පික් මී සහ ඌබර් කුලී රථ මගින් විදේශිකයන් වැඩිවශයෙන් සිය ප්රවාහන පහසුකම් සපයා ගැනීමට පුරුදු වී සිටින බැවින් ඊට උරණ ව සිටින දඹුල්ලේ ත්රීරෝද රථ රියදුරන් පිරිසක් පික්මී රියදුරෙකුට ඊයේ වටකර පහරදී ඇත.
විදේශිකයන් දෙදෙනෙක් සිය මෝටර් රථයට ගොඩකර ගැනීමට දඹුල්ල සමූපාකාර ඉන්ධන පිරවුම් හල අසලට ගිය අවස්ථාවේදී මෙම පහරදීම සිදුකර ඇත්තේ විදේශිකයන් දෙදෙනා ඉදිරිපිටදීය.
විසි දෙනෙකුගෙන් පමණ සමන්විත ත්රීරෝද රථ රියදුරන් පිරිසක් වටකර මෙම රියදුරාට පහරදී ඇති බව පොලිසිය කියයි.
ආණමඩුව නවගත්තේගම පදිංචිකරුවෙක් වන 49 හැවිරිදි මෝටර් රථ රියදුරු පොලිසියට පැමිණිලිකරමින් පවසා ඇත්තේ “ හයර් යන්නේ කොහොමද“ යැයි විමසමින් තමාට පහරදුන් බවය.
පහරදුන් පිරිස තමා සතුව තිබුණු රුපියල් 87,000ක මුදලක් මෙන්ම උපැස් යුවලද කොල්ලකෑ බව ඔහු සිය පැමිණිල්ලෙහි සඳහන් කර තිබේ.
විමර්ශන පැවැත්වූ දඹුල්ල පොලීසියේ නිලධාරීන් ත්රීරෝද රථ රියදුරන් 06 දෙනෙක් අත්අඩංගුවට ගෙන ඇත. සෙසු සැකකරුවන්ද අත්අඩංගුවට ගැනීමට විමර්ශන පැවැත්වෙන බව පොලිසිය සඳහන් කරයි.
