පොලිස් නිලධාරීන් ලෙස පෙනී සිටිමින් කාන්තාවක් ත්‍රීරෝද රථයක නන්වාගෙන රැගෙන ගොස් සමූහ දූෂණය කළ පුද්ගලයන් සිව් දෙනෙකු අතරින් එක් අයෙක් අද (26) අත්අඩංගුවට ගෙන ත්‍රීරෝද රථයද සොයාගත් බව මීගමුව පොලීසිය කියයි.
මෙම සැකකරු පස් ව්‍යාපාරයට සම්බන්ධ අයෙක් බවත් සෙසු සැකකරුවන් ඔහුගේ මිතුරන් බවත් පොලීසිය කියයි.
කටාන කදවල පදිංචිකාරියක් වන 34 හැවිරිදි මෙම කාන්තාව මාර්ගයේ ගමන්කරමින් සිටියදී පොලිස් වෙසින් පැහැරගෙන ගොස් දූෂණයකර ඇත්තේ පසුගිය 24 වෙනිදා රාත්‍රී කාලයේදීය. මඩම්පැල්ල ප්‍රදේශයේ වන රොදකට රැගෙන ගොස් මෙම අපරාධයකර ඇති බව පොලීසිය කියයි.
සෙසු සැකකරුවන් හඳුනාගෙන ඇති අතර අත්අඩංගුවට ගැනීමට විමර්ශන පැවැත්වේ.
