පුද්ගලයෙකුට පහර දීම සම්බන්ධයෙන් රුසියාවේ හිටපු තානාපතිවරයකු වන උදයංග වීරතුංග මහතා මිරිහාන පොලිසිය විසින් සැකපිට අත්අඩංගුවට ගෙන ඇත.
නුගේගොඩ තලපත්පිටිය කනත්ත පාරේ පිහිටි ඒ මහතාගේ නිවසට යා බද නිවසේ පදිංචි 66 හැවිරිදි පුද්ගලයෙකුට පහරදීම සම්බන්ධයෙන් හෙතම මෙසේ අත්අඩංගුවට ගෙන තිබේ.
මායිම් ගැටලුවක් මුල්කරගෙන මෙම පහරදීම කර ඇතැයි පොලිසියට පැමිණිලි ලැබී ඇති අතර වතුර බටයකින් පහර කෑ පුද්ගලයා ශ්‍රී ජයවර්ධනපුර රෝහලට නේවාසික ප්‍රතිකාර සඳහා ඇතුළත් වී තිබේ.
