පුද්ගලික බැංකුවක පවත්වාගෙන යන බැංකු ගිණුම් දෙකකට අන්තර්ජාල බැංකු ගණුදෙනු පහසුකම් යටතේ අනවසරයෙන් ප්‍රවිශ්ඨ වී රුපියල් එක්කෝටි තිස්හත් ලක්ෂ හැටපන්දහසක මුදලක් වංචා සහගතව ලබා ගැනීමක් සම්බන්ධයෙන් යුක්රේන් ජාතිකයෙකු ඇතුළු පුද්ගලයින් 08 දෙනෙක් අපරාධ පරීක්ෂණ දෙපාර්තමේන්තුවේ මූල්‍ය හා වාණිජ අපරාධ විමර්ශන කොට්ඨාශයේ නිලධාරීන් විසින් අත්අඩංගුවට ගෙන තිබේ.
වාද්දූව, පිළියන්දල, බණ්ඩාරවෙල, ගාල්ල යන ප්‍රදේශවලදී ප මෙම සැකකරුවන් 08 දෙනා අත්අඩංගුවට ගෙන ඇත්තේ පසුගිය 26 වෙනිදාය.
සැකකරුවන් අවුරුදු 22ත් 26ත් අතර වයස්වල පසුවන්නන් බව පොලිස් මාධ්‍ය ප්‍රකාශක කාර්යාලය සඳහන් කරයි. ඔවුන් වැලිගම, රත්ගම, වාද්දූව හා පට්ටියගෙදර යන ප්‍රදේශවල පදිංචිකරුවන්ය.
මෙම සැකකරුවන් 08 දෙනා පෙරේදා (27) කොටුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව හෙට (30) දක්වා රක්ෂිත බන්ධනාගාරගත කර තිබේ.
