ඇපල් සමාගම විසින් සිය අයිෆෝන් හී චාජරය සඳහා මෙතෙක් භාවිතා කළ ලයිට්නින් චාජින් පොට් නවතම අයිෆෝන් මාදිලිය සඳහා භාවිතා නොකිරිමට තීරණය කර තිබේ.
ඒ අනුව නවතම අයිෆෝන් මාදිලිය යූඑස්බී සී වර්ගයේ චාජර්යක් භාවිතා කළ හැකි ආකාරයෙන් නිමවා ඇති බව ඇපල් සමාගම සඳහන් කරයි.
ඇපල් සමාගම මේ බව අනාවරණය කරනු ලැබුවේ ඊයේ(12) පැවති සිය වාර්ෂික නව නිෂ්පාදන පිළිබඳ දැණුම්වත් කිරීමේ අවස්ථාවේදීය. නවතම අයි ෆෝන් දුරකථනය සඳහා යූඑස්බී සී චාජරයක් භාවිතා කළ හැකි වන පරිදි සකස් කිරීමට තීරණ කර ඇත්තේ යුරෝපා සංගමය විසින් ගන්නා ලද තීරණයක් හේතුවෙනි.
ඒ අනුව පසුගිය කාලයේදී යුරෝපා සංගමය විසින් තීරණය කරනු ලැබුවේ සියලුම ජංගම දුරකථන ඩිජිටල් කැමරා ඇතුළු උපකරණ සඳහා පොදුර කේබලයක් යොදා ගැනීමයි. එමගින් යුරෝපා සංගමයේ ජනතාවට විවිධ වර්ගයේ චාජර් භාවිතා කිරීමේ අවශ්‍යතාව වැලකී යන බවද ඔවුහූ පෙන්වා දුන්හ.
ඇපල් සමාගම විසින් දැණුටමත් යූඑස්බී සී වර්ගයේ චාජර් සිය ලැප් ටොප් පරිගණක සඳහා භාවිති කරණ බැවින් ඔවුන්ගේ ලැප් ටොප් සඳහා බලපෑමක් නොවුනු ඇති බවටද සඳහන් වේ.
