එළවළු මිල ගණන් අසාමාන්‍ය ලෙස මේ වන විට ඉහළ ගොස් තිබේ.
පෑලියගොඩ මැනිං වෙළඳ පොළේ අද උදෑසන වන විට බොහෝ එළවළු කිලෝ එකක මිළ රුපියල් 300 ඉක්මවා ගොස් තිබුණි.
කැරට් , ලීක්ස්, බෝංචි, තක්කාලි, ඇතුළු බොහො එළවළු කිලෝවක මිල රුපියල් 300 ඉක්මවා තිබුණු ඇතර මාළු මිරිස් කිලෝවක මිල රුපියල් 400 ඉක්මවා ගොස් තිබුණි.
තොග මිල එසේ ඉහළ යන විට එළවළු සිල්ලර මිලද ඉහළ ගොස් ඇති අතර බොහෝ එළවළු ග්‍රෑම් 250 රුපියල් 80 න් ඉහළ අගයක් ගන්නා බව සිල්ලර වෙළද පොළ නිරීක්ෂණයේදී පෙනී යයි.
මැනිං වෙළඳ පොලේ ප්‍රධාන සංවිධායක අනිල් ඉන්ද්‍රජිත් සදහන් කරනු ලැබුවේ පවතින තත්ත්වය හමුවේ එළවළු මිල ඉදිරි දිනවලත් ඉහළ යනු ඇති බවය. පෙර නොවූ විරූ ලෙස එළවළු මිල ගණන් ඉහළ ගොස් ඇති බවද ඔහු කීය. “මෙහෙම ගියොත් ජනතාවට දෙවියන්ගේම පිහිටයි“ යැයි ද ඔහු පැවසීය.
