සිය දරුවා පාසලට ඇරලවා කැබ් රථයකින් නිවස වෙත යමින් සිටි දුනුමාල සරත් නැමැති පුද්ගලයාට ගලපිටමඩ දුනුමාල හන්දිය ආසන්නයේදී ටී 56 අවියකින් වෙඩි තබා ඝාතනයකිරීම ඩුබායි හී රැදී සිටින පාතාල අපරාධකරුවන් දෙදෙනෙකුගේ කොනත්‍රාත්තුවකට අනුව සිදුව ඇති බව හෙළිවී තිබේ.
පසුගිය 14 වෙනිදා උදෑසන මෙම ඝාතනය සිදුවන අතර ඝාතකයන් පැමිණ ඇත්තේ මට්ටක්කුලියේ සිට බවට තොරතුරු රැසක් අනාවරණය වී ඇත.
ඒ අනුව මෙම ඝාතනයට ආධාර හා අනුබලදීම සම්බන්ධයෙන් සැකපිට මට්ටක්කුලිය සමිත්පුර පදිංචි පුද්ගලයින් දෙදෙනෙක් අත්අඩංගුවට ගැනිමට සීතාවක කොට්ඨාශ අපරාධ විමර්ශන කාර්යාංශය සමත්ව ඇත.
වෙඩික්කරුවන් පරිහරණය කර ඇති දුරකථන සිම්කාඩ්පත් මෙම සැකකරුවන් විසින් ලබාදී ඇති බව අනාවරණය වී තිබේ.
