නත්තල් නිවාඩුවත් සමඟ ලෝක උරුමයක් වන සීගිරිය නැරඹීම සඳහා දිනකට දහදහසකට අධික සංචාරකයන් පිරිසක් පැමිණෙමින් ඇති බව මධ්යම සංස්කෘතික අරමුදල පවසයි.
ඉකුත් දින කිහිපයේදීම සීගිරිය ජනතාවගෙන් පිරී ඉතිරී ගොස් තිබෙනු දක්නට ලැබිණී. මේ දින කිහිපයේද සීගිරිය නැරඹීම සඳහා දෙස් විදෙස් සංචාරකයන් වැල නොකැඩී පැමිණෙන අතර සීගිරි පව්ව තරණය කර නැවතත් පහළට බැසීම සඳහා අඩුම පැය පහක පමණ කාලයක් ගතවන බව සංචාරකයෝ පෙන්වා දෙති.
මධ්යම සංස්කෘතික අරමුදලේ සීගිරි ව්යාපෘති කළමනාකරු තුසිත හේරත් මහතා කියා සිටියේ මේ දිනවල අලුයම හතරයි තිහ පමණ වන විට සිගිරියේ ප්රවේශපත්ර නිකුත් කිරීම ආරම්භ කරන බවය.
බොහෝ සංචාරකයන් අළුයම් කාලයේ ඉර සේවය බැලීම සඳහා පැමිණෙන බවත් දහවල් කාලයෙ සිගිරි පව්ව නගින පිරිස් රාත්රී නමය පමණ පසුවන තුරුත් සීගිරි පව්වේ තරණය කොට නැවත පහළට ගමන් කිරීම සිදුවන බවත් හේරත් මහතා සදහන් කළේය.
