මිනිසුන්ගේ ශරීර සහ මනස ප්‍රබෝධමත් කිරීමට සහ ඔවුන්ගේ විවේක කාලය වඩාත් සිත්ගන්නා සුලු හා විනෝදජනක කිරීමට තෝරා ගන්නා සියලුම ක්‍රියාකාරකම් “විශ්‍රාන්තිය” කියලා හදුන්වන්න පුලුවන් . මූලිකවම ප්රධාන ඉලක්ක දෙකක් සාක්ශාත් කර ගැනීම සදහා ක්රීඩා විශ්‍රාන්තිය භාවිතා කරයි.
- එළිමහන් ක්‍රියාකාරකම් වල කොටසක් ලෙස සෞඛ්‍යය වැඩි දියුණු කිරීම සහ ධනාත්මක හැගීම් ලබා ගැනීමට
- දැඩි පුහුණුවෙන් පසු සුවය ලැබීමට/ සහනයක් ලැබීමට
මෙහි පළමු ඉලක්කය සාමාන්‍ය පුද්ගලයන්ට මෙන්ම ක්රීඩක ක්‍රීඩිකාවන්ටද වැදගත් වනවා. දෙවන ඉලක්කය නම් විශේෂිත වන්නෙ ක්රීඩක ක්‍රීඩිකාවන්ටයි. ඔවුන් සාමාන්‍ය පුද්ගලයන්ට වඩා ශරීරය මෙන්ම මනසද වෙහෙසන නිසා විශ්‍රාන්තිමය ක්‍රියාකාරකම්වල නියැලීම ඔවුන්ට ඉතාමත් වැදගත් වනවා.
Jogging , Strength training , ටෙනිස්, වොලිබෝල් , මෙන්ම pool එකකට යාම, Camping කිරීම, කදු නැගීම, වැනි විශ්‍රාන්තිමය ක්‍රියාකාරකම් සාමාන්‍ය පුද්ගලයන්ට මෙන්ම ක්රීඩක ක්‍රීඩිකාවන්ටද කරන්න පුලුවන් . මේවයින් ලැබෙන විනොදාස්වාදය, සැහැල්ලු බවට අමතරව ක්රීඩක ක්‍රීඩිකාවන්ට විශේෂිත අරමුණු කිහිපයක් සදහා ලගා වීමට විශ්‍රාන්තිය මහෝපකාරී වනවා.
1. පුහුණුවීම් වලින් පසුව, මංශපේශී හා ස්නායු පද්ධතිය යථා තත්ත්වට පත් කිරීම සදහා
පුහුණු ක්‍රියාවලියේ අදියරයන් වේගවත් කිරීමට මෙයින් හැකියාව ලැබෙනවා. ක්‍රියාකාරී විශ්‍රාන්තිමය ක්‍රියාකාරකම් මගින් මාංශ පේශීවලින් ලැක්ටික් අම්ලය ඉවත් කිරීමට, පරිවෘත්තිය ක්රියා පහසු කිරීමට ඉඩ සලසනවා. දැඩි පුහුණුව ස්නායු පද්ධතියට අහිතකර වන අතර, විශ්‍රාන්තිමය ක්‍රියාකාරකම් මගින් මානසික ආතතිය අඩු කරනවා මෙන්ම, ක්රීඩක ක්‍රීඩිකාවන්ගේ ශරීරය හා මනස සැහැල්ලු කිරීමට ඉඩ සලසා දෙනවා.
2. ප්‍රගතියේ වේගය වැඩි කිරීම සදහා
විශ්‍රාන්තිමය ක්‍රියාකාරකම් පුහුණු ක්‍රියාවලියේ සියලුම අදියරයන් පසු කිරීම වේගවත් කරයි, එහි ප්‍රතිඵලයක් ලෙස නියමිත ඉලක්ක සපුරා ගැනීමේ වේගය වැඩිවේ.
3. සෞඛ්‍යය වැඩි දියුණු කිරීම සදහා
අධික ව්‍යායාම හා පුහුණුවීම් සිදු කිරිම නිසා විශ්‍රාන්තිම ක්‍රියාකාරකම් ඒ සමඟ විකල්ප ලෙස යොදා ගත යුතුයි. එසේ නොමැති නම්, ස්නායු පද්ධතියට හානි සිදු වනවා සේම, ප්‍රතිශක්තිය දුර්වල වීම සහ රෝග ඇතිවීමෙ අවධානම ද ඉහළ යනවා.
4. සෑම විටම මාංශ පේශි හොඳ තත්ත්වයේ තබා ගැනීම සදහා
බර පුහුණුව කුඩා මාංශ පේශිවලට වඩා විශාල මාංශ පේශි ඉලක්ක කර ගනී. විශාල මාංශ පේශි පුහුණු කිරීමට කාලය පැමිණි විට, කුඩා මාංශ පේශි දැනටමත් පුහුණු ක්‍රියාවලියේ සියලුම අදියරයන් පසුකර ඇති අතර පුහුණු අවධියේ සිටී. ක්රීඩා විශ්‍රාන්තිය විශාල මාංශ පේශිවලට අගතියකින් තොරව කුඩා මාංශ පේශිවල පැවැත්ම රදවා ගනී.
5. මධ්‍යම ස්නායු පද්ධතියේ බලය වැඩි කිරීම සදහා
විශ්‍රාන්තිමය ක්‍රියාකාරකම් යනු ස්නායු පද්ධතිය යථා තත්වයට පත් කිරීම පමණක් නොව, මධ්‍යම ස්නායු පද්ධතිය ශාරීරික ක්‍රියාකාරකම් වලට අනුවර්තනය වීම වැඩිදියුණු කරන සැහැල්ලු ශාරීරික ක්‍රියාකාරකම් ලෙසත් දක්වන්න පුලුවන්
6. ඒකාකාරී පුහුණු ජීවිතයට විවිධත්වය ගෙන ඒම සදහා
ඕනෑම ක්‍රීඩාවක ඉලක්කගත ප්‍රගතියේ අනිවාර්ය අංගයක් වන ඒකාකාරී ක්‍රියාකාරකම් සමූහය, පුහුණුව සඳහා පෙළඹවීම අඩු කරයි, මානසික විඩාව ඇති කරයි. එය නැති කිරීම සදහා ද විශ්‍රාන්තිය ක්රීඩක ක්‍රීඩිකාවන්ට වැදගත් වේ.
7. හෝමෝන පද්ධතියේ කාර්යක්ෂමතාව වැඩි කිරීම සදහා
“විශ්‍රාන්තිමය ක්‍රියාකාරකම් ” කාණ්ඩයට සන්තෘප්‍තියේ හෝමෝන මුදා හැරීම අවුලන සුලු විශේෂ ක්රියා පටිපාටි ඇතුළත් වන අතර ඇනබොලික්-කැටබොලික්(anabolic- catabolic) හෝමෝනවල සමතුලිතතාවය නියාමනය කරයි.
මෙකී අරමුණු සාක්ශාත් කර ගැනීම සදහා ක්රීඩක ක්‍රීඩිකාවන්ට පහත විශ්‍රාන්තිමය ක්‍රියාකාරකම්වල නියැලෙන්න පුලුවන් .
දැඩි පුහුණු දිනවලදී ව්‍යායාම කරන එකම මාංශ පේශින් සකස් කරන සැහැල්ලු ව්‍යායාමවලද නිරත වීම.
- සමාන උපකරණ භාවිතා කරමින් නිර්වායු පුහුණුව.
- විස්තාරකයක් හෝ වෙනත් ගෘහ යෝග්‍යතා උපකරණ භාවිතා කරමින් නිර්වායු පුහුණුව
- Jumping rope හෝ දිවීම වැනි සවායු පුහුණුව.
ඒ අනුව දැඩි පුහුණුවීම් වලින් පසුව ඵලදායී විවේකයක අවශ්‍යතාව මෙහිදි කැපී පෙනෙනවා. ඉහත කතා කළ ඕනෑම විශ්‍රාන්තිමය ක්‍රියාකාරකමක් මගින් සැලකිය යුතු ශාරීරික වෙහෙසකින් තොරව ක්‍රියාකාරීව විවේකය ගත කිරීමටත්, පුහුණුව සඳහා ඇති ආශාව යථා තත්වයට පත් කිරීමටත් සහ වැඩි කිරීමටත් උපකාරී වනවා. යථා තත්ත්වයට පත් කිරීම සහ සතුටේ හෝමෝන මුදා හැරීම අවුලුවන විශේෂ ක්රියා පටිපාටි, අයිස්-සිසිල් ජලයේ ස්නානය කිරීම, Contrast douches සහ Contrast Shower වැනි ජල ප්‍රතිකාර ක්‍රම යථා තත්ත්වයට පත් කිරීම සඳහා හොඳම විකල්ප වේ. කඳුකරයේ සැහැල්ලු ව්‍යායාම, කඳුකරය (හෝ කඳුකර පුහුණුව අනුකරණය කිරීම) ශරීරයේ අනුවර්තන හැකියාවන්ට ධනාත්මක ලෙස බලපායි. ශක්තිය, වේගය හෝ විඳදරාගැනීම මත ඕනෑම ක්‍රීඩාවක ප්‍රගතිය වේගවත් කරයි. Stretching කිරීම(ඇදීම/දිගු කිරීම) වැඩි දියුණු කරන විශ්‍රාන්තිමය ක්‍රියාකාරකම් මගින් , මාංශ පේශි තන්තු දිගු කිරීම 10-20% කින් යථා තත්ත්වයට පත් කරයි.නම්‍යතාව වැඩි දියුණු කරයි. දිගු කිරීම(Stretching) මොළයේ මාංශ පේශි සන්නිවේදනය වැඩි දියුණු කරන අතර එමඟින් පුහුණුවේ ඵලදායීතාවය වැඩි වන අතර තුවාල වීමේ සම්භාවිතාව අඩු වේ. එසේම කාන්තා ක්රීඩිකාවන් සඳහා Stretching කිරීම මගින් ඉතා ආකර්ශනීය ලෙස ශරීර හැඩය පවත්වා ගත හැකිය.
මේ අනුව පැහැදිලි වන්නේ ක්රීඩක ක්රීඩිකාවන් සදහා විවේකය, විනෝදය, විශ්‍රාන්තිය අනිවාර්යයෙන්ම අවශ්‍ය බවයි. ඔවුන්ගේ මානසික , ශාරීරික සුවතාවය සදහාත්, හැකියාවන් ඔප් නංවා ගැනීම සදහාත්, මෙමගින් මහගු පිටිවහලක් ලැබෙන බව නොඅනුමානයි . වෘත්තීය මට්ටමෙ ක්රීඩක ක්රීඩිකාවන් ඇතැම් අවස්ථා වලදී අධික මානසික පීඩනය, වෙහෙසකර පුහුණුවීම්, නිසා තම හැකියාවන් දැක්වීමට අපොහොසත් වන අවස්ථාද, ඇතැමුන් දැඩි තුවාල හො අසනීප තත්ත්වයන් ට ගොදුරැ වීමද, ඇතැමුන් ජයග්‍රහණය පමණක් ක්‍රිඩාව යැයි අරමුණු කර ගනිමින් තහනම් උත්තේජක භාවිතයද, මුදලට තරග පාවා දීම්ද ඇතුලු ක්‍රියාකාරකම් සදහා පෙළඹවීමෙන් වළක්වා ක්රීඩාවට ආදරය කිරීමට, ගරැ කිරීමට පත් කිරීමට විශ්‍රාන්තිය අතිශයින් ම උපකාරි වනවා. එමනිසා ක්රීඩක ක්රීඩිකාවන් පෞද්ගලිකව මෙම ක්‍රියාකාරකම්වල නියැලීම, විවේක ගැනීම මෙන්ම පුහුණුකරුවන් ද තම ක්රීඩක ක්‍රීඩිකාවන්ගේ යහපත උදෙසා පුහුණුව පමණක්ම නොව, විශ්‍රාන්තිමය ක්‍රියාකාරකම් සදහා ද කාලය වෙන් කිරීමට වග බලා ගැනීම ඉතාමත් වැදගත් වේ.
