බස්නාහිර පළාත් භාර පොලිස් ප්‍රධානියා ලෙස ජ්‍යෙෂ්ඨ නියෝජ්‍ය පොලිස්පති සංජීව ධර්මරත්න මහතා පත්කර ඇත.
වැඩ බලන පොලිස්පති ප්‍රියන්ත වීරසූරිය සහ පොලිස් පරිපාලන අංශයේ ප්‍රධානියා ලෙස වැඩ බලන ජ්‍යෙෂ්ඨ නියෝජ්‍ය පොලිස්පති ලලිත් පතිනායක මහතාගෙන් පසු ජ්‍යෙෂ්ඨත්වයෙන් ඉහළින්ම සිටින්නේ සංජීව ධර්මරත්න මහතාය.
බස්නාහාර පළාත්භාර පොලිස් ප්‍රධානියා ලෙස සංජීව ධර්මරත්න මහතාට පත්වීම ලැබෙන්නේ සබරගමුව පළාත්භාර පොලිස් ප්‍රධානියා ලෙස සේවයේ නිරතව සිටියදී ය. ඔහුගේ ස්ථානමාරුවෙන් පුරප්පාඩුවන සබරගමුව පළාත් භාර පොලිස් ප්‍රධානියා ලෙස පත්කර ඇත්තේ බස්නාහිර පළාත් භාරව මෙතෙක් සේවයේ නිරතව සිටි කේ.පී.එම්. ගුණරත්න මහතාය.
සංජීව ධර්මරත්න මහතා කොළඹ නාලන්දා විද්‍යාලයේ ආදි සිසුවෙක් වන අතර පොලිස් නිලධාරීන් අතර ජනප්‍රියද චරිතයකි. එසේම ඔහු පොලිස් සේවය තුළ නොකැළැල් චරිතයකි.
