ලංකා ඛනිජ තෙල් නීතිගත සංස්ථාව විසින් අලෙවි කරනු ලබන ඉන්ධනවල මිල අද (31) මධ්‍යම රාත්‍රියේ සිට ක්‍රියාත්මක වන පරිදි සංශෝධනය කර තිබේ.
ඒ අනුව ඔක්ටේන් 92 පෙට්‍රල් මිල අඩුවී සෙසු ඉන්ධන මිල ගණන් ඉහළ ගොස් ඇත.
ඒ අනුව රුපියල් 365ක් ලෙස පැවති ඔක්ටේන් 92 පෙට්‍රල් ලීටරයක මිල රු. 9 කින් අඩුවී නව මිල රු.356ක් ලෙස පහත බැස තිබේ.
ඔක්ටේන් 95 පෙට්‍රල් ලීටරයක මිල රු. 3 කින් ඉහළ ගොස් නව මිල රු.423ක් වී ඇත.
ඔටෝ ඩීසල් ලීටරයක මිල රු. 5 කින් ඉහළ ගොස් නව මිල රු.356ක් වේ.
සුපර් ඩීසල් ලීටරයක මිල රු. 10 කින් ඉහළ ගොස් නව මිල රු.431ක් වී තිබේ.
භූමිතෙල් ලීටරයක මිල රු. 7 කින් වැඩිවී නව මිල රු.249ක් බව සිපෙට්කෝ නිවේදනය කරයි.
