ලංකා විදුලිබල මණ්ඩලයේ ඉංජිනේරු සංගමය විසින් ආරම්භ කළ අකුරට වැඩකිරීමේ වෘත්තිය ක්‍රියාමාර්ගය දෙවන දිනටත් අද 26 සාර්ථකව ක්‍රියාත්මක කළ බව එම සංගමයේ සභාපති සෞම්‍ය කුමාරවඩු මහතා පැවසීය .
ලංවිම ඉංජිනේරු සංගමය නියෝජනය කරන ඉංජිනේරුවන් විශාල පිරිසක් තම සංගමයේ වෘත්තිය සමිති ක්‍රියාමාර්ගය සමඟ සහයෝගීව කටයුතු කරන හෙයින් ඉදිරියේ දී විදුලිය බිඳවැටීම් අනතුරක් ඇති විය හැකි බව ද සෞම්‍ය කුමාර වඩු මහතා පැවසීය.
සවස හතරෙන් පසුව සේවය නොකිරීම නිසා හදිසි බිඳවැටීම් යථාතත්ත්වයට පත් කිරීමට හෝ විශාල බිඳවැටීම් නඩත්තු කිරීමට කිසිදු ඉංජිනේරුවකු සහභාගී නොවන බව ද සෞම්‍ය කුමාර වඩු මහතා පැවසීය.
අකුරට වැඩ කිරීමේ වෘත්තිය සමිති ක්‍රියාමාර්ගය ඉදිරියේ දී අඛණ්ඩ වැඩ වර්ජනයක් දක්වා දියත් කරන බවද ඔහු සඳහන් කළේය.
යුගදනවි බලාගාරයේ කොටස් අයිතිය ඇමරිකානු සමාගමකට විකිණීමට එරෙහිව ලංවිම ඉංජිනේරු සංගමය එම වෘත්තිය සමිති ක්‍රියාමාර්ගය ආරම්භ කර තිබේ.
