fbpx
තවත්
    මුල් පිටුවඋණුසුම් පුවත්අලි වදින ගම්වලට තව එකක්

    අලි වදින ගම්වලට තව එකක්

    වන අලීන් බහුලව ගම්වදින ප්‍රදේශවල දැනට ස්ථාපිත විදුලි වැට සඳහා දෙවැනි බාධකයක් ඉදිකිරිමට පියවර ගෙන ඇතැයි වනජීවි දෙපාර්තමේන්තුවේ අධ්‍යක්ෂ ජනරාල් චන්දන සූරියබණ්ඩාර මහතා සදහන් කරයි.

    ඒ අනුව දැනට පවතින විදුලි වැටට අමතරව අගල් කැපීම ,එල්ලෙන විදුලි වැට ඉදි කිරීම හෝ ජෛව වැටක් ඉදිකිරීම වැනි විකල්ප ක්‍රමවලින් එකක් ස්ථාපිත කිරීම කෙරෙහි අවධානය යොමුකර ඇතැයිද ඔහු සඳහන් කළේය.

    පසුගිය කාලයේ කළ අධ්‍යයන අනුව දෙවැනි බාධකයක් ඉදිකිරීම මගින් වන අලි ඒ හරහා ගම් වැදීම පාලනය වන බව තහවුරු වු බවද අධ්‍යක්ෂ ජනරාල්වරයා පැවසීය.

    ඒ අනුව හඳුනා ගත් ප්‍රදේශවල කිලෝමීටර් 300 ක විදුලි වැටට අමතරව දෙවැනි බාධකයක් ඉදිකිරීම මේ වනවිට ආරම්භ කර තිබේ.

    කිලෝමීටර් 4500 ක දුරක් දැනට විදුලි වැට ස්ථාපිත කර ඇති අතර ලබන වසරේදි තවත් කිලෝමීටර් 1500 ක් අලුතින් විදුලි වැට ඉදි කිරීමට සැලසුම් කර ඇත.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.