මානසික ව්‍යාකුලතා සහිත දරුවන් පුනුරුත්ථාපනය කිරිම සඳහා නාවලපිටිය මීපිටියේ ගොඩනැගිල්ලක් ඉදිකරනු ලබන බව කියන ස්ථානයකට අද පැමිණි ජෙරොම් ප්‍රනාන්දු නැමැති දේවගැතිවරයාට ගම්වැසියන් විසින් විරෝධය පා ඇත.
එහිදී දේවගැතිවරයාගේ ආරක්ෂකයින් බව කියන පිරිසක් සහ ගම්වැසියන් අතර උණුසුම් තත්ත්වයක්ද ඇතිවී තිබේ.
මේ තත්ත්වය හේතුවෙන් නාවලපිටිය පොලීසියේ නිලධාරීන් කණ්ඩායමකටද එහි පැමිණීමට සිදුව ඇත. තත්ත්වය පාලනය කිරීමට පොලීසියට හැකියාව ලැබී ඇත්තේ දේවගැතිවරයා ඔහුගේ කණ්ඩායම සමඟ එම ස්ථානයෙන් ඉවත් කිරීමෙන් අනතුරුවය.
