මිනිස් පරිභෝජනයට සුදුසු බඩඉරිගු නොමැතිවීමෙන් ත්‍රීපෝෂ නිෂ්පාදනයට බාධා එල්ලවී ඇතැයි ලංකා ත්‍රීපෝෂ සමාගමේ සභාපති දීප්ති කුලරත්න මහතා සදහන් කරනවා.
ඔහු සඳහන් කළේ නිසි ප්‍රමිතීන්ට නොමැතිවීම හේතුවෙන් සැපයුම්කරුවන්ගෙන් ලබාගත් බඩඉරිඟු කන්ටේනර් 05 ක් ද ඉකුත් දින කිහිපයේ ආපසු හරවා යැවූ බවයි.
කෙසේ වෙතත් බඩඉරිඟු මෙට්‍රික් ටොන් 1,500 ක් කඩිනමින් ලබාගැනීමට අවශ්‍ය කටයුතු මේ වන විටත් සිදුකරමින් ඇති බවද ඔහු සදහන් කළේය.
ත්‍රිපෝෂ නිෂ්පාදනය සඳහා දිනකට බඩඉරිඟු මෙට්‍රික් ටොන් 50 ක් අවශ්‍ය බව ශ්‍රී ලංකා ත්‍රිපෝෂ සමාගම පවසයි.
මෙරට බඩඉරිඟු ප්‍රමාණවත් නොවන බැවින් අමෙරිකාව, බ්‍රසීලය, ඉන්දියාව සහ පාකිස්තානය යන රටවලින් බඩඉරිඟු ආනයනය කරයි.
එහෙත් පවතින කොරෝනා තත්ත්වය හමුවේ එම රටවල ද බඩඉරිඟු නිෂ්පාදනය පහළ බැස ඇති අතර බඩඉරිඟුවල මිල ගණන්ද ඉහළ ගොස් ඇතැයිද ත්‍රීපෝෂ සමාගම සඳහන් කර සිටී.
