පවතින වියළි කාලගුණික තත්ත්වය නිසා සමනල වැවේ ජල මට්ටම අද වන විට 4% දක්වා අඩුවී ඇති හෙයින් තවදුරටත් උඩවලව ජලාශයට ජලය මුදා හැරීමට හෝ විදුලිය ජනනය කිරීමට හෝ හැකියාවක් නැතැයි සමනලවැව ජලාශයේ නිලධාරීන් ලංකා විදුලිබල මණ්ඩලයට දැනුම්දී තිබේ.
ඒ අනුව හෙට සිට සමනල වැව ජලාශයෙන් විදුලිය ජනනය කිරීම සම්පූර්ණයෙන්ම නතර වන අතර උඩවලව ජලාශයට ජලය මුදා හැරීම ද නතර කරන බව එම ජලාශයේ කාර්යයේ නියුතු නිලධාරීහු පවසති.
සමනලවැව ජලාශයෙන් මෙගාවොට් 120 ක විදුලිය ධාරිතාවක් ජාතික විදුලිබල පද්ධතියට මුදාහැරිය නමුත් උඩවලව ජලාශයට ජලය නිකුත් කිරීම නිසා ඉකුත් සතියේ සිට විදුලි ජනනය මෙගාවොට් 80ක් ඔවුහු පැවසූහ.
අද වන විට සමනල සමනල වැව ජලාශය පතුලටම සිඳී යමින් පවතින බව ද ඔවුහු පවසති.
