු මන්ත්‍රී විජේදාස රාජපක්ෂ මහතාගේ පුත්‍රයා වන රඛිත රාජපක්ෂ මහතා ඇප මත මුදා හැර තිබේ.
රකිත රාජපක්ෂ මහතා අද අත්අඩංගුවට ගැනීමට හේතු වූ රාජගිරියේ අනතුර සිදුකර ඇත්තේ රතු සංඥාව වැටී තිබියදී ඊට එරෙහිව යාමේදී බව අනාවරණය වී තිබේ.
අනතුරට ලක්ව තුවාල ලැබූ සිව් දෙනාගෙන් එක් අයෙකු ගැබිණි කාන්තාවක බවද පොලිසිය පැවසීය.
අනතුර සිදු වීමෙන් පසු අනෙක් වාහනේ සිටි සිව් දෙනා රෝහල් ගත කර ඇති අතර රකිත රාජපක්ෂ මහතා මහතාද පෞද්ගලික රෝහලට ඇතුළත් වී ඇත.
මැයි දින රැළි පෙළපාලි අත්හිටුවයි
මෙවර මැයි දිනය නිමිත්තෙන්‌
පැවැත්වෙන සියලුම රැළි පෙළපාලි හෝ කිසිදු වැඩසටහනක් නොපැවැත්වීමට තීරණය කර තිබේ.
කොවිඩ් -19 වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ශවේන්ද්‍ර සිල්වා පවසයි.
පක්ෂ නියෝජිතයන්‌ සමඟ අද පැවති
හමුවකදී මෙම තීරණය ගෙන ඇත.
කොවිඩ් රෝගීන් ගැන වසංගත රෝග විද්‍යා අංශයේ දත්ත පරස්පරයි
අංජනා මල්ලවආරච්චි
රසායනාගාර දත්තවලට අනුව මෙරට covid 19 වෛරසය ආසාදිතයින්ගේ සංඛ්‍යාව ලක්ෂය ඉක්මවා ගොස් ඇති නමුත් වසංගත රෝග විද්‍යා අංශයේ ලේඛනවල ඇත්තේ ඊට වඩා අඩු සහ වැරදි අගයක් බව වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමය චෝදනා කරයි.
රසායනාගාර වාර්තාවලට අනුව මෙරට කොවිඩ් රෝගීන් ලක්ෂය ඉක්මවා ගොස් ඇත්තේ ඉකුත් තුන්වැනි දින වන බවට රවි කුමුදේශ් මහතා පැවසීය.
මාස 8 ක පමණ කාලයක සිට සෞඛ්‍ය අමාත්‍යාංශය සහ වසංගත රෝග විද්‍යා අංශය නිකුත් කරන දත්තවල පරස්පරතා තිබෙන බවද කුමුදේශ් මහතා කීය.
covid වසංගතය පැතිරී වසරක පමණ කාලයක් ගතව ඇතත් තොරතුරු කළමනාකරණ පද්ධතිය කළමනාකරණ පද්ධතියක් ස්ථාපිත කර ගැනීමට වසංගත රෝග විද්‍යා අංශයට නොහැකිවීම බරපතළ තත්වයකැයි ද රවි කුමුදේශ් මහතා කීය.
වෛද්‍ය සභාවේ වැදගත් ලිපිගොනු කිහිපයක් අතුරුදන්
අංජනා මල්ලවආරච්චි
ශ්‍රී ලංකා වෛද්‍ය සභාවේ වැදගත් ලිපිගොනු කීපයක් අතුරුදන්ව ඇතැයි රජයේ වෛද්‍ය නිලධාරීන්ගේ සංගමය චෝදනා කරයි.
ඉතා වටිනා තොරතුරු සමග එම ලිපිගොනු අතුරුදන්වීම සම්බන්ධයෙන් පොලිස්පතිවරයා වෙත පැමිණිල්ලක් කරන බවද රජයේ වෛද්‍ය නිලධාරීන්ගේ සංගමයේ ලේකම් වෛද්‍ය ශෙනාල් ප්‍රනාන්දු මහතා පැවසීය.
විදේශ වෛද්‍ය විද්‍යාල සම්බන්ධ තොරතුරු ඇතුළත් එම ලිපිගොනු එලෙස අතුරුදහන් වී තිබෙන බවද ලේකම්වරයා කීය.
විදේශ වෛද්‍ය විද්‍යාලවල ප්‍රමිතිය සම්බන්ධ තොරතුරු, ඒවායේ අධ්‍යාපනය ලබන ශ්‍රී ලාංකික සිසුන්ගේ තොරතුරු ආදිය එම ලිපි ගොනුවල තිබූ බවද ඔහු කීය.
විජේදාස රාජපක්ෂගේ පුතා අත්අඩංගුවට
රාජගිරිය, වැලිකඩදී ඊයේ (20) රාත්‍රි සිදුවූ රිය අනතුරක් සම්බන්ධයෙන් පාර්ලිමේන්තු මන්ත්‍රී විජයදාස රාජපක්ෂ මහතාගේ පුත් රඛිත රාජපක්ෂ මහතා වැලිකඩ පොලීසිය විසින් අත්අඩංගුවට ගෙන තිබේ.
එම අනතුර හේතුවෙන් පුද්ගලයින් සිව්දෙනෙක් තුවාල ලබා ඇතැයි වාර්තා වේ.
රාජගිරිය ගුවන් පාළම අසල දී බොරැල්ල සිට රාජගිරිය දෙසට ගමන් ගත් මෝටර රථයක් සහ බුත්ගමුව දෙස සිට ප්‍රධාන මාර්ගයට ඇතුළත් කළ ජීප් රථයක් එකිනෙක ගැටීමෙන් එම අනතුර සිදුව තිබේ.
ශ්‍රීලනිපයෙන් වෙනම මැයි රැළියක් – මෛත්‍රී කියයි
ශ්‍රී ලංකා නිදහස්‌ පක්ෂය කොළඹ දී වෙනම මැයි දිනය සමරන බව ශ්‍රී ලංකා
නිදහස්‌ පක්ෂ සභාපති හිටපු ජනපති
මෛත්‍රීපාල සිරිසේන මහතා පවසයි.
කොළඹදී පැවැති සාකච්ඡාවකින්‌
අනතුරැව ඔහු මේ බව
පක්ෂයේ මධ්‍යම කාරක සභාව හා
පාර්ලිමේන්තු කණ්ඩායම එක්ව මෙම
තීරණය ගත් බවත් ඔහු පැවැසීය.
කොවිඩ් නිසා පොහොට්ටුවෙන් මෙවර මැයි පෙළපාලි නෑ රැළිය විතරයි
කොරෝනා වසංගත තත්ත්වය හේතුවෙන් මෙවර මැයි දින පෙළපාලි නොපවත්වා රැළිය පමණක් පැවැත්වීමට ශ්‍රී ලංකා පොදුජන සන්ධානයේ පක්ෂ නායකයින් අවධානය යොමු කර තිබේ.
අග්‍රාමාත්‍ය කාර්යාලය නිවේදනයක් නිකුත් කරමින් පැවසුවේ මැයි රැළිය ද සෞඛ්‍ය මාර්ගෝපදේශ අනුව පැවැත්වීමට එහිදී තීරණය කළ බවයි.
නුදුරේම දහවලට වැලි ප්‍රවාහනය තහනම්
වැලි ප්‍රවාහනය කරන ලොරි සහ ට්‍රක් රථ හේතුවෙන් සිදුවන මාර්ග අවහිරතා සහ රිය අනතුරු සැලකිල්ලට ගෙන දහවල් කාලයේ මාර්ගවල වැලි ප්‍රවාහනය නතර කිරීම කෙරෙහි භූ විද්‍යා හා පතල් කැණීම් කාර්යාංශයේ අවධානය යොමුුව තිබේ.
එහි ආරම්භක පියවරක් ලෙස නාගරික සිමාවන් තුළ පමණක් එම සීමාවන් පැනවීමට පියවර ගැනීමට නියමිත බව භූ විද්‍යා හා පතල් කැණීම් කාර්යාංශයේ සභාපති අනුර වල්පොල මහතා සඳහන් කළේ,
ඒ සම්බන්ධව අවසන් තීරණය ලබන සතියේ ගැනීමට නියමිත බවද ඒ සභාපතිවරයා වැඩිදුරටත් පැවැසීය.
“කොවිඩ් අභියෝගය ශ්‍රීලන්කන් ගුවන් සේවයට හැරවුම් ලක්ෂයක්”- සභාපති අශෝක් පතිරගේ
ගෝලීය කොරෝනා වසංගතය එක් දෘෂ්ටි කෝණයකින් ශ්‍රී ලන්කන් ගුවන් සමාගමට වෙස්වළාගෙන ආ ආශිර්වාදයක් වූ බව එහි සභාපති අශෝක් පතිරගේ මහතා පවසයි.
ශ්‍රී ලන්කන් ගුවන් සමාගමේ ප්‍රතිසංස්කරණ සැලසුම්, භාණ්ඩ ප්‍රවාහනය කෙරෙහි අවධානය යොමු කිරීම සහ පශ්චාත් වසංගත තත්ත්වය තුළ නැවත නැගී සිටීමට ශ්‍රී ලන්කන් ගුවන් සේවයට ඇති හැකියාව විස්තර කරමින් Routes Online වෙත සම්මුඛ සාකච්ඡාවකට සහභාගි වෙමින් සභාපතිවරයා මේ අදහස් දැක්වීය.
COVID-19 ශ්‍රී ලංකන් ගුවන් සේවයට බලපා ඇත්තේ කෙසේද?
අනෙක් හැමතැනකටම වගේ වෙන කවරදාකටත් වඩා අපට පෙර නොවූ විරූ ආකාරයකින් එමගින් බලපෑම් එල්ල වී තිබෙනවා. ලොව පුරා ගුවන් සමාගම්වලට එය විශාල වශයෙන් බලපෑවා.
පසුගිය වසරේ මාර්තු 20 වන දින අපගේ ගුවන්තොටුපළ (බණ්ඩාරනායක ජාත්‍යන්තර ගුවන්තොටුපළ) වසා දැමූ විට, අපගේ ගුවන් යානාවල කල්බදු ගෙවීම සඳහා පමණක්වත් රැකෙන ආකාරය පිළිබඳව කටයුතු කිරීම ඉතා අසීරු වුණා, එබැවින් අපි අපගේ සියලුම බදු ගිවිසුම් ආදිය ප්‍රතිව්‍යුහගත කළා.
වසංගතය පැමිණීමට පෙර පවා, ශ්‍රීලංකන් ගුවන් සේවය මහත් පරිශ්‍රමයක් දැරුවා. රජයෙන් අපිට ලද උපදෙස වූයේ ගුවන් සේවය නැවත ලාභදායි තත්ත්වයට ගෙන ඒමයි. මාව පත්කරන ලද්දේ පසුගිය වසරේ යි. වසර දෙකක කාලයක් තුළ ලාභ ලබා ගැනීමට අපට ව්‍යාපාර සැලැස්මක් තිබුණා.
ඒත් එක්කම වසංගතයට අපිව ගොදුරු වුණා. COVID එන්නට පෙර අප සතුව ඩොලර් බිලියනයකට ආසන්න ආදායමක් තිබුණා. 2020/21 මූල්‍ය වර්ෂය සඳහා අපිට අවසන් කරන්න වෙන්නේ ඩොලර් මිලියන 300 ක් පමණයි. එබැවින් අපි අපගේ ව්‍යාපාරයෙන් 30% ක් දක්වා පහත බැස තිබෙනවා.
මෙම අභියෝග තිබියදීත්, අපි තරමක් හෝ හොඳින් කටයුතු කර ඇති බව මම කියන්න කැමති . ලෝකයේ බොහෝ ප්‍රදේශවල අතරමංව සිටින ශ්‍රී ලාංකිකයන් – ප්‍රධාන වශයෙන් මැද පෙරදිග, මැලේසියාව සහ අසල්වැසි රටවල රැකියාවට ගිය අයව නැවත ගෙන්වා ගනිමින් අපි මානුෂීය ගුවන් ගමන් රාශියක් ක්‍රියාත්මක කරන්න පුළුවන් වුණා.
ඊට පස්සේ අපි තව තවත් භාණ්ඩ ප්‍රවාහන වෙළඳාමට මාරු වුණා. අපගේ අපනයන වෙනුවෙන් අප රටට සේවය කළ යුතු වුණා එහිදී, භාණ්ඩ ප්‍රවාහන ව්‍යාපාරයේ අවස්ථාවක් ඇති බව අපට වැටහී ගියා. මේ කාලය පුරාම අප අවධානය යොමු කර ඇත්තේ මගීන්ගේ පැත්තට පමණයි.
රජය ද අපට සහයෝගය ලබා දුන්නා. ඔවුන් ඩොලර් මිලියන 500 ක ආධාරක පැකේජයක් නිවේදනය කළා. දෙසැම්බරයේදී අපට මෙයින් ඩොලර් මිලියන 150 ක් පමණ ලැබී තිබෙනවා. අනෙක් ඩොලර් මිලියන 350 මෙම වසරේ සහ ලබන වසරේදී අපේක්ෂා කරමු.
ශ්‍රී ලන්කන් ගුවන් සමාගමේ කෙටිකාලීන හා මධ්‍ය කාලීන සැලසුම් මොනවද?
මේ අවුරුද්දේ පවා අපිට ඉතාම හොඳ තත්ත්වයක් ගැන පුරෝකථනය කරන්න බෑ. අපි වසර පුරා 40% ක ප්‍රකෘතියක් ලබාගැනීමේ පදනම මත අපගේ ව්‍යාපාර සැලැස්ම සිදු කරගෙන යනවා.
රටක් වශයෙන් අපි සංචාරක ගමනාන්තයක්. වසංගතයට පෙර අපට සංචාරක ව්‍යාපාරයෙන් ඩොලර් බිලියන 4 කට ආසන්න ආදායමක් ලැබුවා. අද එය ශුන්‍ය වෙලා. දැන් අපි ක්‍රමයෙන් සංචාරක ව්‍යාපාරය නැවත ආරම්භ කරමින් සිටිනවා. සංචාරකයින්ට දින 14 ක් බුබුලක් තුළ රැඳී සිටීමට හැකි වන පරිදි සංචාරක බුබුලු අප විසින් ප්‍රකාශයට පත් කළා. පසුව PCR පරීක්ෂණයක් කර ඕනෑම තැනකට යන්න ඉඩ සලසනවා.
අපි යුක්රේනය, රුසියාව සහ ලෝකයේ එවැනි ප්‍රදේශවලින් යම් අවස්ථා ලැබී තිබෙනවා. නමුත් මීට පෙර අපගේ අංක එකේ සංචාරක ප්‍රභවය වූයේ ඉන්දියාවයි. මේ මොහොතේ, අපි ඉන්දියානු සංචාරකයින්ට මෙහි සංචාරය කිරීමට ඉඩ දුන්නද, ඔවුන්ගේ රජය එයට ඉඩ දෙන්නෙ නෑ. අපි ඒ සඳහා බලපෑම් කරමින් සිටිනවා. එබැවින් ඉන්දීය රජය මෙම බාධකය නැවත විවෘත කරනු ඇතැයි අපි බලාපොරොත්තු වෙනවා.
සංචාරකයින් සම්බන්ධයෙන් චීනය අපගේ අංක දෙක වූ අතර එරට පුරවැසියන්ටත් පිටව යාමට ඉඩ දෙන්නෙ නෑ තවමත්. අපේ රටේ දෘෂ්ටි කෝණයෙන් බලා අපි නීති රාශියක් ලිහිල් කර තිබෙනවා. ඔබ එන්නත් දෙකම ගෙන ඇත්නම්, ඔබට කොළඹට පැමිණිය හැකිය. නමුත් එක්සත් රාජධානියේ සහ යුරෝපා සංගමයේත් සීමාවන් තිබෙනවා.
ඉතින් මේ මොහොතේ අපි කෙසේ හෝ මෙම බාධක මැඩගැනීමට අරගල කරමින් ඉන්නේ. නමුත් මෙම ශීත ඍතුවේ නොවැම්බර් මාසයේ සිට ලොව පුරා එන්නත් කිරීමේ වැඩසටහන් ක්‍රියාත්මක වීමත් සමඟ අපට වඩා හොඳ තත්වයක් උදා වනු ඇතැයි අපි අපේක්ෂා කරනවා. ඒ බලාපොරොත්තුවෙන් තමයි අපි දැන් ඉන්නේ.
ශීත කාලගුණය නිසාත් දුරස්ථ ගමනාන්ත රාශියක් අඩපණ වී ඇති හෙයින්, පශ්චාත් COVID සමය ශ්‍රී ලංකාවට නැවත ශක්තිමත් වීමට අවස්ථාවක් තිබේ යැයි ඔබ හිතනවාද?
එක්සත් රාජධානියේ, යුරෝපයේ සහ වෙනත් ස්ථානවල නීති වෙනස් වුවහොත් ශ්‍රී ලංකාවට ද විශාල අවස්ථාවක් තිබෙන්නේ ශීත ඍතුවේ දී පමණක් නොවෙයි. උදාහරණයක් ලෙස, ඉන්දියානු සංචාරකයින් සංචාරය කිරීමට සුදානම්, ඔවුන් මාලදිවයිනට ගමන් කරනවා එය වඩා මිල අධික ගමනාන්තයකි. ශ්‍රී ලංකාවට වාසිදායක අවස්ථා පිරිනමන්න පුළුවන් වගේම සාපේක්ෂව අප බෙහෙවින් ලාභදායී. මේ සියල්ල රඳා පවතින්නේ COVID වසංගත තත්ත්වය ලෝකයේ වෙනත් රටවල ක්‍රියාත්මක වන්නේ කෙසේද යන්න මතයි.
ශ්‍රී ලන්කන් ගුවන් සේවය නැවත ලාභයට ගෙන ඒම පිළිබඳ ඔබ පුරෝකථනය කරන්නේ කෙසේද?
ශ්‍රී ලංකන් ගුවන් සේවය නරක තත්ත්වයේ පැවතුණේ. COVID ට පෙර වර්ෂයට අපට ඩොලර් මිලියන 100 ක් පමණ අහිමි වුණා. එබැවින් අපගේ දෘෂ්ටිකෝණයෙන් මෙය වෙස්වළා ගැනීමේ ආශීර්වාදයක් වැනියි. සමාගම තුළ අපි බොහෝ ප්‍රතිව්‍යුහගත කිරීම් සිදු කළා. අපි අපගේ කාර්ය මණ්ඩලය අඩු කළා. අපි බදුකරුවන් සමඟ සාකච්ඡා කර ඇත්තෙමු. මෙම සැලසුම්වලින් අපි ඇත්ත වශයෙන්ම ඩොලර් මිලියන 100 ක් පමණ ඉතිරි කරගත්තා.
අපි විශ්වාස කරන්නේ අපට පූර්ව COVID අවධියේ යම් ආදායමක් ලබා ගත්තා නම්, එය යළි ළඟාකර ගැනීමට හැකියි කියා.
සමහර විට ඒ මේ වසරේ නොවූවත් එය අනිවාර්යෙන්ම ඉටුවේවි කියා. එය ශ්‍රීලංකන් ගුවන් සමාගමට හැරවුම් ලක්ෂයක් විය හැකියි.
පශ්චාත් කොවිඩ් අවධිය තුළ ගුවන් සමාගමේ ආදායමෙන් වැඩි ප්‍රතිශතයක් භාණ්ඩ ප්‍රවාහනය තුළ පවතින්නේ යැයි ඔබ අපේක්ෂා කරනවා ද?
ශ්‍රී ලංකාවට මේ වන විට කිසිදු භාණ්ඩ ප්‍රවාහන ගුවන් යානයක් නෑ. ඒ නිසා අපි අපේ මගී ගුවන් යානයේ බඩු ප්‍රවාහනය කරනවා. අපි A330-200 යානය නැව් භාණ්ඩ ප්‍රවාහන සේවයක් බවට පරිවර්තනය කළා. නමුත් එය සැබෑ භාණ්ඩ ප්‍රවාහන ගුවන් යානයක් නෙවෙයි.
එබැවින් අපි භාණ්ඩ ප්‍රවාහන ගුවන් යානයක් මිලදී ගැනීමට ද බලා සිටිනවා. මේ මොහොතේ අපි එය කල්බදු ක්‍රමයට ගැනීම සඳහා අපේක්ෂාවෙන් ඉන්නවා.
ශ්‍රී ලංකාවට භාණ්ඩ ප්‍රවාහන ගුවන් යානා පියාසර කරවන එමිරේට්ස් සහ කටාර් වැනි ගුවන් සමාගම් සමඟ අපට තරඟ කිරීමට සිදුවෙනවා. එබැවින් අපට විශාල අවස්ථාවක් තිබෙනවා. නොවැම්බර් මාසය වන විට සියල්ල හොඳින් සිදුවුවහොත් අපට ගුවන් යානා එකක් හෝ දෙකක් ලැබෙනු ඇතැයි අපි අපේක්ෂා කරනවා. එබැවින් එම අපට එම කාල නියමයන්ට ඒ දේවල් හරියටම ලබා ගත හැකි නම් අපගේ ව්‍යාපාර සැලැස්ම සාර්ථක වෙයි.
ප්‍රමිතිකරණය සහ ආගමික සහතික කරණය
යම්කිසි නිෂ්පාදනයක ප්‍රමිතියකට අනුකූල බව පාරිභෝගිකයාට දැනුවත් කිරීම් අත්‍යවශ්‍ය කාරණාවකි. ප්‍රමිතිකරණ ආකාර දෙකකි එකක් භාණ්ඩ හා සේවා ප්‍රමිතිකරණය, සහ පද්ධති සහතිකකරණය. අපි දන්නා ISO 9001, ISO GMP, GAP වැනි පද්ධති සහතිකකරණය තරගකාරි වෙළඳපොළ තුල බෙහෙවින් භාවිතා වේ. සමහර නිෂ්පාදනයට අදාළ පිරිවිතරයන්ට අනුකූල විය යුතු අතර, නිෂ්පාදනයේ භාවිතයේ යෝග්‍යතාවය ඊට අදාල වූ ප්‍රමිති ලාංඡනය මගින් පාරිභෝගිකයාට සන්නිවේදනය කෙරේ. සමහර නිශ්පාදනවලට අත්‍යාවශ්‍ය කාරණය ලෙස අදාල ප්‍රමිතියකට ප්‍රමිති ලාංඡනයක් ලබා තිබීම අනිවාර්යය වේ. ශ්‍රී ලංකාව තුළ නිෂ්පාදනයක ප්‍රමිතිය සඳහා වූ ලාංඡනය වන්නේ SLS ලාංඡනය යි. එය ශ්‍රී ලංකා ප්‍රමිති ආයතනය මගින් ලබා දෙනු ලැබේ. ඒ පිළිබඳව වගකීම දරන්නේ ප්‍රමිති ආයතනය විසිනි. පිළිගත් ප්‍රමිතියක් සෑදෙනුයේ පාරිභෝගිකයාත්, කර්මාන්තකරුවාත් යන දෙපාර්ශවයේ ම යහ පැවැත්ම සඳහාය. ප්‍රමිතයක් නීතිගත වීමට පෙර එය කෙටුම්පත් කමිටු, ආංශික කමිටු සහ මහා මණ්ඩල යන අවස්ථා තුනකින් අනුමත විය යුතුය. මෙහිදී ප්‍රාමාණික උගතුන්, කර්මාන්තකරුවන්, විවිධාකාර නීතිගත ආයතනවල නිලධාරීන් ගෙන් සමන්විත කමිටු වලින් සකසා අනුමත කර ඇත. සමහර ප්‍රමිති අන්තර්ජාතික සංවිධාන වලින් සකසා ලොව පුරා ම එක සේ පිළිගැනීමට ලක්වන ක්‍රමවේදයක් වන අතර සමහර ප්‍රමිති දේශීය සකසා භාවිතා කරනු ලැබේ. භාණ්ඩ ප්‍රමිතිකරණය මගින් පාරිභෝගිකයාට භාණ්ඩය පිළිබඳ විශ්වාසයක් ගොඩනැගෙන අතර, පද්ධති ප්‍රමිතිකරණයේ දී, පාරිභෝගිකයන් ආකර්ශනය කර ගත හැකි අතර ආයතනයේ ක්‍රමවේදය වඩාත් සුමට කර ගත හැකි වනවා.
එහෙත් සමහර පද්ධති සහතිකකරණයන් ආගමික මුහුණුවර ගත් ජන කොට්ඨාස සහ සංවිධාන විසින් සිදු කරනු ලැබේ. එය බොහෝ දුරට යම් ඔවුන්ගේ විශ්වාසයක් මත සහ ඔවුන්ගේ වෙළෙඳපොළ ඉල්ලුම පරදුවට තබමින් ඔවුන්ගේ මතවාදය ප්‍රචලිත කිරීමට යොදා ගන්නා ක්‍රම වේදයකි. උදාහරණයක් ලෙස ඉස්ලාම් භක්තික මුස්ලිම් ජනවර්ගය විසින් හලාල් (halal) සහතිකකරණය, යුදෙව් ජනවර්ගය විසින් කොෂර් (kosher) සහතිකකරණය දැක්විය හැක. ඔවුන්ගේ ආගමික විශ්වාස පදනම්ව ආහාරයට ගත යුතු දේවල් පිළිබඳ යම් විශ්වාස සහ මත වාද පවතී. හලාල් ක්‍රමයේදී ආගමානුකූලව මරණ ලද සතුන් පමණක් ආහාරයට ගත යුතු අතර එසේ නොවන අවස්ථාවලදී එය හරාම් හෙවත් ආගමානුකූල නොවන ආහාරයක් බවට අල්-කුර්ආනයේ සඳහන්ව ඇත. එමෙන්ම කුර සහිත වමාරා බුදින සතුන් පමණක් අල්-කුරානයට අනුව ඔවුන්ට ආහාරයට ගත හැක. එනම් ගවයන්, එළුවන්, වැනි සතුන් ආගමානුකූලව ඝාතනය කොට ඔවුන්ට ආහාරයට ගත හැක. යුදෙව්වන්ද ඔවුන්ගේ ආගමානුකූලව එම කාණ්ඩයේ සතුන් මරා ආහාරයට ගත හැක. මීට වසර විස්සකට තිහකට පමණ පෙර හලාල් සලකුණ ලංකාවේ භාවිතා කලේ කුකුළු මස් පැකට්ටු වල පමණි. නමුත් අද වන විට ආහාරයට නොගන්නා විවිධාකාරයේ නිෂ්පාදන වල ද හලාල් සලකුණ භාවිතා කරනු ලැබේ. මෙය මූලික සිද්ධාන්ත වලින් බැහැරව යෑමකි.
එහෙත් කොෂර් සහතිකකරණය ඉතාමත් සංවිධානාත්මක සහ සංකීර්ණ ක්‍රමවේදයට අනුව සැකසී ඇත. ක්‍රිස්තු වර්ෂ 1935 දී ඇමරිකාවේ නිව්යෝර්ක් නගරයේ රසායනඥයෙකු වූ ඒබ්‍රහම් ගෝල්ඩ්ස්ටයින් (Abraham Goldstein) විසින් කොෂර් ක්‍රමවේදය යුදෙව් නීතිය අනුව හදුන්වා දෙනු ලැබීය. මේ වූ වර්ෂෙය වර්ෂ 1968 දී රබ්බි ලෙවි (Rabbi Levy) නැමැති ව්‍යවසායකයා විසින් ලොව පුරා ප්‍රචලිත කරන ලදී. ඔහු විසින් සාම්ප්‍රදායිකව තිබූ ආහාර සහතිකකරණයට නවමු මුහුණුවරක් ලබා දුන්නේ ය. එනම් මෙම දශක තුන තුළ ආහාර කර්මාන්තයේ භාවිතා කරන විවිධාකාර ආකලන ද්‍රව්‍ය (additives) තම සහතික කරණය තුල එක් කිරීමයි. මෙම වකවානුව වන විට ආහාර පරිරක්ෂක ද්‍රව්‍ය, රසකාරක වැනි ආකලන යෙදීම කර්මාන්තය තුළ නව ප්‍රවණතාවයක් වෙමින් පැවතින. මෙහි විශේෂත්වය වන්නේ ආහාරවලට සුළුවෙන් යොදන ascorbic අම්ලය සහ MSG වැනි ආකලන ද්‍රව්‍ය පවා සහතිකකරණය තුල සලකා බැලීමයි. මෙම ක්‍රමවේදයේ දී ස්ථානීය පරික්ෂාවන් (on-site supervision) සිදු කරන අතර ඒ සඳහා මනාව පුහුණු වූ සුපරීක්ෂක යින් ඔවුන් සතුව ඇත. මෙම ක්‍රමවේදය අනුකූල ව යමින් ඉස්ලාම් භක්තිකයන් හලාල් සහතිකකරණය මුලින්ම මස් මාංශ නිෂ්පාදන සඳහා වර්ෂ 1970 දී පමණ බටහිර රටවල අරඹන ලදී. මෙම දශකයේ දී බටහිර රටවලට සංක්‍රමණය වූ ඉස්ලාමික භක්තිකයන් මුලින්ම යුදෙව්වන් විසින් පවත්වාගෙන ගිය මස් මාංශ වෙළඳසැල්වලින් මිලදී ගත්තද, පසුව මුඛ සහ කුර රෝගය සහ පිස්සු ගව රෝගය වැනි හේතූන් මත සහතිකකරණයකට යොමුවී ඇත. කාලයත් සමග අධික සංක්‍රමණය සහ වේගයෙන් සිදු වූ ඉස්ලාම් භක්තික ජනගහන වර්ධනය හේතුවෙන් බටහිර රටවල හලාල් සහතිකකරණය වූ මාංශමය ආහාර සඳහා දැඩි ඉල්ලුමක් ඇතිවිය. මෙය ඉස්ලාම් භක්තික ජනගහන වර්ධනයට සමානුපාතිකව ඉස්ලාම් මූලධර්මවාදී කණ්ඩායම් බටහිර රටවල ක්‍රියාකාරිත්වය වැඩිවිය. ඔවුන්ගේ බලපෑම මෙන්ම ආගමික නායකයින් විසින් ජන මනස තුලට අනිසි ලෙස කාවද්දන ලද්දකි.
ආහාරයට ගන්නා ද්‍රව්‍ය සඳහා ඇරඹි හලාල් සහතිකකරණය ඉස්ලාම් භක්තිකයන් සුළු ප්‍රමාණයක් වෙසෙන ලංකාවේ මූල්‍ය ආයතන, ආහාරයට නොගන්නා සමහර ද්‍රව්‍ය සඳහාද යොදාගනු ලැබේ. වර්ෂ 2005 වනතුරු මාංශ නිෂ්පාදන සඳහා පමණක් සීමාව තිබූ හලාල් සහතිකකරණය ලංකාවේ ජමෛයිතුල් උලමා වරුන් විසින් රාජ්‍ය අනුග්‍රහය සහිතව පුළුල් ලෙස ව්‍යාප්ත කරනු ලැබින. ඔවුන් ඉස්ලාම් භක්තික අහිංසක ජනතාව දඩමීමා කරගෙන ඔවුන්ගේ පටු අරමුණු කරා ගමන් කරති. ඔවුන්ගේ දේශනා හරහා භක්තිකයන්ගේ මොළ ශෝධනය කරමින් සිතීමේ හැකියාව ලිවීමට මොටකරවන සුළු තර්ක ඉදිරිපත් කරමින් මෙම ක්‍රියා මාර්ගය ගනු ලැබිණ. තමන්ට අවනත නොවන නිෂ්පාදකයන්ට විවිධ බලපෑම් එල්ල කරමින් වර්ෂ 2005 සිට මෙම කටයුතු වල ඔවුන් යෙදෙමින් සිටියහ. රූපලාවනය නිෂ්පාදනවල සූකර තෙල් අඩංගු බවට ජන මනසට කාවැද්දූ ඔවුන් ජනතාවගේ මනස තම මතයට නම්මාගත් හ. නවසීලන්තයෙන් ගෙන්වන එක්තරා කිරිපිටි වර්ගයකට හලාල් ලකුණ ප්‍රවර්ධනය කළ ද එය අසාර්ථක වූ තැන එම පිටිකිරි වල සූකර තෙල් අඩංගු බවට ප්‍රචාරයක් යැවූහ. එක්තරා ප්‍රමුඛතම බිස්කට් නිෂ්පාදක කර්මාන්ත ශාලාවකට ඔවුන්ගේ හලාල් සහතිකය ලබා දීමට කටයුතු කර බිස්කට් නිෂ්පාදන එක්තරා ප්‍රමුඛතම බිස්කට් නිෂ්පාදක කර්මාන්ත ශාලාවකට ඔවුන්ගේ හලාල් සහතිකය ලබා දීමට කටයුතු කර බිස්කට් නිෂ්පාදන ක්‍රියාවලියේ බොහෝ ක්‍රමවේදයන් ඔවුන්ගේ භක්තික කර්මාන්ත කරුවෙකුට ලබාදුන් බව ප්‍රසිද්ධ රහසකි. එම සහතිකය ලබා ගැනීමේදී කර්මාන්තය සඳහා යොදාගන්නා සියළු අමුද්‍රව්‍ය හලාල් ක්‍රමවේදයට අනුකූල විය යුතුය. වෙනත් ආකාරයකට කියන්නේ නම් එනම් මොවුන් කියන්නා වූ කියන්නා වූ සැපයුම් කරුවෙකු සපයන අමුද්‍රව්‍ය කර්මාන්ත කරුවා විසින් මිලදී ගත යුතුය. ක්‍රමවේදය පරික්ෂා කරවීමට උලමාවරුන් යොදවන අනුගාමිකයන් පිරිසක් ආයතනයේ යෙදවිය යුතුය. මේ සඳහා වූ ගාස්තු ගෙවිය යුතුය. සත්‍ය ගවේෂී ගේ මිත්‍රයකු වන ආහාර ආකලන ආනයනය කරන ව්‍යාපාරිකයකු හලාල් සහතිකය ලත් සැපයුම් කර්මාන්තයට ලබා දුන් අවස්ථාවේදී හලාල් අධීක්ෂණ නිලධාරීන් එම සැපයුම් ඔවුන් පිළිගන්නා මැලේසියාවේ ආයතනය හරහා ලද සහතික නොවන නිසා පිළිගත නොහැකි යැයි කීහ. මෙමගින් පැහැදිලි වන්නේ තමා විසින් අනුමත කරන ව්‍යාපාරිකයන්ගෙන් පමණක් අමුද්‍රව්‍ය මිලදී ගත යුතු බවයි. මෙමඟින් අනිසි ලෙස ඔවුන්ගේ ඉස්ලාම් භක්තික වෙළඳ මාෆියාවක් ලංකාව තුල ක්‍රියාත්මක කරවීමයි. පසුව ශ්‍රී ලාංකික ජනතාවගේ දැඩි විරෝධය හමුවේ ඔවුන්ගේ පටු පරමාර්ථ කෙටි කාලයකට නිහඬ කර ජමෛයිතුල් උලමා සංවිධානයෙන් වෙන්ව හලාල් ප්‍රතීතන කවුන්සිලය (Halal Accreditation Council) නම්වූ සංවිධානයක් බවට රූපාන්තරණය විය. එහෙත් එය ජමෛයිතුල් උලමා සංවිධානය විසින් හසුරවන සංවිධානයක් බව එහි අධ්‍යක්ෂ මණ්ඩලයෙහි සංයුතිය අධ්‍යයනය කිරීමේදී පැහැදිලි වේ. මවුලවි වරුන් කෙතරම් ජනතාව වෙත තම මතය කාවැද්දීම කෙරෙහි මුසා දෙසුවේද යත් එක් උගත් මහතෙක් පැවසූයේ, පානීය ජලය පිරිසිදු කිරීම සඳහා මිනිස් ඇටකටු ජල පෙරණ තුළදී භාවිතා වන බවයි. එය කෙතරම් අතාර්තික ද යත්, ජල පෙරණ වල අවශ්‍යතාවය සපුරා ගැනීමට මිනිසුන් මැරිය යුතුය. එසේත් නොමැති නම් වල දමන ලද මිනී ගොඩ දැමිය යුතුය. එවැනි විකාර මත විශ්වාස කරන තරම් ජනතාව මුළාවට පත් කොට ඇත. එහෙත් සමහර නිෂ්පාදන සඳහා සත්ත්ව මූලාශ්‍රවලින් ලබාගත් ද්‍රව්‍ය යොදා ගනු ලැබේ. එනම් ජෙලටින් සඳහා සත්ත්වමය මූලාශ්‍රයෙන් අමුද්‍රව්‍ය ලබා ගනී. එහෙත් ඇල්ගී වලින් ලබාගන්නා මොස් ජෙලි වෙළඳ පොලේ දක්නට ඇත. තම විශ්වාසයට අනුකූලව මොස් ජෙලි භාවිතා කිරීම වරදක් නැත. එහෙත් මේ මතය යොදාගනිමින් තමන්ගේ මතය දෙදරන ජන සමූහයකට බලෙන් කාවැද්දීම සදාචාරාත්මක නොවේ. මෙම ක්‍රියාවලිය නිසා නිෂ්පාදන වියදම ඉහල යාම සමස්ත පාරිභෝගිකයන් අසාධාරණ ලෙස දැරිය යුතුද?
තම විශ්වාස වලට අදාල නොවන කරුණු මත පාරිභෝගිකයා අනවශ්‍ය ලෙස වෙනත් කණ්ඩායමක මතවාදයකට ලක්විය යුතුද ?දැනට ලෝකයේ ක්‍රිස්තියානි භක්තිකයින් බිලියන 2.3 ක්ද, ඉස්ලාම් භක්තිකයින් බිලියන 1.8 සිටිති . වර්ෂ 2060 දී දෙකොට්ඨාසයම බිලියන තුනකට ආසන්න ප්‍රමාණයක් වනු ඇතැයි උපකල්පනය කෙරේ (මූලාශ්‍රය: pewresearch.org/facttank). දැනට ලෝකයේ යුදෙව් ජාතිකයින් මිලියන 14.7 ක් සිටිති (මූලාශ්‍රය: jewishvirtuallibrary.org). මාංශමය ආහාර අනුභව කරන සික් ජාතිකයින් හට, වෙනත් ආගමික විශ්වාස මත ඝාතනය කරන සත්වයින්ගේ මස් ආහාරයට ගැනීම ඔවුන්ගේ විශ්වාසයට විරෝධී දෙයකි. සමහර හින්දූන් මස් මාංශ ආහාරයට නොගන්නා අය ය. සංස්කෘතීන්ගේ විවිධත්වය ජන සමාජයේ වර්ණවත් කරන අතර එය තවත් ජන සමාජයක ප්‍රාණ ඇපයක් නොවිය යුතුය. සියලුම ජන වර්ග වලට තමන්ගේ ආවේණික ලක්ෂණ සුරක්ෂිතව තබා ගැනීමට හැකියාව ලැබිය යුතුය.
ඕස්ට්‍රේලියාවේ හලාල් සහතිකකරණයේ ඉතිහාසය සැලකූවිට වර්ෂ 1974දී මාංශමය ආහාර වලට සහතික කරන ලබාදී වර්ෂ 1993දී ආයතන එකොළහක් සහතිකකරණය වී ඇත. (මූලාශ්‍රය: exportconnect.com.au/brief-history-of-halal/).වර්ෂ 1997 දී ඕස්ට්‍රේලියාවේ හලාල් සහතිකකරණ සංවිධාන විසින් රූපලාවණ්‍ය නිෂ්පාදන සහ ඖෂධ නිෂ්පාදන කර්මාන්ත වලටද හලාල් සහතිකකරණය යොමු කර ඇත.
මුස්ලිම් ජනගහනය 87.2% ක් සිටින ඉන්දුනීසියාවේ හලාල් සහතිකකරණය කෙසේ සිදුවේදැයි සළකා බලමු. එහි හලාල් සහතිකකරණය සිදු කරන්නේ ඉන්දුනීසියාවේ උලමා කවුන්සිලය (MUI) විසිනි. ඔවුන් ආහාරමය නොවන නිෂ්පාදන සදහා ද හලාල් සහතිකය ලබා දී ඇත. ඉන්දුනීසියාවේ මුස්ලිම් පාරිභෝගිකයන්ගේ වර්ධනයක් පවතී. වෙළෙඳපොළ තරඟකාරිත්වය හේතුවෙන් කර්මාන්තකරුවන් තම නිෂ්පාදනය හලාල් සහතිකය ලත් බව වෙළඳ දැන්වීම් වල සඳහන් කරති. ද ජකර්තා පෝස්‍ට් හි සඳහන් පරිදි ෂාප් ඉලෙක්ට්‍රොනික් ආයතනය තම ශීතකරණයක් හලාල් සහතිකය ලත් පලමු ශීතකරණය ලෙස දැන්වීම් යොදනු ලැබිය. සමහර ඉන්දුනීසියානු පාරිභෝගිකයන් සඳහන් කරනු ලැබුයේ “ආහාරයක් ලෙස ජීර්ණය නොවෙන දෙයක් හලාල් වන්නේ කෙසේද?” යන්නයි.
MUI විසින් හලාල් සහතිකකරණය ලබාදුන් Zoya නමැති හිජාබ් ඇඳුම් සන්නාමය වර්ෂ 2016 දී තමන් හලාල් අනුකූලතාව ඇති එකම හිජාබය බව දැන්වීම් පලකලේය. (මූලාශ්‍රය: thejakartapost.com/news/2018/05/27) එම දැන්වීම හේතුවෙන් අනෙක් හිජාබ නිෂ්පාදන හරාම් වන්නේද යන තර්කය මත අනෙක් නිෂ්පාදකයින් දැඩි අපහසුතාවයට පත්වූහ. පසුව Zoya හි නිර්මාණ අධ්‍යක්ෂ වරයා මාධ්‍ය හමුවක් පවත්වා සමාව ඉල්ලා සිටියේය. MUI හි අධ්‍යක්ෂ වරයෙකු වන ලුක්මාන් හකීම් පවසන ආකාරයට ආහාරමය නොවන නිෂ්පාදන සඳහා හලාල් සහතිකකරණය පිලිබඳ ඉල්ලීම් රාශියක් යොමුවන බව පවසයි.ඉන්දුනීසියාවේ වර්ෂ 2012 දී හලාල් සලකුණ සඳහා 32,890 ක් අනුමත ව තිබූ අතර වර්ෂ 2017 දී 127,286 දක්වා සංඛ්‍යාව වර්ධනය වී ඇත. මෙය හුදු නිෂ්පාදනයෙහි ගුණාත්මකතාවය පිලිබඳ වටිනාකමක් සහිත වර්ධනයක් නොවන අතර ආගමික නායකයින් විසින් ආර්ථිකමය අරමුනින් ජනමනසට කාවද්දන ආගමික මතවාදයක් පමණක් බව සත්‍යගවේෂීගේ හැඟීමයි. එහි ආර්ථික ප්‍රතිලාභ ආගමික නායකයින්, මහාපරිමාණ ව්‍යාපාරිකයින් කුඩා පිරිසක් විසින් සමස්ත ජනසමාජයක් මුලාවට හෙළමින් අත්විඳින්නක් බව සත්‍යගවේෂී හොඳින් දන්නා කරුණකි.
එඤ්ඤං
මම සත්‍යගවේෂී
ජල ටැංකියට වැටී දෙහැවිරිදි දරුවා මරුට
හොරොව්පොතානේ නිවසක වගා කටයුතු සදහා ජලය ලබාගැනීමට ඉදිකර තිබුණු ජල ටැංකියකට වැටීමෙන් දෙහැවරදි වියේ පසුවන දරුවෙක් මියගොස් ඇත.
හොරොව්පොතාන ඉහළකුඹුගොල්ලෑවේ නිවසකදී මෙම අනතුර සිදුව ඇත්තේ ඊයේ (19) සවස් කාලයේදීය.
මත්කුඩු කිලෝ 340ක් සමඟ ලාංකිකයන් 5ක් ඉන්දීය අත්අඩංගුවට
හෙරොයින් මත්කුඩු කිලෝ ග්‍රෑම් 340ක් සමග ශ්‍රී ලාංකිකයින් 05 දෙනෙකු ඉන්දියාවේ කොචී හිදී අත්අඩංගුවට ගෙන තිබේ.
ඔවුන් සතුව තිබූ ‘දූ සෂිලා’ නම් බෝට්ටුවද එම නිලධාරීන් සන්තකයට ගෙන ඇති බව ඉන්දීය මාධ්‍ය වැඩිදුරටත් පවසයි.
මෙම මත්කුඩු තොග ඉන්දීය රුපියල් කෝටි 340ක පමණ මිලකින් යුක්ත වුවද ජාත්‍යන්තර වෙළෙඳ පොළේ මෙම මත්කුඩුවල මිල ඉන්දීය රුපියල් කෝටි 1750 (ශ්‍රී ලංකා රුපියල් කෝටි 4462ක් පමණ) වන බවද එරට බලධාරීහු පවසති.
එම මත්ද්‍රව්‍ය බහලූ පැකට්වල king 2021 නමැති මුද්‍රාව තිබෙන බව ඉන්දීය මාධ්‍ය වාර්තා කරයි.
