ලංකාවට රෙදි ගෙන්වීම නතර කර නැති බව රාජ්‍ය අමාත්‍ය දයාසිරි ජයසේකර මහතා අද (09) දින පාර්ලිමේන්තුවේ දී පැවසීය.
ප්‍රින්ටඩ් බතික් ලෙස ප්‍රින්ට් කරලා රෝල් පිටින් ගෙන්වන එක සහ අත්යන්ත්‍ර පේශ කර්ම රෙදි ගෙන්වීම පමණක් නතර කර ඇති බව දායාසිරි ජයසේකර මහතා සඳහන් කළේය.
වාචික පිළිතුරු අපේක්ෂිත ප්‍රශ්න විමසීමේ දී සමගි ජන බලවේගයේ මන්ත්‍රී හේෂා විතාන මහතා යොමු කළ ප්‍රශ්නයකට පිළිතුරු දෙමින් දයාසිරි ජයසේකර මහතා මේ බව පැවසීය.
දෙරණ පුවත්පත වැරදි ප්‍රවෘත්තියක් සමාජගත කිරීම හේතුවෙන් තමන්ට මිනිසුන්ගෙන් බැනුම් ඇසීමට සිදුවී ඇති බව කී රාජ්‍ය අමාත්‍ය දයාසිරි ජයසේකර මහතා, ප්‍රවෘත්ති පළ කිරීමේ දී නිවැරදි තොරුතුරු පමණක් පළ කරන්නැයි මාධ්‍යව්දීන්ගෙන් ඉල්ලා සිටියේය.
