fbpx
තවත්
    මුල් පිටුවspecialවිශේෂ නිරීක්ෂණයක් සඳහා චීන ජනපති සිචුවාන් යයි

    විශේෂ නිරීක්ෂණයක් සඳහා චීන ජනපති සිචුවාන් යයි

     
    චීන ජනාධිපති ෂී ජින්පිං මහතා සිචුවාන් පළාතේ ඓතිහාසික සහ සංස්කෘතික උරුමය හා ජෛව ශිෂ්ටාචාරාත්මක සංවර්ධනය පිළිබඳ තත්ත්වය විමසා බලයි. ඒ, ඉකුත් 25,26 දෙදින එම පළාතේ නිරීක්ෂණ චාරිකාවකට එක් වූ අවස්ථාවේ දී ය.

    ගුවැන්යුවැන් නගරයේ, සුයියුන් පෞරාණික වීදිය හා  සන්ෂිංඩුයි කෞතුකාගාරය මෙහිදී ජනාධිපතිවරයාගේ නිරීක්ෂණයට ලක්විය. ඓතිහාසික හා සංස්කෘතික නටබුන් ගවේෂණය සහ අධ්‍යයනය මෙන්ම පුරාවස්තු ප්‍රතිෂ්ඨාපන කටයුතු ද ඔහු විමසා බැලීය.
     
    දැවැන්ත මෙන්ම ඉපැරණි සයිප්‍රස් වනාන්තරයක් මැදින් දිවෙන සුයියුන් වීදිය ජාතික නිධානයක් හා ලොව විස්මිත නිමැවුමක් ලෙස සම්භාවනාවට පාත්‍ර වී ඇත. සන්ෂිංඩුයි පුරාවිද්‍යා අඩවිය ක්‍රි.පූ. 1700 – 1150 අතර කාලයේ පෞරාණික චීන සංස්කෘතියේ පිළිබිඹුවකි.

    එය, එම යුගයේ යැංසි ගංගා ආශ්‍රිත ප්‍රදේශයේ පිහිටා තිබූ පොහොසත්ම හා විශාලතම නගරවල නටබුන් හමවුන පුරාවිද්‍යා කලාපයයි.

    NewsWave බීජිං වාර්තාකරු

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.