සිය බිරිඳගේ පියාට පහරදුන් මරදාන පොලිස් ස්ථානයේ සේවයේ නිරත උප පොලිස් පරීක්ෂකවරයෙක් පානදුර කොට්ඨාශ අපරාධ විමර්ශන කාර්යාංශයේ නිලධාරීන් විසින් ඊයේ අත්අඩංගුවට ගත්තේය.
උප පොලිස් පරීක්ෂකවරයා සිය බිරිඳ බිරිඳගේ සහෝදරයා සහ පියා සමඟ ආරවුලක පැටලී මෙම පහරදීම සිදුකර ඇතැයි පොලිසිය කියයි.
මේ සම්බන්ධයෙන් මොරන්තුඩුව පොලිස් ස්ථානයට පැමිණිලිකලත් නිසි ලෙස එය විභාග නොකිරීම හේතුවෙන් පානදුර පොලිස් අධිකාරීවරයාට ඒ බව දැනුම්දීමෙන් අනතුරුව කොට්ඨාශ අපරාධ විමර්ශන කාර්යාංශය විසින් විමර්ශන පවත්වා උප පොලිස් පරීක්ෂකවරයා අත්අඩංගුවට ගෙන ඇත.
