අගුණුකොලපැලැස්ස බන්ධනාගාරයේ රඳවා සිටින රංජන් රාමනායක කොළඹ ජාතික රෝහලට මාරු කර යවා තිබේ.
ඒ ඔහුගේ දණහිසෙහි ඇතිවූ ආබාධයක් හේතුවෙන් ඊයේ සවස ගාල්ල කරාපිටිය මහ රෝහලට ඇතුලත් කිරීමෙන් පසුව ඔහුව කොළඹ ජාතික රෝහලේ විකලාංග සායනයට ඉදිරිපත් කරන ලෙස එහි වෛද්යවරුන් උදෙස් ලබා දීම නිසයි.
වෛද්ය උපදෙස් අනුව අද දින කොළඹ ජාතික රෝහලේ විකලාංග වෛද්ය සායනය වෙත ඔහු ඉදිරිපත් කර තිබේ.
ඉන් අනතුරුව ලබන 16 වන දින නැවතත් එම සායනයට ඉදිරිපත් කිරීමට වෛද්යවරුන් උපදෙස් ලබාදී ඇත.
එමෙන්ම ලබන 16 දින දක්වා කොළඹ වැලිකඩ බන්ධනාගාරයට අනුබද්ධ බන්ධනාගාර රෝහලේ ඔහුව රඳවා තැබීමට බන්ධනාගාර දෙපාර්තමේන්තුව කටයුතු යොදා ඇත.