ගොඩකවෙල පල්ලේබැද්ද ප්‍රදේශයේ නිවසක පදිංචිව සිටි අඹු සැමි යුවලක් කපා කොටා ඝාතනය කර තිබේ.
අවුරුදු අසූ දෙකක් වයසැති සැමියා සහ අවුරුදු හැත්තෑ පහක් වයසැති බිරිඳ මෙසේ ඝාතනයට ලක්ව ඇතැයි ගොඩකවෙල පොලිසිය සඳහන් කළේය.
අසල නිවසක පදිංචි මෙම අඹුසැමි යුවළගේ පුතා අද උදෑසන මව්පියන්ගේ දුක සැප බැලීමට පැමිණි අවස්ථාවේදී ඔවුන් ඝාතනය වී ඇති අයුරු දැක පොලිසියට දැනුම් දුන් බව උසස් පොලිස් නිලධාරියෙක් සඳහන් කළේය.
බිරිඳගේ සිරුර ගෙවත්තේ ද සැමියාගේ මළ සිරුර නිවස තුළ ද තිබී ඇත.
දෙදෙනාම ඝාතනය කර ඇත්තේ තියුණු ආයුධවලින් කපා කොටා බව පොලීසිය සඳහන් කරයි.
මෙම ඝාතනය සොරකමක් හෝ මංකොල්ලයක් මුල්කරගෙන සිදු වූවක් නොවන බවත් බොහෝ විට වෙනත් ආරවුලක් මත මෙම ඝාතනය සිදුකරන්නට ඇති බවටත් පොලිසිය සැක කරයි.
අපරාධ ස්ථාන පරීක්ෂණාගාර නිලධාරීන් පොලිස් නිල සුනඛයින් ඇඟිලි සලකුණු විශේෂඥයින් සහ විශේෂ පොලිස් කණ්ඩායම් කිහිපයක් යොදා මේ වන විට විමර්ශන ආරම්භ කර තිබේ.
