අංජනා මල්ලවාරච්චි
වෙළඳපොලේ එළවළු මිල ගණන් තවමත් අධික ලෙස ඉහළ ගොස් ඇති බව වාර්තා වේ.
කොළඹ සහ තදාසන්න ප්‍රදේශවලත් දිවයිනේ පිටපළාත්වල එළවළු මිල ගණන් ඉහළ යාම නිසා පාරිභෝගිකයෝ දැඩි අපහසුතාවයට පත්ව සිටිති.
සෑම එළවළුවක්ම මිල රුපියල් 200 ඉක්මවා ඇති බව ද වාර්තා වේ.
බෝංචි කිලෝවක් රුපියල් 190-220ක් අතර අලෙවි වන අතර කැරට් කිලෝවක මිල රුපියල් 230 ඉක්මවා තිබේ.
බීට් රූට් කිලෝවක් රුපියල් 220 ඉක්මවා තිබෙන අතර ලීක්ස් කිලෝවක මිල රුපියල් 260 ඉක්මවා තිබේ .
වම්බටු කිලෝවක් රුපියල් 200 දක්වා මිලකට අලෙවි කෙරේ.
කොළඹ සහ තදාසන්න නගරවලත් දිවයිනේ පිටපළාත්වල සෑම එළවළු එකම මිල ඉහළ ගොස් ඇතැයි ද පාරිභෝගිකයෝ කියති.
