fbpx
තවත්
    මුල් පිටුවඋණුසුම් පුවත්ආණ්ඩුවේ ඉස්පිරිතාලෙට ගිය රෝගීන් අදත් අසරණයි

    ආණ්ඩුවේ ඉස්පිරිතාලෙට ගිය රෝගීන් අදත් අසරණයි

    සෞඛ්‍ය ක්ෂේත්‍රයට සම්බන්ධ තවත් වෘත්තිකයන් රැසක් අද (11) සිට සංකේත වැඩ වර්ජනයක් දියත් කර තිබේ.

    සෞඛ්‍ය ක්ෂේත්‍රයේ සිටින සුළු සේවකයන් ද ඊට අයත් වේ.

    ඔවුන් ඉල්ලා සිටින්නේ වෛද්‍යවරුන්ට ලබාදී ඇති රුපියල් 35,000 දීමනාව තමන්ට ද ලබාදෙන ලෙසයි.

    සෞඛ්‍ය සේවා වෘත්තීය සමිති එකමුතුවේ කැඳවුම්කරු රවී කුමුදේශ් මහතා පැවසුවේ බ්‍රහස්පතින්දා (11) පෙරවරු 6 සිට සිකුරාදා (12) පෙරවරු 8 දක්වා මෙම වෘත්තීය ක්‍රියාමාර්ගය ක්‍රියාත්මක වන බවයි.

    තමන්ට ද මෙම දීමනාව ලබාදෙන ලෙස බලකරමින් පරිපූරක සෞඛ්‍ය සේවා වෘත්තිකයන් ආරම්භ කර ඇති සංකේත වැඩවර්ජනය අද (11) දින ද ක්‍රියාත්මකයි.

    සෞඛ්‍ය අමාත්‍යාංශයේ ලේකම්වරයා සමඟ බදාදා (10) පැවති සාකච්ඡාව සාර්ථක නොවූ බව පරිපූරක වෛද්‍ය සේවා පෙරමුණේ සභාපති උපුල් රෝහණ මහතා පවසා තිබුණි.

    සංජීවනී එදිරිසිංහ

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.