fbpx
තවත්
    මුල් පිටුවspecialගෑස්වලට මොකද වෙන්නෙ?

    ගෑස්වලට මොකද වෙන්නෙ?

    ගෑස් කාන්දුවීම් සමඟ සිදුවන පිපුරුම් සහ ගිනි ගැනීම් අසාමාන්‍ය ලෙස මේ වන විට පවතින්නේ ඉහළ යමිනි.

    වැලිගම පිහිටි කුඩා සංචාරක නිවාඩු නිකේතනයක ඉකුත් 04 වෙනිදා සිදුවූ පිපුරුමත් සමඟ අද වන විට සමාජයේ අවධානයට යොමුවෙමින් සිදුවූ ගෑස් කාන්දුවීම්වලින් ඇතිවුණු පිපුරුම් ගණන 07 කි. ඒ අතර එක් ජීවිත හානියක් පවා සිදුව තිබීම හේතුවෙන් මෙම පිපුරුම් සුළුවෙන් තැකිය නොහැකිය.

    වාර්තාවන ආකාරයට අනුව පසුගිය 15 වෙනිදා අලව්වේ නිවසක සිදුවූ පිරුරුමත් 16 වෙනිදා රත්නපුරයේ නිවසක සිදුවූ පිපුරුමත් ගෑස් කාන්දු සමඟ ඇතිවන පිපුරුම් හා ගිනි ගැනීම්ය. බෝම්බ පිපුරුමකට නොදැවෙනි තරමේ දැවැන්ත හානි මේ සිදුවීම් 03 ටම බලපා තිබුණු අතර නිවාස වලට දැඩි ලෙස හානි ගෙනදී තිබුණේය.

    වඩාත් සමාජයේ අවධානයට යොමුවූ පිපුරුමක් ලෙස වාර්තා වන්නේ කොළඹ 07 පිහිටි මැක්ඩොනල් අවන්හලේ ඉකුතත් 20 වෙනිදා සිදුවූ පිපුරුමය. එම පිපුරුමෙන් මැක්ඩොනල් අවන්හලට පමණක් නොව, පැරණි තුරඟ තරග පිටියේ ප්‍රේක්ෂකාගාර ගොඩනැගිල්ලට ද සැළකිය යුතු හානියක් ගෙන දුන්නේය.

    මේ අතර ඉකුත් 13 වෙනිදා වැලිකන්දේ නිවසකද මෙවන් පිපුරුමක් සිදුව තිබුණත් එය සමාජය හමුවේ නිරාවරණය නොවීය. එම පිපුරුම ගැන තොාරතුරු එළියට එන්නේ පිපුරුමත් සමඟ හටගත් ගින්නකින් තුවාල එම නිවසේ සිටි තරුණියක් කොළඹ ජාතික රෝහලේදී ඊයේ මිය යාමත් සමඟිනි. එසේ නොවන්නට එම පිපුරුම අනාවරණය වන්නේ නැත. ඒ අනුව තවත් මෙවැනි පිපුරුම් කොතරම් රටේ තැන තැන සිදුවී තිබේදැයි කියන්නට බැරිය.

    වැලිකන්දේ තරුණිය ජීවිතයත් මරණයත් අතර දින 12 ක් තිස්සේ සටන්කර මාරයාට බිලිවන විට හෝකන්දර පිහිටි නිවසකද පිපුරුමක් සිදුවන්නේ දැඩි හානියක් ගෙන දෙමිනි. එහිදී නිවසේ ගිනි ගැනීමක් සිදු නොවන අතර ගෑස් සිලින්ඩරය ඉහළට විසිවී මුළුතැන්ගෙයි සිවිලිම කඩාගෙන වහලටද හානිගෙන දී තිබුණේය. නිවෙස් හිමියා කොළඹ රාජකීය විිද්‍යාලයේ ගුරුවරයෙකි. මෙම අනතුර සිදුවන්නේ අලුයම් කාලයේදීය. මැක්ඩොනල් අවන්හල් පිපුරුම, වැලිගම පිපුරුම මෙන්ම අලව්ව හා රත්නපුර පිපුරුම් පවා සිදුවන්නේ ද අලුයම් කාලයේදීය.

    වැලිකන්දේ ඉකුත් 13 වෙනිදා සිදුවන පිපුරුම සහ අද නිකවැරටියේ සිදුවන පිපුරුම් වාර්තාවන්නේ දහවල් කාලයේදීය.

    මෙම පිපුරුම් සිදුවන්නේ ගෑස් කාන්දුවකින් නොවන බවට ගෑස් සමාගම් සදහන් කරන්නේ ගෑස් ලිප් සහ ගෑස් සිලින්ඩරය හා සම්බන්ධවන උපකරණ වල දෝෂ මෙම තත්වයන්ට මුල්වී ඇතැයි කියමින් ඇඟ බේරා ගනිමිනි. එහෙත් ඊට පිළිතුරු දෙමින් මේ වන විට සමාජ මාධ්‍ය ජාලවල හුවමාරුවන වීඩියෝ පට කිහිපයකි මේ.

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.