සිරකරුවෙකුට ලබාදීමට අයිස් මත්ද්‍රව්‍ය සහ ජංගම දුරකථන සිම්කාඩ්පත් 02ක් බන්ධනාගාරගය තුළට රැගෙන ගිය දුම්බර බන්ධනාගාරයේ සේවයේ නිරතව සිටින නියාමකවරයෙකු ඊයේ සවස අත්අඩංගුවටගත් බව පල්ලෙකැලේ පොලිසිය සඳහන් කරයි.
පල්ලෙකැලේ නිලධාරීන් කණ්ඩායමක් විසින් ලද තොරතුරකට අනුව බන්ධනාගාරය තුළදීම මෙම නියාමකවරයා අත්අඩංගුවට ගෙන තිබේ. අයිස් මත්ද්‍රව්‍ය ග්‍රෑම් 05යි මිලිග්‍රෑම් 280ක් සැකකාර නියාමකවරයා සතුව තිබී ඇතැයි පොලිසිය සඳහන් කරයි.
අත්අඩංගුවට ගත් සැකකරු වයස අවුරුදු 39 ක් වන හන්දෙස්ස ප්‍රදේශයේ පදිංචි කරුවෙකි.
