නිදහස් දා මහජන ප්‍රදර්ශණයට එක්කරන රිදියගම සෆාරි උද්‍යනයේ අලුත උපන් සිංහ පැටවුන් 06 දෙනාට නම් තැබීමට මහජනයාටත් අවස්ථාවක් උදාවී තිබේ.
හම්බන්තොට රිදියගම සෆාරි උද්‍යානයේදී මෙම සිංහ පැටවුන් උඵත ලබන්නේ මාස තුනකට පෙරය.
හම්බන්තොට රිදියගම සෆාරි උද්‍යානයේ සිටින “ඩෝරා“නැමති සිංහ ධේනුවටත් ඩෝරාගේ මව වන “ලාරා“නැමති සිංහ ධේනුවටත් දාව උපන් ගැහැණු පැටවුන් 05 දෙනෙකුට සහ පිරිමි පැටවෙකුට මෙසේ නම් තැබීමට අවස්ථාව ලැබී තිබේ.
රිදියගම සෆාරි උද්‍යානයේ නිල ෆේස් බුක් ගිණුම ඔස්සේ යෝජිත නම් ඉදිරිපත් කරන ලෙස ඉල්ලා සිටින අතර තෝරාගන්නා නම් ඉදිරිපත් කළ අය කවුරුන්දැයි පෙබරවාරි 04 වෙනිදා ප්‍රසිද්ධ කිරීමටද නියමිතව ඇති බව සෆාරි උද්‍යානයේ තොරතුරු සඳහන් කළේය.
