අලුත් අවුරුදු නිවාඩුව වෙනුවෙන් ගම්බිම් බලා ගමන් ගන්නා ජනතාව වැඩි වශයෙන් අධිවේගී මාර්ග පද්ධතිය යොදා ගැනීම හේතුවෙන් මෙවර ඉහළ ආදායමක් උපයා ගැනීමට හැකිවී ඇතැයි අධිවේගී මාර්ග නඩත්තු සහ මෙහෙයුම් අංශය සදහන් කරයි.
ඉකුත් 08, 09, 10 සහ 11 යන දින හතරේ පමණක් අධිවේගී මාර්ගයේ ධාවනය කළ වාහන වලින් ලද ආදායම රුපියල් මිලියන 135 කි. 10 වෙනිදා පමණක් අධිවේගී මාර්ගයේ රථවාහන එක්ලක්ෂ හතලිස් එක්දහස් එකසිය අසූහතක් ධාවනය වී ඇති අතර 09 වෙනිදා ධාවනය වී ඇත්තේ රථවාහන එක්ලක්ෂ තිස්හත්දහස් හත්සිය විසි එකකි. අධිවේගී මාර්ගයේ මෑතකදී ධාවනය කළ වැඩිම වාහන ප්‍රමානය වන්නේ මෙය බව අධිවේගී මාර්ග නඩත්තු සහ මෙහෙයුම් අංශය සදහන් කරයි.
