හෙරොයින් කිලෝ 52 ක් සමග අත්අඩංගුවට ගත් කළුතර පොලීසියේ උසාවි අංශයේ ස්ථානාධිපතිවරයා අවස්ථා තුනකදීම ඒ ආකාරයට පොලිස් නිල ඇදුමින් මත්කුඩු ප්‍රවාහනය කර ඇතැයි පැහැදිලිවම මේ වන විට කරුණු හෙළිවී ඇත.
ඒ එක් අවස්ථාවකදී කිලෝ 75 ක මත්ද්‍රව්‍ය ප්‍රවාහනය කර ඇතැයිද අනාවරණය වී තිබේ. මේ ආකාරයට හෙරොයින් ඇතුළු මත්ද්‍රව්‍ය ප්‍රවාහනය කිරීම වෙනුවෙන් වරකට එම පොලිස් නිලධාරියාට රුපියල් ලක්ෂ 20 ක මුදලක් ලැබෙන බවද විමර්ශන වලින් අනාවරණය වී ඇත.
මෙම නිලධාරියා සම්බන්ධකම් පවත්වන්නේ පානදුරේ කුඩු සලිදු සමග බවත් කුඩු සලිදුගේ ලොක්කා හරක් කටා බවත් මේ වන විට හෙළිවී තිබේ.
