රුසියානු හමුදාවේ චිත්ත ධෛර්යය ඉහළ නැංවීම සඳහා යුද පෙරමුණට සංගීතඥයින් සහ ගායකයින් යොදවන බව රුසියාව පවසයි.
ඒ අනුව එරට ආරක්ෂක අමාත්‍යාංශය මේ සතියේ “පෙරටුගාමී නිර්මාණාත්මක බලකාය” පිහිටුවීම නිවේදනය කළ අතර එයට සර්කස් වාදකයින් ද ඇතුළත් වන බව පවසයි.
රුසියනු හමුදාව විසින් මෙම නව බලකාය පිහිටුවීම බ්‍රිතාන්‍යයේ ආරක්ෂක අමාත්‍යාංශය බුද්ධි තොරතුරු ඒකකට විසින්ද මේ බව තහවුරු කර ඇති බව බීබීසි පුවත් සේවය සඳහන් කරයි.
මේ අතර, රුසියානු ආරක්ෂක අමාත්‍ය සර්ජි ෂොයිගු යුක්රේනයේ පෙරටුගාමී හමුදා බැලීමට ගිය බවද මොස්කව් ආරංචි මාර්ග අනාවරණය කළේය.
ටෙලිග්‍රාම් වෙත ප්‍රකාශයක් නිකුත් කරමින් රුසියානු ආරක්ෂක අමාත්‍යාංශය පැවසුවේ, ෂොයිගු විසින් “හමුදා ස්ථානගත කර ඇති ප්‍රදේශ වටා පියාසර කළ බවත් විශේෂ හමුදා මෙහෙයුමේ කලාපයේ රුසියානු ඒකකවල උසස් ස්ථාන පරීක්ෂා කළ බවයි.
ෂොයිගුගේ වාර්තාගත සංචාරය පිළිබඳව අදහස් දක්වමින් යුක්රේනයේ හමුදා ප්‍රකාශකයා යුක්‍රේන රූපවාහිනී නාලිකාවලට පැවසුවේ “යුද පිටියට යාමට තරම් ෂොයිගු නීර්භිත යැයි මම විශ්වාස කරන්නේ නැහැ” යනුවෙනි.
රුසියානු මාධ්‍ය ආයතනයක් වන RBC ප්‍රවෘත්ති වලට අනුව, ජනාධිපති ව්ලැඩිමීර් පුටින්ගේ බඳවා ගැනීමේ මෙහෙයුම යටතේ බලමුලු ගන්වන ලද භට පිරිස් මෙන්ම “ස්වේච්ඡාවෙන් හමුදා සේවයට ඇතුළත් වූ වෘත්තීය කලාකරුවන්” ගෙන්ද මෙම නව බලකාය සමන්විත ව ඇත.
