විශේෂඥ වෛද්‍යවරයෙකුට අයත් මීගමුවේ පිහිටි වෛද්‍ය මධ්‍යස්ථානයක් බිඳ එහි මේස ලාච්චුවක තිබුණු රුපියල් ලක්ෂ තුනහාමාරක මුදලක් සොරාගෙන ඇතැයි මීගමුව පොලීසියට පැමිණිල්ලක් ලැබී ඇත.
මීගමුව හලාවත පාරේ පිහිටි වෛද්‍යවරයාගේ නිවසට යාබදව මෙම වෛද්‍ය මධ්‍යස්ථානය පිහිටා ඇති බවත් මෙම සොරකම සිදුව ඇත්තේ ඊයේ අලුයම් කාලයේදී බව පෙනී යන බවත් මීගමුව පොලීසිය කියයි.
වෛද්‍ය මධ්‍යස්ථානයේ ඉදිරිපස දොර බිඳ මෙම සොරකම කර ඇති බවද පොලීසිය කියයි.
