fbpx
තවත්
    මුල් පිටුවඋණුසුම් පුවත්වරකාපොල හෝටලයෙන් රෑ කෑම ගත් මතුගම පාසල් සිසුන් 150ක් රෝහලේ

    වරකාපොල හෝටලයෙන් රෑ කෑම ගත් මතුගම පාසල් සිසුන් 150ක් රෝහලේ

    අධ්‍යාපන චාරිකයාවකට සහභාගි වී සිටි මතුගම හොරවල නවෝද්‍යා විද්‍යාලයේ සිසුන් පිරිසක් වරකාපොල පිහිටි ප්‍රසිද්ධ හෝටලයකින් ඊයේ රාත්‍රී ආහාර ගැනීමෙන් පසු රෝගී වී ඇති බව වරකාපොල පොලීසිය සඳහන් කරයි.

    සිසුන් 150 දෙනෙකු මේ වන විට වරකාපොල රෝහලට ඇතුලත් තර ඇති අතර කලාන්තය, කැරකිල්ල, උදරය දැවිල්ල, වමනය, පාචනය යන රෝගී තත්ත්වයන් ඒ අයට පෙන්නුම්කර තිබේ.

    මෙම විද්‍යාලයේ 06 වන ශ්‍රේණියේ සිට 09 වන ශ්‍රේණිය දක්වා ඉගෙනුම ලබන දරුවන් 246 දෙනෙක් මෙම අධ්‍යාපන චාරිකාවට සහභාගි වී සිට ඇත. මහනුවර ගොස් නැවත පාසල වෙත යමින් සිටියදී මෙම හෝටලයේ නවතා රාත්‍රී ආහාරය ලබාගෙන ඇති බව සඳහන්ය.

    ආහාරය ගෙන සුළු මොහොතකට පසු මෙම රෝගී තත්ත්වයන් ඇති වී තිබෙන බව විමර්ශන වලින් පෙනී යන්නේ යැයි වරකාපොල පොලීසිය කියයි.

    මේ සම්බන්ධයෙන් වරකාපොල පොලීසිය විමර්ශනයක් ආරම්භකර තිබේ.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.