fbpx
තවත්
    මුල් පිටුවඋණුසුම් පුවත්රඹුක්කන වෙඩිතැබීම ගැන පොලීසියෙනුත් විමර්ශනයක්

    රඹුක්කන වෙඩිතැබීම ගැන පොලීසියෙනුත් විමර්ශනයක්

    රඹුක්කනදී පොලිස් වෙඩි පහරකින් පුද්ගලයෙක් මිය යාම සම්බන්ධයෙන් ජ්‍යෙෂ්ඨ නියෝජ්‍ය පොලිස්පතිවරයෙක් යටතේ පොලිස් නිලධාරීන් 20 දෙනෙකුගේ කණ්ඩායමක් විසින් පරීක්ෂණ කටයුතු මෙහෙයවන බව ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා සදහන් කළේය.

    ඒ කෑගල්ලේදී අද පැවැති විශේෂ මාධ්‍ය හමුවකදීය.

    පොලිස්පතිවරයාගේ අනුමැතිය ඇතිව සබරගමුව ජ්‍යෙෂ්ඨ නියෝජ්‍ය පොලිස්පතිවරයා විසින් මෙම විමර්ශනයට සීතාවක කොට්ඨාශයභාර ජ්‍යෙෂ්ඨ පොලිස් අධිකාරී වසන්ත කන්දෙවත්ත මහතාවද කැදවා ඇති වවද අජිත් රෝහණ මහතා පැවැසීය.

    එම පොලිස් කණ්ඩායම අද පෙරවරුවේ සිට සිය විමර්ශන කටයුතු ආරම්භකර තිබුණි. රෝහල්ගතව සිටින තුවාලකරුවන්ගෙන්ද ප්‍රකාශ සටහන් කිරීමට එම නිලධාරීන් පියවර ගත්තේය.

    සිද්ධිය වූ ස්ථානයට රජයේ රස පරීක්ෂකවරයාව කැදවීමට බලා පොරොත්තුවන බවද අජිත් රෝහණ මහතා සඳහන් කළේය.

    මෙම සිදුවීම සම්බන්ධයෙන් මුල සිට සියළු වීඩියෝ සාක්ෂි පවා රැස් කිරීමට පොලීසිය පියවර ගන්නා බවත් ඒ සඳහා විවිධ මාධ්‍ය ඔස්සේ සංසරණය වන ආරක්ෂක කැමරා දර්ශන මෙන්ම ජංගම දුරකතන වීඩියෝ දර්ශනද යොදා ගන්නා බව ඔහු කීය.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.