fbpx
තවත්
    මුල් පිටුවඋණුසුම් පුවත්උත්සව සමයේ ජනතාවගේ ආරක්ෂාව ගැන ඇමති වීරසේකරගෙන් පොලිස්පතිට උපදෙස්

    උත්සව සමයේ ජනතාවගේ ආරක්ෂාව ගැන ඇමති වීරසේකරගෙන් පොලිස්පතිට උපදෙස්

    නත්තල් සමය හා නව අවුරුදු උදාව සමග කොළඹ හා තදාසන්න ප්‍රදේශවල හැසිරෙන ජනතාවගේ ආරක්ෂාව තර කිරීමට පියවර ගන්නැ`යි මහජන ආරක්ෂක අමාත්‍ය රියර් අද්මිරාල් ආචාර්ය සරත් වීරසේකර මහතා විසින් පොලිස්පති චන්දන වික්‍රමරත්න මහතාට උපදෙස් ලබා දී ඇත.

    මහජනතාව බහුලව ගැවසෙන ස්ථාන හා ප්‍රදේශ ආශ්‍රිතව විශේෂ රථවාහන සැලැස්මක් ක්‍රියාත්මක කරන ලෙසත්, ගැට කපන්නන්, අපරාධකරුවන් පිළිබඳව අවශ්‍ය කටයුතු කිරීමට සිවිල් ඇඳුමින් සැරසුනු පොලිස් නිලධාරීන් වැඩිපුර යෙදවීමටත් පියවර ගන්නා ලෙසත් අමාත්‍ය සරත් වීරසේකර මහතා පොලිස්පතිවරයාට දැනුම්දී ඇතැයි මහජන ආරක්ෂක අමාත්‍යාංශය සඳහන් කරයි.

    මහජන ආරක්ෂාව වෙනුවෙන් යතුරුපැදි සංචාර, පා මුර සංචාර ද මේ කාලය තුළ ක්‍රියාත්මක කරන ලෙස අමාත්‍යවරයා විසින් පොලිස්පතිවරයාට වැඩිදුරටත් දැනුම් දී ඇත.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.