ගාල්ල සහ මාතර යන දිස්ත්‍රික්කවල සියලු සතොස වෙළඳසැල් සඳහා ද ආනයනික බිත්තර තොග බෙදාහැරීමට අද (28) පියවර ගෙන තිබේ.
මෙතෙක් එම බිත්තර බස්නාහිර පළාත තුළ පමණක් බෙදාහැරිණි.
ඉල්ලුම ඉහළ යෑම හේතුවෙන් ඊයේ (27) දිනයේ බස්නාහිර පළාතේ සතොස අලෙවිසැල්වලට යොමුකළ සියලු ආනයනික බිත්තර තොග ඊයේ දිනයම අවසන් වී තිබුණි.
ඒ අනුව ඊයේ රාත්‍රියේ නව තොග බෙදාහැරීමට සිදුවී තිබුණි.
ඊයේ දින බස්නාහිර පළාත තුළ, සතොස සඳහා රුපියල් 35කටත් සුපිරි වෙළඳසැල් සඳහා රුපියල් 40කටත් අලෙවියට ලබාදුන් ආනයනික බිත්තර තොගය හාරලක්ෂයකට අධික ය.
මෙම බිත්තර දෛනිකව ඉන්දියාවෙන් ආනයනය කරනු ලබයි.
