බදුල්ල සිට කොළඹ බලා ධාවනය වෙමින් තිබුණු උඩරට මැණිකේ දුම්රියේ ගැටී එකම පවුලේ තිදෙනෙක් ජීවිතක්ෂයට පත්ව තිබේ.
රොසැල්ල සහ වටවල දුම්රිය ස්ථාන දෙක අතරදී මෙම අනතුර සිදුව ඇත්තේ 103 1/2 සැතපුම් කණුව ආසන්නයේදීය.
මව (65) , පියා (75) සහ පුතා (41) මෙලෙස ජීවිතක්ෂයට පත්ව තිබේ.
මොවුන් තිදෙනාම මස්කෙළිය ප්‍රදේශයේ පදිංචිකරුවන් බව වටවල පොලිසිය සඳහන් කරයි.
උඩරට මැණිකේ දුම්රිය රොසැල්ල දුම්රිය ස්ථානය වෙත ළඟාවීමට ප්‍රථම එම පුද්ගලයින් දුම්රිය ධාවනය වන වේලාව අසා වටවල දුම්රිය ස්ථානය දෙසට ගමන් කළ බව දුම්රිය සේවකයෙක් පොලීසියට පවසා තිබේ. ඒ අනුව මොවුන් තිදෙනා සියදිවි හානිකර ගත්තේදැයි සැකයක් මතුව ඇති බැවින් ඒ සම්බන්ධයෙන් පොලීසිය පරීක්ෂණ පවත්වයි.
