නීති විරෝධි මත්පැන් වර්ගයක් වන සයිඩර් මිලි ලීටර් 1500ක් සන්තකයේ තබා ගැනීමේ වරදට තිනියාවල පොලීසියේ නිලධාරීන් කණ්ඩායමක් විසින් අත්අඩංගුවට ගෙන පොලිස් සිරමැදිරියේ රදවා සිටි සැකකරුවෙකු මංචු පිටින් පළාගොස් ඇත.
මෙසේ පළාගොස් ඇත්තේ පන්විලහේන කණුවේ පදිංචිකරුවෙක් බව තිනියාවල පොලීසිය කියයි.
මෙම සැකකරුව අත්අඩංගුවට ගෙන ඇත්තේ පසුගිය 19 වෙනිදාය. අධිකරණයට ඉදිරිපත්කරන තුරු මෙම සැකකරුව පොලිස් සිරමැරියේ රදවා සිටියදී 20 අලුයම් කාලයේදී ඔහු වැසිකිලි යාමට අවශ්‍ය යැයි පවසා පළාගොස් තිබෙන බව පොලිස් තොරතුරු සඳහන් කළේය.
වැසිකිලියාමට අවශ්‍ය බව පැවසීමත් සමඟ එදින රාත්‍රී කාලයේ රාජකාරියේ නිරතව සිටි පොලිස් කොස්තාපල්වරයා විසින් අත්විලංගු දමා ඔහුව සිර මැදිරියෙන් පිටතට ගත් අවස්ථාවේදී පළාගොස් ඇත්තේ මාංචු පිටින් බව උසස් පොලිස් නිලධාරියෙක් පැවසීය.
