ෆේස්බුක් සමාගම ලෙස පෙර හැඳින්වූ ඉන්ස්ටර්ග්රෑම්, ෆේස්බුක්, වට්සැප් සහ ත්රෙඩ්ස් යනාදී සමාජ ජාල අයත් මව් සමාගම වන මේටා සමාගම සමඟ හවුල්කාරිත්වයක් ඇතිකර ගැනීමට ජනාධිපති රනිල් වික්රමසිංහ මහතා සූදානම් වෙයි.
ඒ අනුව මේටා සමාගම සහ ශ්රී ලංකා රජය අතර කෘත්රිම බුද්ධි (AI) ක්ෂේත්රයේ හවුල්කාරිත්වයක් ඇති කර ගැනීමේ අවස්ථා සොයා බැලීමට ජනාධිපතිවරයා එම සමාගමට යෝජනා කර තිබේ.
එමෙන්ම ශ්රී ලංකා විශ්වවිද්යාල සංවර්ධනය කිරීමට මෙටා සමාගම සමඟ සහයෝගීතා වැඩසටහනක් ඇති කර ගැනීමටත් යෝජනා වී ඇත්තේ ජනාධිපති රනිල් වික්රමසිංහ මහතා සහ නිව්යෝර්ක්හි මෙටා (Meta) සමාගමේ ගෝලීය සම්බන්ධතා අංශයේ සභාපති ශ්රීමත් නික් ක්ලෙග් මහතා අතර නිව්යෝර්ක් නුවර දී සිදුවූ හමුවේදී ය.
අන්තර්ජාලය ඇතුළු සමාජ මාධ්ය ඔස්සේ පළවන වෛරී ප්රකාශ සහ අසත්ය ප්රචාර මැඩ පැවැත්වීම සඳහා ශ්රී ලංකා රජය ගෙන ඇති නව ක්රියාමාර්ග පිළිබඳව ජනාධිපතිවරයා මෙහිදී පැහැදිළි කළේය.
ඒ වෙනුවෙන් ඉදිරියේ දී හඳුන්වාදීමට යෝජිත පනත මඟින්, බලපෑමට ලක්වූවන්ට ශ්රේෂ්ඨාධිකරණය හරහා ක්රියාමාර්ග ගත හැකි බව ද ජනාධිපතිවරයා පැවසීය.
එසේම පාර්ලිමේන්තු කාරක සභා සමාලෝචනයේදී මෙම පනතට තවත් සංශෝධන එක් කළ හැකි බවත් ජනාධිපතිවරයා වැඩිදුරටත් පෙන්වා දුන්නේය.
කෘත්රිම බුද්ධි (AI) තාක්ෂණ අංශයේ සංවර්ධනය සඳහා ශ්රී ලංකාවේ සැලසුම් පිළිබඳ ජනාධිපති රනිල් වික්රමසිංහ මහතා මෙහිදී දීර්ඝ වශයෙන් විස්තර කරනු ලැබීය.
දේශගුණික විපර්යාස අවම කිරීම සඳහා දත්ත මත පදනම් වූ වැඩසටහන් සංවර්ධනය කිරීම වෙනුවෙන් ක්රියාත්මක වැඩසටහන් සඳහා කෘත්රිම බුද්ධිය ( AI) භාවිතා කරන අතරම, අධ්යාපනය කෙරෙහි විශේෂ අවධානයක් යොමු කරමින් මෙරට කෘත්රිම බුද්ධි (AI) ක්ෂේත්රය සංවර්ධනය කිරීම තම අවධානය යොමු කළ ප්රධාන ක්ෂේත්ර දෙක බව ද ජනාධිපතිවරයා මෙහිදී වැඩිදුරටත් සඳහන් කළේය.
https://fb.watch/naZtTWZFG0/?mibextid=Nif5oz
