රජයට සහ ජනාධිපති ෂී ජින්පිංට එරෙහිව පැවති විරෝධතා පාලනය කිරීමට විශාල පොලිස් බලකායක් යෙදවීමට චීන රජය පියවර ගෙන තිබේ.
ඒ අනුව බීජිං සහ ෂැංහයි හී මෙලෙස විශාල පොලිස් බලකායක් යෙදවීමට චීන රජය පියවර ගෙන ඇති බව විදෙස් මාධ්‍ය වාර්තා සඳහන් කරයි.
ඉකුත් සති අන්තයේ චීනයේ නගර රැසක විරෝධතා මාලවක් පැවති අතර එහිදී චීන ජනාධිපතිවරයාට ධූරයෙන් ඉල්ලා අස්වෙන ලෙසට විශාල බලකිරීමක් එල්ල විය.
චීන රජය විසින් කොරෝනා වෛරසය පැතිරයාම වැලැක්වීමට පැනවු දැඩි සීමා මෙම විරෝධතා වලට මූලික හේතුව විය.
එහිදී දැඩි නිරෝදායනය නීතී යටතේ අගලු දමා තිබූ ගොඩ නැගිල්ලක ඇති වූ ගින්නකින් පුද්ගලයින් 10 දෙනෙකු මියයාම මෙම විරෝධතා වර්ධනය කිරීමට ප්‍රධාන සාධකයක් විය.
අදාල ගිනි ගැනීමෙන් මර්ණයට පත් පිරිස කොරෝනා නීති නොපැවතියේ නම් බේරා ගැනීමට හැකියාව තිබූ බවට ජනතාව ප්‍රකාශ කළ අතර ඊට සෑහීමකට පත්විය හැකි පිළිතුරක් ලබාදීමට චීන බලධාරීන් අපහොසත් විය.
