කටාර් හි අද (18) පැවැති අවසන් මහා තරගයේ දී පිට පිට දෙවැනි වතාවටත් පාපන්දු ලෝක ශූරතාවය දිනා ගැනීමේ ප්රංශ බලාපොරොත්තු සුන් කරමින් ලයනල් මෙසී ඇතුළු ආජන්ටිනා කණ්ඩායම ලෝක පාපන්දු කිරුළ දිනා ගත්තේය.
නියමිත කාලයේ දී ගෝල 2-2 ලෙස සමවූ තරගය අතිරේක කාලය අවසානයේ ගෝල 3-3ක් ලෙස සම වූ අතර දඩුවම් පහර මගින් තරගයේ තීරණය වෙනස්වනවිට ආජන්ටිනාව ගෝල 4-2ක් ලෙස ප්රංශ කණ්ඩායම පරාජයට පත්කළේය.
තරගය ගෝල -3-3ක් ලෙස සම වනවිට ආජන්ටිනාව වෙනුවෙන් ලයනල් මෙසී ගෝල 2ක් සහ ප්රංශ කණ්ඩායමේ සුපිරි ක්රීඩක එම්බාපේ ගෝල 3ක් වාර්තා කර තිබිණි. දඩුවම් පහර මගින් ලෝක කුසලාන ජයක් තීරණය වූ තෙවැනි අවස්ථාව මෙය වන අතර මෙයට පෙර 2006 වසරේ දී සහ 1994 දී මෙවැනිම අවස්ථාවක් වාර්තා විය.