වාද්දූව පොලිස් වසමේ දකුණු තල්පිටිය ප්‍රදේශයේදී, කුඩා පිරිමි දරුවෙකු නිවසෙහි ඇති පොකුණට වැටී දියේ ගිලීම හේතුවෙන් මියගොස් ඇත.
මෙම අනතුර සිදුව ඇත්තේ ඊයේ දහවල් කාලයේදීය.
මියගිය දරුවා අවුරුදු 01 ½ක් වයසැති බව පොලිසිය සඳහන් කළේය.
මියගිය දරුවා තම වැඩිමහල් සහෝදරයන් දෙදෙනා සමඟ මිදුලේ සෙල්ලම් කරමින් සිටියදී, නිවස ඉදිරිපිට ඇති කුඩා පොකුණට වැටී දියේ ගිලී මියගොස් ඇති බවට සිදු කරන ලද විමර්ශනයේදී අනාවරණය වී ඇත.
