සිසුන් සිව් දෙනෙක් ගමන් කළ යතුරු පැදියක් දඹුල්ල වෑමැඩිල්ල ජලාශයේ වාන් ඇළට වැටීමෙන් දෙදෙනකු මියගොස් දෙදෙනකු තුවාල ලබා ඇත.
තුවාල ලැබූ සිසුන් දෙදෙනා දඹුල්ල රෝහලට ඇතුලත් කර තිබේ.
මෙම අනතුරින් මිය ගොස් ඇත්තේ ගලේවෙල පුවක්පිටිය නබඩගහවත්ත ප්‍රදේශයේ පදිංචි බිස්සුල් හාෆික් හම්නිදාස් (16) සහ නව්සාඩ් අලි මුසාෆික් (16) යන සිසුන් දෙදෙනාය.
තුවාල ලබා රෝහල්ගතව සිටින්නේද එම ප්‍රදේශයේම පදිංචි අවුරුදු 18 හා 16 වයස්වල පසුවන සිසුන් දෙදෙනෙකි.
යතුරුපැදියේ වේගය පාලනය කර ගැනීමටට නොහැකි වීම හේතුවෙන් මෙම අනතුර සිදුව ඇතැයි පොලිසිය සැකකරයි.
