ගාල්ලේ පිහිටි ඉලෙක්ට්‍රෝනික් භාණ්ඩ අලෙවි ප්‍රදර්ශනාගාරයක් ඊයේ අලුයම් කාලයේදී කිසියම් අයෙක් විසින් බිද එහි තුබුණු රුපියල් ලක්ෂ 110කට අධික වටිනාකමක් ඇති ඇපල් වර්ගයේ ජංගම දුරකතන 20ක් සහ අයිපෑඩ් 04ක් සොරාගෙන ගොස් තිබුණි.

ප්‍රදර්ශනාගාරයේ වීදුරුවකට ගලකින් ගසා වීසුරුව සිදුකරුකර ඒ තුළින් රිංගා මෙම සොරකම සිදුකර තිබේ.

මෙරට ප්‍රධාන පෙලේ සමාගමකට අයත් මෙම ප්‍රදර්ශනාගාරයේ ආරක්ෂක කැමරා සවිකර ඇතත් කාලයක් තිස්සේම ඒවා තිබී ඇත්තේ අක්‍රියවය. ඒ නිසා මෙම සොරකම සිදුවූයේ කුමන වේලාවකදී දැයි අනාවරණය කර ගැනීම මෙන්ම සොරාව හදුනා ගැනීම ගැටළු සහගත තත්ත්වයක් බවට පත්විය.

මෙම සොරකම ගැන ගාල්ල පොලීසියට පැමිණිල්ලක් ලැබෙන්නේද උදෑසන එම ප්‍රදර්ශනාගාරයේ සේවකයින් එහි පැමිණි පසුවය. පොලීසියට ඒ ගැන කළමනාකරු විසින් පැමිණිල්ලක් කර ඇත්තේද උදෑසන 8.00න් පසුවය.

මෙහිදී පොලීසිය අවට වෙළදසැල්වල ඇති ආරක්ෂක කැමරා පරීක්ෂා කිරීමේදී අලුයම 2.30ට පමණ සැකකටයුතු පුද්ගලයෙක් අදාල ප්‍රදර්ශනාගාරය පැත්තේ සිට මාර්ගය හරහා බෑගයක්ද රැගෙන ගමන්කරන ඇයුරු පොලිස් නිලධාරීන්ට නිරීක්ෂණය වී ඇත. එම පුද්ගලයාගේ සමීප ඡායාරූපයක් ගෙන ඔහු කවුරුන්දැයි හදුනා ගැනීමට පොලීසිය උත්සාහ දරමින් සිටියදී මෙම ප්‍රදර්ශනාගාරයේ ඉහළ කළමනාකාරීත්වය පොලීසියට දැනුම්දෙන්නේ මෙයට පෙර අවස්ථා තුනකදීම මේ ආකාරයටම වීදුරු බිද සිය ප්‍රදර්ශනාගාර තුනක් බිද දමා ඇති බවය. එසේ බිද දමා තිබුණේද එකම සැකකරුවෙකු විසින් බව ද ගාල්ල පොලීසිය දැනුවත් කිරීමට කළමනාකාරීත්වය පියවර ගෙන ඇත.

මෙහිදී එම සැකකරුගේ ඡායාරූපයක් සහ හැදුණුම්පතේ පිටපතක් එක් කළමනාකරුවෙකු සතුව තිබී ඇති අතර ඔහු එය ගාල්ල ප්‍රදර්ශනාගාරයේ කලමනාකරුට වට්ස්ඇප් මගින් යොමුකර තිබේ. එහිදී පෙනී ගොස් ඇත්තේ ආරක්ෂක කැමරාවක සටහන් වූ පුද්ගලයා සහ මෙයට පෙර වීදුරු කඩා සොරකම් කළ පුද්ගලයා එකම අයෙක් බවය.

ඒ අනුව පොලිස් කණ්ඩායමක් සැකකරු පදිංචිව සිටින බව සහන් වූ මාතර පොල්වත්තේ පිහිටි නිවසට යන විට ඔහු සිට ඇත්තේ නිවසේ නිදාගෙනය. ඔහුව අවදිකරවා කළ ප්‍රශ්න කිරීමේදී අනාවරණය වන්නේ අදාල සමාගමේ කොළඹ පිහිටි ප්‍රදර්ශනාගාරයක් බිදීමක් සම්බන්ධයෙන් රක්ෂිත බන්ධනාගාරගතව සිටි ඔහු වැලිකඩ බන්ධනාගාරයෙන් ඇප මත පෙර දිනයේ නිදහස ලබා සිය නිවස බලා යන අතරතුර ගාල්ලේ ප්‍රදර්ශනාගාරය බිද දේපොල සොරාගත් බවය.

සොරාගත් සියළුම දුරකතන සහ උපකරන ද සගවා තිබියදී සොයාගැනීමටද පොලීසියට හැකියාව ලැබී ඇත. මෙම පුද්ගලයා අධික ලෙස මත්කුඩු භාවිතයට ඇබ්බැහි වී සිටින්නෙක් බව පොලීසිය කියයි.

මහ මඟ ගමන්කරමින් සිටි කාන්තාවකගේ රන් මාලයක් කඩාගෙන යතුරුපැදියකින් පළායමින් සිටි සැකකරුවෙකුව අල්ලාගත් ගම්පොල පොලීසියේ නිලධාරීන්ට එම කොල්ලයට සම්බන්ධ තවත් සැකකරුවෙකු විසින් පහරදී සිය සඟයාව රැගෙන ගොස් තිබේ.

මෙම සිදුවීම වී ඇත්තේ ඊයේ සවස් කාලයේදීය.

පොලීසිය පවසන ආකාරයට අනුව මෙම සිදුවීම වී ඇත්තේ මෙසේය.

රුපියල් 80,000ක් පමණ වටිනා රන් මාලයක් කොල්ලකෑ දෙදෙනෙක් යූ.එච්. 7910 අංකය දරන යතුරු පැදියෙන් පළායන බවට ලද තොරතුරක් ගම්පොල පොලිස් ස්ථානයේ දුරකතන ක්‍රියාකාරු විසින් සවස 2.00ට පමණ මාර්ගයේ රාජකාරියේ නිරතව සිටින නිලධාරීන්ට දැනුම් දෙන්නේ රේඩියෝ පණිවුඩයක් මගිනි.

ඒ වන විට නගරයේ මෙහෙයුම් රාජකාරිවල නිරතව සිටි පොලිස් පරීක්ෂක රිස්වි ද වහාම මෙහෙයමු රාජකාරයේ නිරතව සිටි නිලධාරීන් දැනුවත්කරමින් යතුරුපැදිය ගැන සෝදිසියෙන් සිටින ලෙස පවසා තිබේ.

පොලිස් පරීක්ෂක රිස්වි රැදී සිට ඇත්තේ පොලීසියේ ත්‍රීරෝද රථයේය. එම යතුරුපැදිය ඔහු රැදී සිටි ත්‍රීරෝද රථය අසලින් ඒ අවස්ථාවේදී ගමන්කර ඇත. එවිට එම නිලධාරියා වහාම රථයේ රියදුරු පොලිස් නිලධාරියාට දැනුම් දී ඇත්තේ එම යතුරුපැදිය හඹායන ලෙසය.

ඒ අනුව යතුරු පැදිය හඹාගොස් ත්‍රීරෝද රථය යතුරුපැදියට ඉස්සර කර මාර්ගයේ පටු ස්ථානයකදී මාර්ගය හරහා ත්‍රීරෝද රථය නතරකර තිබේ. එහිදී පොලිස් නිලධාරීන් යතුරු පැදියේ සිටි එක් අයෙක් අල්ලාගෙන ඇත. එහිදී එක් අයෙක් පළාගොස් ඇති අතර මද වේලාවකට පසු ඔහු එතැනට පැමිණ පොලිස් නිලධාරීන්ට යතුරුපැදි හිස් වැසුමකින් දිගට හරහාට පහරදී සිය සඟයාව මුදාගෙන පළාගොස් තිබේ.

මෙහිදී පොලිස් නිලධාරීන් කිහිප දෙනෙකුටම තුවාල සිදුවී ඇත. ඒ අතර පොලිස් පරීක්ෂක රිස්විද සිටී. ඔහු මේ වන විට ගම්පොල රෝහලට ඇතුලත්ව ප්‍රතිකාර ලබන බව පොලීසිය කියයි.

එම අවස්ථාවේදී එම යතුරුපැදිය නිරීක්ෂණයට ලක්ව ඇත්තේ පොලිස් ත්‍රීරෝද රථයේ රැදී සිටි පොලිස් නිලධාරීන් පිරිසකටය. එම අවස්ථාවේදී

කිලෝ 20ක් බරති රන් තොගයක් තමා සතුව ඇති බව සඳහන් කරමින් ව්‍යාපාරිකයෙකු රවටා එම රන් තොගය වෙනුවෙන් ව්‍යාපාරිකයෙකුගෙන් රුපියල් කෝටි 03ක මුදලක් ලබාගත් සෙවනගල විහාරස්ථානයක හිමිනමක් පළාගොස් තිබේ.

සෙවනගල කිරිවැව, රන්වැලිගම ශ්‍රී රම්බෝධි විහාරස්ථානයේ වැඩ සිටි බාගල රාහුල නැමැති හිමිනම මෙම වංචාව කර තිබෙන බව සෙවනගල පොලීසිය සඳහන් කරයි.

මෙම භික්ෂුවගේ වංචාවට හසුවී රුපියල් කෝටි 03 ක මුදලක් අහිමිකරගෙන ඇත්තේ දොඩංගොඩ වෑවලගොඩ පදිංචි ව්‍යාපාරිකයෙකි.

මේ සම්බන්ධයෙන් ඇඹිලිපිටිය කොට්ඨාශ අපරාධ විමර්ශන අංශය විසින් විමර්ශන ආරම්භකර ඇති අතර භික්ෂුව රටින් පළාගියේදැයි මේ වන විට සොයා බලමින් සිටින බව උසස් පොලිස් නිලධාරියෙක් සඳහන් කළේය.

අධ්‍යාපන චාරිකයාවකට සහභාගි වී සිටි මතුගම හොරවල නවෝද්‍යා විද්‍යාලයේ සිසුන් පිරිසක් වරකාපොල පිහිටි ප්‍රසිද්ධ හෝටලයකින් ඊයේ රාත්‍රී ආහාර ගැනීමෙන් පසු රෝගී වී ඇති බව වරකාපොල පොලීසිය සඳහන් කරයි.

සිසුන් 150 දෙනෙකු මේ වන විට වරකාපොල රෝහලට ඇතුලත් තර ඇති අතර කලාන්තය, කැරකිල්ල, උදරය දැවිල්ල, වමනය, පාචනය යන රෝගී තත්ත්වයන් ඒ අයට පෙන්නුම්කර තිබේ.

මෙම විද්‍යාලයේ 06 වන ශ්‍රේණියේ සිට 09 වන ශ්‍රේණිය දක්වා ඉගෙනුම ලබන දරුවන් 246 දෙනෙක් මෙම අධ්‍යාපන චාරිකාවට සහභාගි වී සිට ඇත. මහනුවර ගොස් නැවත පාසල වෙත යමින් සිටියදී මෙම හෝටලයේ නවතා රාත්‍රී ආහාරය ලබාගෙන ඇති බව සඳහන්ය.

ආහාරය ගෙන සුළු මොහොතකට පසු මෙම රෝගී තත්ත්වයන් ඇති වී තිබෙන බව විමර්ශන වලින් පෙනී යන්නේ යැයි වරකාපොල පොලීසිය කියයි.

මේ සම්බන්ධයෙන් වරකාපොල පොලීසිය විමර්ශනයක් ආරම්භකර තිබේ.

අද (21) දිනයේත් පැය 2යි මිනිත්තු 20ක කාලයක් විදුලි කප්පාදුවක් රටපුරා සිදුකිරීමට සැලසුම් කර තිබේ.

මහජන උපයෝගීතා කොමිසම විසින් නිකුත් කර ඇති අද විදුලි කප්පාදු කාලසටහන පහත දැක්වේ.

වෙළඳපොළේ ආහාර පරීක්ෂාව උත්සව සමයේදීත් අඛණ්ඩව ක්‍රියාත්මක කරන බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය පවසයි.

එම සංගමයේ ලේකම් එස්.අයි. බෝපිටියගේ පැවසුවේ මිනිස් පරිභෝජනයට නුසුදුසු ආහාර වෙළඳපොළෙන් ඉවත් කිරීමට සහ අවශ්‍ය දැනුවත් කිරීම් සිදු කිරීමට එහිදී කටයුතු කරන බවයි. 

එමෙන්ම සංචාරක හෝටල් පරීක්ෂා කිරීමද මේ දිනවල ක්‍රියාත්මක බවයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ ලේකම්වරයා වැඩි දුරටත් සඳහන් කළේය.

තවත් භාණ්ඩ වර්ග 10ක ආනයන සීමා ඉවත් කිරීමට රජය පියවර ගෙන තිබේ.

සංචාරක, ආරක්ෂක සහ ක්‍රීඩා ක්ෂේත්‍රයට අදාළ භාණ්ඩ වර්ගවල මෙලෙස සීමා ඉවත් කර ඇති බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා පවසයි.

සංචාරක කර්මාන්තය සඳහා අවශ්‍ය ශක්තිජනක පාන, ආවේෂන කැමරා පද්ධති (CCTV) සඳහා අවශ්‍ය උපකරණ, ගෘහ භාණ්ඩ නිෂ්පාදනය සඳහා අවශ්‍ය තුනී ලෑලි (MDF) සහ ක්‍රීඩා උපකරණ ඊට අයත් වේ.

ආනයන සීමා ලිහිල් කළ තුන් වැනි අවස්ථාව මෙයයි.

“රට මුහුණ දී ඇති විනිමය ගැටලුවට විසඳුම් ලෙස ආනයන වියදම් සීමා කිරීමට රජය පියවර ගත්තා. 2020 වසරේ දී ආනයන වියදම දැක්වුණේ ඩොලර් මිලියන 16055ක් ලෙසයි. එය 2021 වසරේ දී එය ඩොලර් මිලියන 20637ක් ලෙස දැක්වුණා. 2022 අගෝස්තු 23 වැනි දා භාණ්ඩ 1465ක ආනයනය සීමා කිරීමට රජය තීරණය කළා. ඒ අනුව ආනයන සීමා පැනවූ දා සිට නොවැම්බර් මස 23 දා දක්වා ගත වූ මාස තුනක කාලය තුළ ඉතිරි කර ගත හැකිව තිබෙන ඩොලර් ප්‍රමාණය මිලියන 1211ක්. මේ මුදල අපි සංසන්දදනාත්මකව සලකා බලමු.

අපි 2021 වසරේ ආහාර පාන ආයනයන වෙනුවෙන් ඩොලර් මිලියන 1666.5ක් වැය කරල තියෙනවා. ඖෂධ වෙනුවෙන් ඩොලර් මිලියන 882.5ක් වැය කළා. දිගු තෙල් පෝලිම්වල ඉන්න කාලෙ අපි ඉන්ධන වෙනුවෙන් වැය කළ මුදල ඩොලර් මිලියන 3742.9ක්. පොහොර වෙනුවෙන් ඩොලර් මිලියන 158.2ක් වෙන් කරල තියෙනවා”යැයි අමාත්‍යවරයා පැවැසීය.

වාණිජ මණ්ඩලය, කර්මාන්ත අංශයේ ව්‍යවසායකයන්, ආයෝජන මණ්ඩලය ඇතුළු පාර්ශ්වවල ඉල්ලීම් මත භාණ්ඩ ආනයනය සීමා කළ දා සිට මේ දක්වා කාලය තුළ අවස්ථා තුනක දී සීමා ලිහිල් කිරීමට රජය තීරණය කරනු ලැබීය.

ඒ අනුව සැප්තැම්බර් 9 දින භාණ්ඩ 708ක, නොවැම්බර් මස 23 දින භාණ්ඩ 77ක සහ දෙසැම්බර් මස 19 දින භාණ්ඩ වර්ග 10ක සීමා ඉවත් කෙරිණි.
මෙලෙස ආනයන සීමා ලිහිල් කරන භාණ්ඩ ආනයනය පිළිබඳව විධිමත් පසුවිපරමක් සිදු කරන බව ද අමාත්‍යවරයා වැඩිදුරටත් පවසයි.

විදේශගත ලාංකිකයන්ගේ සහාය ශ්‍රී ලංකාවට ලබා ගැනීම සඳහා මධ්‍යම සම්බන්ධීකරණ මධ්‍යස්ථානයක් ලෙස කටයුතු කිරීමට කාර්යාලයක් පිහිටුවීමට රජය පියවර ගෙන තිබේ.

ඒ සඳහා ජනාධිපති රනිල් වික්‍රමසිංහ මහතා විසින් 2022 අතුරු අයවැය මඟින් යෝජනාවක් ද කරන ලදී.

ඒ අනුව, එතෙර වෙසෙන මිලියන 03ක් පමණ වන ශ්‍රී ලාංකිකයින්ගේ දායකත්වය මෙරට සංවර්ධන කටයුතු සඳහා ලබා ගැනීමට හැකි වන පරිදි යෝජිත “විදේශගත ශ්‍රී ලාංකිකයන්ගේ කටයුතු සඳහා කාර්යාලය” පිහිටුවීමට පියවර ගැ‍නේ.

එය ජනාධිපති කාර්යාලය යටතේ පිහිටුවීමටත්, එම කාර්යාලයේ කටයුතු විධිමත්ව පවත්වාගෙන යාම සඳහා අවශ්‍ය පියවර ගැනීමටත් විදේශ කටයුතු අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් ඊයේ අනුමත කර ඇත.

ශ්‍රී ලංකා මහ බැංකු පනතට නව සංශෝධන එක්කරමින් සකස් කරන ලද නව කෙටුම්පතට අමාත්‍ය මණ්ඩල අනුමැතිය ලැබී තිබේ.

එය ඊයේ පැවති රැස්වීමේදී මෙලෙස අනුමැතිය හිමිව ඇති අතර එය ඉදිරිපත් කර ඇත්තේ ආර්ථික ස්ථායීකරණ සහ ජාතික ප්‍රතිපත්ති අමාත්‍යතුමා වශයෙන් ජනාධිපති රනිල් වික්‍රමසිංහ මහතායි.

වර්තමාන අවශ්‍යතාවන්ට ගැළපෙන පරිදි ශ්‍රී ලංකා මහ බැංකුවේ කටයුතු වඩාත් කාර්යක්ෂමව හා ඵලදායීව ඉටු කිරීමට හැකි වන අයුරින් මුල් පනත් කෙටුම්පතට නව සංශෝධන ඇතුළත් කරමින් නව කෙටුම්පත වැඩිදියුණු කර තිබේ.

2019.10.29 දින පැවති අමාත්‍ය මණ්ඩල රැස්වීමේදී ශ්‍රී ලංකා මහ බැංකු පනත් කෙටුම්පත සකස් කිරීම සඳහා අනුමැතිය ලබා දී තිබේ.

ඒ අනුව සකස් කරන ලද ශ්‍රී ලංකා මහ බැංකු පනත් කෙටුම්පත 2019.11.01 දින රජයේ ගැසට් පත්‍රයේ පළ කර ඇත.

එය අනුමැතිය ලබාගැනීම සඳහා පාර්ලිමේන්තුවට ඉදිරිපත් කර තිබුණ ද න්‍යාය පුස්ථකයට එය ඇතුළත් කර නොමැත.

ඒ අනුව, නීති කෙටුම්පත් සම්පාදක විසින් සකස් කර ඇති පනත් කෙටුම්පත, අමාත්‍ය මණ්ඩලය වෙත ඉදිරිපත් කරන ලදුව, එකී පනත් කෙටුම්පත සඳහා මෙලෙස අනුමැතිය ලබා දෙන ලදී.

මේ මාසය අවසන් වීමට පෙර සමාජ සුබසාධන ප්‍රතිලාභ මුදල් ලබා ගැනීමට අවශ්‍ය පියවර ගන්නා ලෙස සමෘද්ධි කොමසාරිස් ජනරාල් බන්දුල තිලකසිරි මහතා ජනතාවට දැනුම් දෙයි.

ඔහු සඳහන් කළේ, ප්‍රදේශයේ සමෘද්ධි බැංකුවලට ගොස් එම මුදල් ලබා ගැනීමට හැකියාව ඇති බවයි.

සුදුසු ප්‍රතිලාභීන්ට රුපියල් 5000 සිට රුපියල් 7500 දක්වා එම මුදල් ලබා ගැනීමට හැකියාව පවතී.

අද(20) දිනයේත් රටපුරා පැය 2යි විනාඩි 20ක විදුලි කප්පාදුවක් සැලසුම් කර තිබේ.

මහජන උපයෝගීතා කොමිසම විසින් නිකුත් කරන ලද අද විදුලි කප්පාදු කාලසටහන පහත දැක්වේ.

රාජ්‍ය බුද්ධි සේවය විසින් ලබාදුන් තොරතුරකට අනුව නාවික හමුදාවත් පොලිස් මත්ද්‍රව්‍ය කාර්යාංශයත් එක්ව කළ ඒකාබද්ධ මෙහෙයුමකට අනුව ගැඹුරු මුහුදේදී අත්අඩංගුවට ගෙන පෙරේදා කොළඹ වරාය වෙත රැගෙන පැමිණි අයිස් සහ හෙරොයින් කිලෝ 234 ක තොගය පකිස්තානු ජාවාරම්කරුවන්ගෙන් ඇනවුම්කර ඇත්තේ හරක් කටා විසින් බවට තොරතුරු විමර්ශන වලින් අනාවරණය වී තිබේ.

ඩුබායි පොලිස් අත්අඩංගුවට පත්ව නිදහස ලැබීමෙන් පසු හරක් කටා මේ වන විට සක්‍රීය වී සිටින බව විමර්ශන වලින් පෙනී ගොස් ඇත. හරක් කටා ඩුබායි පොලිස් අත්අඩංගුවෙන් නිදහස ලැබීමෙන් පසු මෙරටට අවස්ථා කිහිපයකදී මත්කුඩු තොග එවා ඇති බව හෙළිවී ඇත. දකුණු පළාතෙන් පසුගිය කාලයේ කළ වැටලීම්වලින් පොලීසිය සොයාගත් හෙරොයින් තොග සියල්ලක්ම හරක් කටා විසින් මෙරටට එවා ඇති ඒවා බව හෙළිවී තිබුණි.

හරක් කටා නිදහස ලැබීමෙන් පසු ඔහුට අයත් මත්ද්‍රව්‍ය වැඩි ප්‍රමාණයක් ඇල්ලූ පළමු අවස්ථාව වන්නේ මෙයයි.

රජයේ ඒකාබද්ධ අරමුදල සඳහා රුපියල් බිලියන 02ක් ශ්‍රී ලංකා වරාය අධිකාරිය, ගුවන්තොටුපොළ හා ගුවන් සේවා (ශ්‍රී ලංකා) සමාගම හා සිවිල් ගුවන් සේවා අධිකාරිය එක්ව පරිත්‍යාග කර තිබේ.

ඊට අදාළ චෙක්පත අද (19) පස්වරුවේ ජනාධිපති කාර්යාලයේ දී ජනාධිපති රනිල් වික්‍රමසිංහ මහතා වෙත නිල වශයෙන් භාර‍ දී ඇත.

ඒ අනුව ශ්‍රී ලංකා වරාය අධිකාරිය රුපියල් බිලියන 01ක්, ගුවන් තොටුපොළ හා ගුවන් සේවා (ශ්‍රී ලංකා) සමාගම රුපියල් මිලියන 500ක් සහ සිවිල් ගුවන් සේවා අධිකාරිය විසින් රුපියල් මිලියන 500ක් රජයේ ඒකාබද්ධ අරමුදල සඳහා පිරිනමා තිබේ.

වරාය, නාවුක හා ගුවන් සේවා අමාත්‍ය නිමල් සිරිපාල ද සිල්වා, මුදල් අමාත්‍යාංශයේ ලේකම් මහින්ද සිරිවර්ධන, වරාය, නාවුක හා ගුවන් සේවා අමාත්‍යාංශයේ ලේකම් කේ.ඩී.එස්. රුවන්චන්ද්‍ර, ශ්‍රී ලංකා වරාය අධිකාරියේ සභාපති කීත් ඩී බර්නාඩ්, ගුවන්තොටුපොළ හා ගුවන් සේවා (ශ්‍රී ලංකා) සමාගමේ සභාපති විශ්‍රාමික මේජර් ජනරාල් ජී.ඒ. චන්ද්‍රසිරි, සිවිල් ගුවන් සේවා අධිකාරියේ අධ්‍යක්ෂ ජනරාල් පී.ඒ. ජයකාන්ත යන මහත්වරු ඇතුළු පිරිසක් මෙම අවස්ථාවට සහභාගී වූහ.

හදිසි හෘදයාබාධයකට පූර්ව ප්‍රතිකාර ලබාදිය හැකි Automated External Defibrillator (AED) යන්ත්‍රයක් බණ්ඩාරනායක ජාත්‍යන්තර ගුවන්තොටුපළට පරිත්‍යාග කෙරේ.

නොමිලයේ එම යන්ත්‍රය කටුනායක ගුවන්තොටුපළ පරිශ්‍රයේ සවි කිරීමටත් ශ්‍රී ලංකා නිර්වින්දන වෛද්‍ය සහ දැඩි සත්කාර සේවා වෛද්‍ය විද්‍යාලයේ අධීක්ෂණය යටතේ එය භාවිතා කිරීම සහ මූලික ජීවිතාධාර (CPR) ලබාදීම සම්බන්ධ පුහුණුවක් ගුවන් තොටුපළ සේවක සේවිකාවන්ට ලබා දීමටත් Herrma Surgicals & Diagnostics (පුද්ගලික) සමාගම කටයුතු කර ඇත.

හෘදයාබාධ යනු ශ්‍රී ලංකාවේ මරණවලට ප්‍රධානතම හේතුවකි.

හදිසි හෘදයාබාධයකට ගොදුරු වූවන්ගෙන් 95% කටම ජීවිත අහිමි වන්නේ නියමිත වේලාවට වෛද්‍ය ප්‍රතිකාර නොලැබීම හේතුවෙනි.

මෙයට පිළියමක් වශයෙන් බොහෝ රටවල පොදු ස්ථානවල Automated External Defibrillator (AED) යන්ත්‍ර සවිකර ඇත.

Automated External Defihtllator යනු රෝගියාගේ ECG තරංග රටාව පරීක්ෂා කිරීමටත්, හඬ විධාන ලබා දීමටත් රෝගියා නැවත පණ ගැන්වීමට අවශ්‍ය වූ විට විදුලි කම්පනයක් ලබා දීමටත් නිර්මාණය කර ඇති උපකරණයකි.

නිසි පුහුණුවකින් පසු සෞඛ්‍ය සේවයේ නිරත නොවන පුද්ගලයෙකුට වුවද භාවිතා කළ හැකි ආකාරයට මෙම යන්ත්‍ර නිර්මාණය කර ඇත.

කටුනායක බණ්ඩාරනායක ජාත්‍යන්තර ගුවන්තොටුපළ යනු වසරකට මගින් මිලියන 15 ක් පමණ භාවිතා කරන ස්ථානයකි. එමෙන්ම එහි නිතර හෘදයාබාධ සිද්ධීන් වාර්තා වේ.

මෙම තත්ත්වය සැලකිල්ලට ගනිමින් AED යන්ත්‍රයක් නිල වශයෙන් භාර දීමේ උත්සවය 2022 දෙසැම්බර් 19 වන දින කටුනායක බණ්ඩාරනායක ජාත්‍යන්තර ගුවන්තොටුපළ Silk Route Lounge හිදී පැවැත්විණි.

ශ්‍රී ලංකා බෞද්ධ හා පාලි විශ්වවිද්‍යාලයේ අධ්‍යයන හා පරිපාලන කටයුතු සම්බන්ධයෙන් එකඟතාවයකට පැමිණීමට සියලුම මහානායක හිමිවරුන් සමඟ සාකච්ඡා කිරීමට කැබිනට් මණ්ඩලය තීරණය කර තිබේ.

එතෙක් විශ්ව විද්‍යාලය වසා දැමීමට ද කැබිනට් මණ්ඩලය අද පැවති රැස්වීමේදී තීරණය කළ බව ජනාධිපති මාධ්‍ය අංශය නිවේදනය කරයි.

හෝමාගම පිටිපන පිහිටි බෞද්ධ හා පාලි විශ්වවිද්‍යාලයේ මහා ශිෂ්‍ය සංගමයේ ලේකම් තලාවේ ධම්මික හිමියන්ව හෝමාගම පොලීසිය විසින් පසුගියදා (16) අත්අඩංගුවට ගැනුණේ එම විශ්වවිද්‍යාලයේ නවක භික්ෂූන්වහන්සේ නමක් අමානුෂික ලෙස නවකවදයට ලක්කිරීමක් සහ විශ්ව විද්‍යාල පාලනාධිකාරියට මරණීය තර්ජනය කිරීමකට අදාළව ය.

එම පැමිණිලි දෙක සම්බන්ධයෙන් ශිෂ්‍ය සංගමයේ සභාපති මිදෙල්ලෑවේ සිරිරතන හිමියන්ද අත්අඩංගුවට ගැනීමට පොලීසිය පියවර ගෙන තිබුණි.

මෙම තත්ත්වය මත එම විශ්වවිද්‍යාලය අද (19) සිට නැවත දැනුම්දෙන තුරු වසා දැමීමට තීරණය කර තිබුණි.

සබැඳි පුවත්
සරසවියක් හදිසියේ වැසේ
නවකවදයක් -තර්ජනයක් ගැන හිමිනමක් රිමාන්ඩ් – තවත් හිමිනමක් සොයයි

හංවැල්ලේ පිහිටි ආපන ශාලාවකට ඊයේ රාත්‍රී කාලයේ කඩාවැදී එහි හිමිකරුවට වෙඩි තබා ඝාතනයකර ඇත්තේ ඩුබායි රැදී සිටින පාතාල කල්ලියක ප්‍රබලයෙකුගේ කොන්ත්‍රාත්තුවකට අනුව බව හෙළිවී ඇත.

මොහොමඩ් ෆාර්ෂාන් (46) නැමැති තිදරු පියෙක් වන ව්‍යාපාරිකයා සිය ආපන ශාලාව වසා අයකැමි කවුන්ටරයේ සිටියදී මෙම වෙඩි ප්‍රහාරයට ලක්ව තිබේ.

යතුරුපැදියකින් දෙදෙනෙක් පැමිණ දුම්වැටියක් ඉල්ලමින් ආපන ශාලාව ඇතුලට පැමිණ මෙම වෙඩි තැබීමකර ඇති බවත් වෙඩි 04ක් එල්ලකර ඇති බවත් පොලීසිය සඳහන් කරයි.

මෙම වෙඩි තැබීමෙන් පසු ව්‍යාපාරිකයාගේ සහෝදරයාට ඩුබායි සිට දුරකතන ඇමතුමක් ලැබී ඇති බවත් “බලපන් වෙලා තියෙන දේ“ යනුවෙන් එහිදී පවසා ඇති බවටත් තොරතුරු පොලීසිට ලැබී ඇත.

ඝාතකයන් ඔවුන් මෙම ප්‍රහාරයට පැමිණි යතුරුපැදිය අවිස්සාවේල්ල පාරේ අතර මග දමාගොස් තිබියදී හමුවී තිබේ.

ශ්‍රී ලංකාවේ මානුෂීය අවශ්‍යතා තවදුරටත් තියුණු ලෙස ඉහළ යන බව එක්සත් ජාතීන්ගේ ආහාර හා කෘෂිකර්ම සංවිධානය පවසයි.

ශීඝ්‍රයෙන් වර්ධනය වන ආහාර සුරක්ෂිතතා අර්බුදයකට ශ්‍රී ලංකාව මුහුණ දී සිටී.

මෙරට පුද්ගලයන් හතර දෙනෙකුගෙන් එක් අයෙකු දැනටමත් ආහාර අනාරක්ෂිතභාවයට මුහුණ දී සිටින බව ද එම සංවිධානය නිකුත් කළ නවතම වාර්තාවක වැඩිදුරටත් සඳහන් වේ.

2022 ජූනි මාසයේ සිට, එක්සත් ජාතීන්ගේ ආහාර සහ කෘෂිකර්ම සංවිධානය (FAO) විසින් මෙරටට ලබාදෙනු ලබන හදිසි අවස්ථා සහ ඔරොත්තු දීමේ මැදිහත්වීම් පුළුල් කර තිබේ.

එය කුටුම්භ 62,640 (පුද්ගලයින් 244,300) වෙත ළඟා විය.

එක්සත් ජාතීන්ගේ ආහාර හා කෘෂිකර්ම සංවිධානය ප්‍රකාශ කළේ ශ්‍රී ලංකාව පෙර නොවූ විරූ ආර්ථික අර්බුදයකට මුහුණ දී සිටින බවත්, දේශපාලන හා සමාජීය කැලඹීම් හේතුවෙන් තත්ත්වය තවත් උග්‍ර වී ඇති බවත්ය.

ශ්‍රී ලංකාවේ ජනගහනයෙන් 40%කට ආසන්න ප්‍රමාණයක් මූලික ආදායම් මාර්ගයක් ලෙස කෘෂිකර්මාන්තය මත යැපේ.

පවතින පැතිකඩ කිහිපයකින් මතුව ඇති අර්බුදය ඔවුන්ගේ ජීවනෝපායට දැවැන්ත තර්ජනයක් එල්ල කරමින් ජාතික ආහාර පද්ධතිය කඩාකප්පල් කරයි.

පොහොර සහ අනෙකුත් අත්‍යවශ්‍ය නිෂ්පාදන යෙදවුම් නොමැති වීම හේතුවෙන් 2021 මැද භාගයේ සිට කෘෂිකාර්මික නිෂ්පාදනය පහත වැටීමේ ප්‍රවණතාවක පවතී.

පශු සම්පත් පාලකයින්ට ආහාර සහ මූලික පශු වෛද්‍ය සැපයුම් වෙත ප්‍රවේශ විය නොහැකි තත්ත්වයක් උදාවී තිබේ.

ධීවරයින්ට මෝටර් බෝට්ටු සඳහා ඉන්ධන ලබා ගැනීම දුෂ්කර වී ඇත.

එහි ප්‍රතිඵලයක් වශයෙන්, දේශීය වෙලඳපොලවල ආහාර සැපයුම හැකිලෙමින් පවතින අතර ආහාර උද්ධමනය 2022 ජූලි මාසයේදී 90% දක්වා ඉහළ යමින් පවතී.

එපමණක් නොව, සෑම නිවාස 4/10 ක් ඔවුන්ගේ ආදායමේ අඩුවීමක් අත්විඳී.

සෑම නිවාස 1/2ක් දැනට ආහාර නොමැතිකම හෝ ආහාර මිලදී ගැනීමට මුදල් නොමැතිකම සමඟ කටයුතු කරමින් සෘණාත්මකව මුහුණ දීමේ යාන්ත්‍රණයන් මත රඳා පවතී.

ශ්‍රී ලාංකීය ගොවීන්ට සහ ඔවුන්ගේ ප්‍රජාවන්ට සහයෝගය දැක්වීමේ අවස්ථාවෙහි කවුළුව පටු කාල සීමාවකි.

ගොවීන්ට ගුණාත්මක බීජ, පොහොර සහ පළිබෝධනාශක ලබා දීමට කඩිනම් පියවර ගැනීමෙන් ඔවුන්ගේ ජීවනෝපාය ආරක්ෂා කර ගැනීමට සහ ඔවුන්ගේ ප්‍රජාවන්ට පෝෂණය කිරීමට හැකි බව ද එම සංවිධානය පවසයි.

ශ්‍රී ලංකා ඉතිහාසයේ ප්‍රථම වතාවට මේ වසර තුළ පමණක් ලක්ෂ 3 කට අධික පිරිසක් විදේශ රැකියා සඳහා ලියාපදිංචි කර යවා ති‍බේ.

ඒ ශ්‍රී ලංකා විදේශ සේවා නියුක්ති කාර්යාංශයේ ලියාපදිංචියෙනි.

ඔවුන් ඔවුන්ගේ පවුල්වල ජීවන තත්ත්වය ඉහළ නංවන අතරම රට මුහුණ දෙන අර්බුදයට ධනාත්මක ලෙස දායක වනු ඇති බව විදේශ රැකියා අමාත්‍ය මනුෂ නානායක්කාර මහතා පවසයි.

දෙසැම්බර් 23, 24 සහ 25 යන දිනවල සත්වෝද්‍යාන වෙත නොමිලේ ඇතුළුවීමට ළමයින්ට සහ වැඩිහිටියන්ට අවස්ථාව සලසා දීමට සත්වෝද්‍යාන දෙපාර්තමේන්තුව තීරණය කර තිබේ.

පාසල් නිවාඩු කාලය හේතුවෙන් ‘සතුන් අපේ මිතුරෝ’ වැඩසටහන යටතේ මෙම වැඩසටහන දියත් කෙරේ.

ඒ අනුව දෙසැම්බර් 23 සිට 25 දක්වා දරුවන්ට නොමිලේ ප්‍රවේශය ලබා දෙනු ඇත. ජ්‍යෙෂ්ඨ පුරවැසියන්ට දෙසැම්බර් 24 දින නොමිලේ ප්‍රවේශපත්‍ර හිමිවේ.

අපරාධ පරීක්ෂණ දෙපාර්තමේන්තුවේ නිලධාරීන් ලෙස පෙනී සිටිමින් මාවතගම පිහිටි නිවසකටද ඊයේ අලුයම කඩාවැදුනු තරුණ භික්ෂුවක් ඇතුළු හය දෙනෙකුගේ කණ්ඩායමක් මාවතගම පොලීසිය විසින් අත්අඩංගුවට ගෙන ඇත.

එම භික්ෂුව අතුරුගිරියේ විහාරස්ථානයක වැඩ සිටින අතර පොලීසියට උන්වහන්සේ ලබාදී ඇත්තේ රාජගිරියේ විහාරස්ථානයක ලිපිනයකි.

උන්වහන්සේ ප්‍රශ්න කිරීමේදී පවසා ඇත්තේ තමන් වහන්සේ බොදු බලයට සම්බන්ධව කටයුතුකරන බවය. පැමිණි පිරිස අතරද එම සංවිධානයට සම්බන්ධව සිටින අය බවට තොරතුරු අනාවරණය වී ඇත.

අපරාධ පරීක්ෂණ දෙපාර්තමේන්තුවේ නිලධාරීන් විසින් උන්වහන්සේ කණ්ඩායමක් සමඟ කඩාවැදී ඇත්තේ කලක් උන්වහන්සේගේ රියදුරු ලෙස කටයුතු කළ පුද්ගලයාගේ නිවසටය. එම නිවසට කඩාවැදී ඇත්තේ සිතූ පැතූම් ඉටුකරන බව කියන රන් බුදුපිළිමයක් සොයාගෙන බව පොලීසිය කියයි.

නිවෙස් හිමියා එම අවස්ථාවේදී නිවසේ සිට නැත. බිරිද සහ දරුවා පමණක් නිවසේ සිට ඇත. බිරිද විසින් පොලීසියට පැමිණිලිකර ඇත්තේ මෙම පිරිස රුපියල් ලක්ෂ 06ක් පමණ වටිනා රන් මාලයක් සහ මුදු 02ක් කොල්ලකා ඇති බවය. ඇය විසින් 119 පොලිස් හදිසි ඇමතුම් අංශයට ලද තොරතුරකට අනුව මෙම පිරිස එම අවස්ථාවේදීම අත්අඩංගුවට ගැනීමට හැකියාව ලැබී තිබේ.

නිරුවත් ඡායාරූප අන්තර් ජාලය ඔස්සේ ප්‍රසිද්ධකරන බව කියමින් යුද හමුදා සෙබලියක් බිය ගන්වමින් ඇයට තමා සමඟ එකට සිටීමට එන ලෙසට තර්ජනය කළ රූපලාවන්‍යාගාරයක් පවත්වාගෙන යන කරණවෑමියෙක් අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.

පොල්ගහවෙල කුලීපිටියේ පදිංචිකරුවෙක් වන 24 හැවිරිදි තරුණ කරණවෑමියෙක්ව මෙසේ අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇත.

මෙම සෙබලිය කෑගල්ලේ පදිංචිකාරියකි. ඇය සිය පෙම්වතාට වට්ස්ඇප් මගින් යැවූ නිරුවත් ඡායාරූප මෙම කරණවෑමියාගේ අතට ලැබී ඇයව මෙසේ බියගන්වා ඇතැයි අපරාධ පරීක්ෂණ දෙපාර්තමේන්තුව සඳහන් කළේය.

වැඩි වශයෙන් අයිස් මත්ද්‍රව්‍ය භාවිතයට අබ්බැහි වී ඇත්තේ වයස අවුරුදු 18ත් 25ත් අතර තරුණ කණ්ඩායම් බව අන්තරායකර ඖෂධ පාලක ජාතික මණ්ඩලය පවසයි.

එහි අධ්‍යක්ෂ පර්යේෂණ භද්‍රානි සේනානායක පැවසුවේ පාසල් සිසුන්ද අයිස් මත්ද්‍රව්‍ය සඳහා යොමු කර ගැනීමේ අවධානමකට ලක්ව ඇති බැවින් ඒ පිළිබඳ වගකිවයුතු පාර්ශව අවධියෙන් කටයුතු කළ බවයි.

වැඩිම අවධානම් කලාපයක් ලෙස හඳුනාගෙන ඇති බස්නාහිර පළාතේ පාසල් සිසුන් දැනුවත් කිරීමේ වැඩසටහන් දැනටමත් ආරම්භ කර ඇති බවයි අන්තරායකර ඖෂධ පාලක ජාතික මණ්ඩලයේ අධ්‍යක්ෂ පර්යේෂණ භද්‍රානි සේනානායක කියා සිටියාය.