මෙරට දේශපාලන පක්ෂ හයක ක්‍රියාකාරිත්වය තාවකාලිකව අක්‍රිය කිරීමට මැතිවරණ කොමිෂන්‌ සභාව තීරණය කර තිබේ.

ඒ එම පක්ෂවල ලේකම්‌, සභාපති ධුර
ඇතුලු තනතුරු සඳහා පුද්ගලයින්‌ කිහිපදෙනෙකු ඉදිරිපත්වීම හමුවේ ගැටළු මතුවීම හේතුවෙන් අධිකරණ ක්‍රියාමාර්ගවලට යොමුවී ඇති බැවිනි.

ඒ අනුව අධිකරණ කටයුතු අවසන්‌ වනතුරු එම පක්ෂවලට මැතිවරණවලට ඉදිරිපත්‌ වීමේ අවස්ථාවද හිමි නොවේ.

පේදුරුතුඩුව ප්‍රදේශයේ වැලි නිධිය පිහිටි ප්‍රදේශයේ සිට ආ කැබ් රථයක් විශේෂ කාර්ය බලකායේ සංඥා නොතකා මාර්ග බාධකය හරහා ගොස් ඉදිරියේ සිටි නිලධාරීන් යටකරගෙන යාමට උත්සාහ කිරීමේ දී වෙඩිතැබීමක් සිදුව තිබේ.

අද උදෑසන මෙම සිද්ධිය වී ඇති අතර අණ නොතකා මාර්ග බාධකය පසුකරගෙන යාමේදී ඇණ ලෑලි සහිත බාධක දෙකක් කැබ් රථය ඉදිරියට යෙදුවද ඒවා ද පසු කරමින් වාහනයේ ටයර්වල හුලං නොමැති අවස්ථාවේදී පවා එම කැබ් රථය ඔවුන් ඉදිරියට ධාවනය කර ඇති බව නියෝජ්‍ය පොලිස්පති වරයා කීය.

එම කැබ් රථය මාර්ග බාදකයට ඉදිරියෙන් සිටි නිලධාරීන් යටකරගෙන යාමට තැත්කර තිබෙන අවස්ථාවේදී නිලධාරීන් විසින් මෙම වෙඩි තැබීම අජිත් රෝහන මහතා පැවසීය.

කෙසේ වෙතත් මෙම කැබ් රථය නොනවත්වා ම නොනවත්වාම දිගටම ධාවනය කර තිබේ.

පසුව කැබ් රථයේ සිටි බවට සැක කරන පුද්ගලයන් දෙදෙනෙක් පේදුරුතුඩුව රෝහලට ඇතුළත් කර ඇත .

ඔවුන් ගේ වෙඩි වැදීම් තුවාල ඇති බවට වාර්තා වී ඇතැයි අජිත් රෝහණ මහතා කීය.

මේ පුද්ගලයින් දෙදෙනා වයස අවුරුදු 23 සහ 26ක අයවලුන් බවට වාර්තා වී ඇත.

මේ පිළිබඳ පේදුරුතුඩුව පොලීසිය පරීක්ෂණ පවත්වයි.

මෙම කැබ් රථය සොයා තවදුරටත් විමර්ශන ක්‍රියාත්මකයි.

එම මාර්ග බාධකයේ විශේෂ කාර්ය බලකා නිළධාරින්ගෙන් ප්‍රකාශ සටහන් කරගෙන ඇති බව ද නියෝජ්‍ය පොලිස්පති වරයා කීය .

යාපනය පේදුරුතුඩුව ප්‍රදේශයේ පිහිටි ස්වභාවික වැල නිධියක් ආරක්ෂා කිරීම සඳහා පවත්වාගෙන යන මාර්ග බාධකයෙදී

මෙම වැල නිධියෙන් විවිධ පුද්ගලයන් විසින් නිරන්තරයෙන් අනවසර වැලි ගෙන යන බවට පොලීසියට මීට පෙර වාර්තා වී ඇත.

ඒ අනුව මෙම මාර්ග බාධකය යොදන ලද්දේ එම වැල නිධිය ආරක්ෂා කිරීම සඳහා බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පැවසීය.

මීට පෙරද මෙම වැලි නිධිය අනවසරයෙන් රැගෙන යාමට ආ ටිපර් රථයක් එම මාර්ග බාධකයේ බාධකයේ සේවයේ සිටි නිලධාරීන් යට කරගෙන ගොස් ජීවිත හානි සිදුකළ සිද්ධියක් වාර්තා විය.

යාපනය දිස්ත්‍රික්කයේ තරුණ තරුණියන් 1600 දෙනකු පමණ යුද හමුදාවට පසුගිය මාස තුනේදී බඳවා ගෙන තිබේ.

යුද හමුදාපති ජෙනරාල් ශවේන්ද්‍ර සිල්වා මහතා මේ බව පැවසුවේ යාපනය ආරක්ෂක සේනා මූලස්ථානයේ පැවැති අලුත් අවුරුදු උත්සව අවස්ථාවට එක් වෙමිනි.

තවමත් බෙදුම්වාදි මත දරන විවිධ පුද්ගලයන් හා කණ්ඩායම්වල බලපෑම් එල්ලවෙමින් තිබේ.

එසේ තිබියදී පවා යාපන අර්ධද්වීපයෙන් මේ ආකාරයට දෙමළ තරුණ තරුණියන් යුද හමුදාවට ආධුනිකයන් වශයෙන් ඉදිරිපත් විම අප ලැබූ ජයග්‍රහණයක් බව ද හෙතෙම අවධාරණය කළේය.

කොවිඩ් ආසාදනය වූ රෝගියකුට ඇතිවන රුධිර කැටි ඇතිවීමේ අවදානම ඔක්ස්ෆර්ඩ්-ඇස්ට්‍රාසෙනෙකා එන්නත ලබා දීමෙන් පසු 8 ගුණයකින් ඉහළ යන බව ඔක්ස්ෆර්ඩ් විශ්ව විද්‍යාලය විසින් කරන ලද අධ්‍යයනයකින් හෙළි වෙයි.

COVID-19 රෝගීන් මිලියනයකින් 39 දෙනෙකුට Cerebral venous thrombosis (සීවීටී) යන රුධිර කැටිගැසීමේ තත්ත්වයක් ඇති වී තිබේ.

ඇස්ට්‍රාසෙනෙකා එන්නත ලබා දුන් මිලියනයකට පස් දෙනෙකුට පමණ මෙම තත්ත්වය ඇතිවූ බව එම වාර්තාව කියයි.

කොවිඩ්-19 ආසාදනයෙන් පසු ඇතිවන මෙම අවදානම, සාමාන්‍යයෙන් මෙම තත්ත්වය ඇතිවීමට වඩා 100 ගුණයකින් වැඩි බව කොරොන වයිරස් රෝගීන් 500,000 කට අධික සංඛ්‍යාවක් අධ්‍යයනය කිරීමෙන් හෙළි වී ඇත.

කෙසේ වෙතත්, COVID-19 ආසාදනය වූ 30 ට අඩු පුද්ගලයින් 30%කට පමණ CVT තත්ත්වය ඇතිවන බවද ඔක්ස්ෆර්ඩ් අධ්‍යයනයෙන් අනාවරණය කෙරිණ.

බොහෝ රටවල් වල ඇතැම් වයස් කාණ්ඩවලට ඇස්ට්‍රාසෙනෙකා එන්නත සීමිත ලෙස භාවිතා කිරීම හෝ නවතා දැමීමට පියවර ගෙන තිබේ.

රුධිර කැටි ගැසීම් පිළිබඳ ඉතා දුර්ලභ අවස්ථා පිළිබඳ වාර්තා වීමෙන් පසුව ඩෙන්මාර්කය පවා එන්නත් කිරීමේ වැඩසටහනෙන් ඇස්ට්‍රාසෙනෙකා ස්ථිරවම අතහැර දමා ඇත.

කොළඹ වරාය නගර ආර්ථික කලාප විශේෂ කොමිසම් සභා පනත් කෙටුම්පතට එරෙහිව ගොනු කර ඇති විශේෂ පෙත්සම් ලබන 19 වැනිදා පංච පුද්ගල විනිසුරු මඩුල්ලක් හමුවේ සලකා බැලීමට අගවිනිසුරුවරයා තීරණය කරයි.

එම පනත් කෙටුම්පත නීතියක් බවට පත්වීමට නම් පාර්ලිමේන්තුවේ 2/3ක බහුතර ඡන්දයෙන් සහ ජනමත විචාරණයකින් සම්මත කළ යුතු බවට තීන්දු කරන්නැයි පෙත්සම්කරුවෝ ඉල්ලා සිටිති.

අගවිනිසුරු ජයන්ත ජයසූරිය මහතාගේ ප්‍රධානත්වයෙන් බුවනෙක අලුවිහාරේ, ප්‍රියන්ත ජයවර්ධන, මුර්දු ප්‍රනාන්දු, ජනක් ද සිල්වා යන මහත්වරුන් ගෙන් සමන්විත පංච පුද්ගල විනිසුරු මඩුල්ල හමුවේ අදාළ පෙත්සම් සලකා බැලීමට නියමිතය.

මෙම පෙත්සම් ගොනු කර ඇත්තේ එක්සත් ජාතික පක්ෂ සභාපති වජිර අබේවර්ධන සහ මහලේකම් පාලිත රංගේ බණ්ඩාර, ජනතා විමුක්ති පෙරමුණ දේශපාලන මණ්ඩල සභික වසන්ත සමරසිංහ යන මහත්වරුන් , තොරතුරු තාක්ෂණ වෘත්තීයවේදීන් ගේ සංගමයේ සභාපති ජී කමල් රේණුක පෙරේරා, විකල්ප ප්‍රතිපත්ති කේන්ද්‍රය සහ එහි විධායක අධ්‍යක්ෂ පාක්‍යසෝති සරවනමුත්තු ඇතුළු පිරිසක් විසිනි.

සිංහල හා දෙමළ අලුත් අවුරුද්ද යෙදුණු ඊයේ (14) දින රථවාහන අනතුරුවලින් පුද්ගලයින් 14 දෙනෙකු මියගොස් තිබේ.

අධිවේගී මාර්ගවල අනතුරු 12 ක් සිදුවී ඇති අතර වෙනත් ස්ථානවලින් අනතුරු 109 ක් වාර්තා වී තිබේ.

පසුගිය අඟහරුවාදා වාර්තා වූ අනතුරු 121 කින් පුද්ගලයින් 74 දෙනෙකු තුවාල ලබා ඇත.

මෙම අනතුරුවලින් බොහොමයක යතුරුපැදි 53 ක් සහ ත්‍රිරෝද රථ 30 ක් සම්බන්ධ වී තිබේ.

පසුගිය පැය 24 තුළ බීමත් රියදුරන් 758 දෙනෙකු අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා අනාවරණය කළේය.

මත්පැන් පානය කර රිය පැදවූ රියදුරන් අත්අඩංගුවට ගැනීම සඳහා පොලිසිය විශේෂ මෙහෙයුමක් දියත් කරමින් සිටින බව ඔහු සඳහන් කළේය.

මේ අතර, පෙර වසරවලට සාපේක්ෂව අපේ‍්‍රල් මාසයේ උත්සව සමයේ වාර්තා වූ මෝටර් රථ අනතුරු වැඩිවීමක් ඇතැයි සෞඛ්‍ය බලධාරීන් පෙන්වා දුන්නේය.

ශ්‍රී ලංකාවේ අපරාධ මර්දන කටයූතු සදහා ඕස්ට්‍රේලියාවෙන් ශ්‍රී ලංකා පොලීසියට ඩ්‍රෝන යානා 05 ක් පරිත්‍යාගයක් ලෙස ලැබී ඇත.

ස්වාභාවික ආපදා ස්ථාන තක්සේරු කිරීම සහ ප්‍රතිසාධනය,  අපරාධ විමර්ශනය සහ සමුද්‍රීය මිනිස් ඡාවාරම මැඩ පැවැත්වීම ඇතුළු  පුළුල්පරාසයක් තුළ ‌ඩෝනා තාක්ෂණය ඔස්සේ ගුවනේ සිට නිරීක්ෂණ සිදු කිරීම සදහා  ශ්‍රී ලංකා පොලීසියේ හැකියාව වර්දනය කිරීමටත් ඒ් සදහා සහය දැක්වීමටත් මෙම ‌ ඩෝන යානා පරිත්‍යාග කරන බව ඕස්ට්‍රේලියානු මහ කොමසාරිස් කාර්යාලය සදහන් කරයි.

මෙම ඩ්‍රෝන 05 ශ්‍රී ලංකා පොලීසියට පරිත්‍යාගකරන්නේ ශ්‍රී ලංකාවේ අපරාධ මර්දනයට සහයවීම සදහා ඒ්කාබද්ධ නියෝජිතායතන කාර්ය සාධක බලකාය සහ ඕස්ට්‍රේලියානු ෆෙඩරල් පොලීසිය ඒක්වය.

“ශ්‍රී ලංකාවේ නීතිවිරෝධි සමුද්‍රීය මිනිස් ඡාවාරම් වැලැක්වීමට සහ බිද දැමීමට අඛණ්ඩව උත්සහ කිරීම පිභිබදව ශ්‍රී ලංකා පොලීසියට ස්තූතිවන්ත වෙනවා. ඕස්ට්‍රේලියාව සහ ශ්‍රී ලංකාව සාාමූහිකවීම තුළින් ඡාවාරම්කරුවන්ට සහ නීති විරෝධි සංංක්‍රමනිකයින්ට ලබාදෙන ප්‍රබලම පණිවිඩය වන්නේ බෝට්ටු  මගින් නීතිවිරෝධි ලෙස ඕස්ට්‍රේලියාව පැමීණිමට කිසිදු ඉඩකඩක් නොමැති බවයි” යැයි මෙම ඩෝන යානා පරිත්‍යාග කරමින් අන්තර්ජාලය ඔස්සේ පැවැති උත්සවයක් අමතමින් ඒ්කාබද්ධ නියෝජිතායන කාර්ය සාධක බලකායේ අද්මිරාල් හීල් මහතා සදහන් කළේය.

ඒහිදී ශ්‍රී ලකා පොලීසිය වෙනුවෙන් පොලිස්පති සී.ඩී.වික්‍රමරත්න මහතා  අදහස් දක්වමින් සදහන් කරනු ලැබුවේ භූගෝලීය වශයෙන් සැලකූව විට ශ්‍රී ලංකාව සහ ඕස්ට්‍රේලියාව අසල්වැසියන් වන බවය.

“ශ්‍රී  ලංකා පොලිස් සේවයට අති නවීන ඩ්‍රෝන තාක්ෂණය පරිත්‍යාග කිරීම අප වෙත සිදුකළ විශාල ගෞරවයක්. මෙම ඩ්‍රෝන යානා රථ වාහන තදබදය අධික්ෂණය කිරීම, සෝදිසි සහ මුදාගැනීම්, ආවේක්ෂණය සහ පුද්ගල ජාවාරම් , අපරාධ සහ පාරිසරික ආරක්ෂාව සම්බන්ධ මෙහෙයුම් සදහා විශාල වශයෙන් යෙදවිය හැකියි.” යැයිද පොලිස්පතිවරයා කීය.

දක්ෂිණ අධිවේගී මාර්ගයේ ගැලනිගම සහ දොඩංගොඩ අතර, 30 වන කිලෝමීටර්‌ කණුව ආසන්නයේ අද මෝටර්‌ රථ 8ක්‌ එනිනෙක ගැටී අනතුරු සිදුව තිබේ.

ඒ හේතුවෙන්‌ මාතර දක්වා ගමන්‌ගන්නා මංතීරුවේ මේ වනවිට දැඩි රථ වාහන තදබදයක්‌ හටගෙන ඇති බව පොලිස්‌ මාධ්‍ය ප්‍රකාශක නියෝජ්‍ය පොලිස්පති
අජිත්‌ රෝහණ සඳහන්‌ කරයි.

ඉන්‌ වෑන්‌ රථයක ගමන්‌ ගත්‌ පුද්ගලයෙකු සුළු තුවාල ලබා ඇත.

අද පෙරවරු 11.45 ට පමණ මෙම
අනතුර සිදුව ඇත.

2019 වර්ෂයේ අප්‍රේල්‌ මස 14 වන දින ගැලනිගමදී සිදු වූ රිය අනතුරක්‌ හේතුවෙන්‌ මේ අකාරයේම දැඩි රථ වාහන තදබදයක් හටගෙන තිබිණ.


අලුත් අවුරුද්ද සමරන සිංහල දෙමළ ජනතාවට සුබ ප්‍රාර්ථනා කරමින් අමෙරිකානු ජනපති ජෝ බයිඩෙන් පණිවිඩයක් නිකුත් කර තිබේ.

මේ වනවිට විවිධ සංස්කෘතික උත්සව සමරන සෙසු ජනතාවට ද ඔහුගේ සුබ පැතුම් එක්කර ඇත.

කෙසේවෙතත් අමෙරිකානු ජනාධිපතිවරයාගේ සුබ පැතුම් පණිවුඩය තුළ අදින් ඇරඹුණ රාමසාන් උපවාස සමය හා එම ආගමික සැමරුම වෙනුවෙන් සුබපැතුම් එක්කර නොතිබීම සමාජ ජාල තුළ මුස්ලිම් ප්‍රජාවගේ විවේචනයට ලක්ව තිබෙනු දැකගත හැකිවිය.

මේ අතර මෙරට අමෙරිකානු තානාපතිනි අලෙයිනා බී ටෙප්ලිට්ස් ද ශ්‍රී ලාංකික ජනතාවට අලුත් අවුරුදු සුබ පැතුම් එක්කර තිබුණේ මෙසේය.

පසුගිය වසරේ අවුරුදු සැමරුම්වලට පැවති අයහපත් සෞඛ්‍ය පසුබිමෙන් බාධා ඇතිවුවද, මෙවර සෞඛ්‍ය උපදෙස්වලට අනුගතව සහ පුරාණ චාරිත්‍රානුකූලව අලුත් අවුරුදු සැමරීමේ අවස්ථාව අප ගොඩනගාගෙන තිබෙන බව ජනාධිපති ගෝඨාභය රාජපක්ෂ මහතා පවසයි.

සමස්ත ජනතාව සියලු භේද අමතක කොට නැවුම් බලාපොරොත්තු සමග අධිෂ්ඨානශීලීව, සෞම්‍ය හා දැහැමි සිතිවිලි වලින් සිත් සතන් පුරවාගෙන සිංහල දෙමළ අලුත් අවුරුදු චාරිත්‍ර සමග එක්වනු දැකීම තම අපේක්ෂාව බව හෙතෙම කියා සිටී.

උදා වූ සිංහල දෙමළ අලුත් අවුරුද්ද සැමට සෞභාග්‍යය, සතුට පිරි සුබ අලුත් අවුරුද්දක් වේවා ! යනුවෙන් ජනාධිපතිවරයා සියලුම ශ්‍රී ලාංකිකයන්ට නව අවුරුදු සුබ පැතුම් එක්කරමින් පවසයි.