මොණරාගල රෝහලේ නේවාසිකව ප්‍රතිකාර ලබමින් සිටි 15 හැවිරිදි සිසුවෙකුට රෝහලේ වැසිකිලියක් තුළදි ලිංගික අතවර කළ බව කියන මොණරාගල පොලීසියට අනුයුක්ත රෝහල් පොලීසියේ කොස්තාපල්වරයෙකුගේ වැඩ තහනම්කර ඇත.
මොණරාගල සහකාර පොලිස් අධිකාරීවරයා විසිින් පෙරේදා (23) මෙම නියෝගය නිකුත්කර ඇත්තේ 21 වෙනිදා සිට වැඩ තහනම ක්‍රියාත්මක බව සඳහන් කරමිනි.
මොණරාගල රෝහල තුළදි මෙම සිදුවීම වී තිබුණේ පසුගිය පෙබරවාරි 16 වෙනිදාය. මේ සම්බන්ධයෙන් විමර්ශනයක් පවත්වා සැකකාර කොස්තාපල්වරයා පසුගිය 21 වෙනිදා අත්අඩංගුවට ගනු ලැබීය. ඔහුව මොණරාගල මහේස්ත්‍රාත් අධිකරණයට ඉදිරිපත් කිරීමෙන් අනතුරුව රුපියල් 150,000ක බැගින් වූ ශරීර ඇප දෙකක් මත මුදා හැර තිබුණි.
