මෙරටින් පළාගොස් බෙලරූස්වල සැඟව සිටින ලොකු පැටී නැමැති පාතාලයේ ප්රබල අපරාධකරුගේ පවුලේ ළඟම ඥාතියෙකුට අද අළුයම ගාලු පාරේ අහුන්ගල්ල බෝධිය අසල ත්රීරෝද රථ ගාලේදී වෙඩි තබා ඇත.
යතුරුපැදියකින් පැමිණි දෙදෙනෙක් අතර සිටි තුවක්කුකරු වෙඩි පහරවල් දෙකක් ඔහුව ඉලක්කර එල්ලකර තිබේ.
අහුංගල්ල ත්රීරෝද රථ සංගමයේ සභාපතිවරයා වන ලෝකනවත්තේ පදිංචි ඩබ්ලිව්. නන්දසිරි ද සිල්වා (50) නමැති අය මෙසේ වෙඩි ප්රහාරයට ලක්ව තිබේ. වෙඩි වැදුණු ඔහු බලපිටිය රෝහලට ඇතුලත් කර ඇත. ඔහුගේ තත්ත්වය බරපතල නොවන බව රෝහල් ප්රකාශකයෙක් පැවසීය.
වෘත්තියෙන් ත්රීරෝද රථ රියදුරෙක් වන ඔහු එම ත්රීරෝද රථ ගාලට පැමිණ කෙටි වේලාවක් තුළ වෙඩික්කරු එතැනට පැමිණ ඇති බව විමර්ශන වලින් අනාවරණය වී ඇත.
කල්ලි දෙකක් අතර පවතින ගැටුමක ප්රතිඵලයක් ලෙස මෙම වෙඩිතැබීම සිදුව ඇතැයි විශ්වාස කෙරේ.
ලොකු පැටී විවහාවී සිටින්නේ මෙම ත්රීරෝද රථ රියදුරුගේ සහෝදරියගේ දියණියයි.
