කාන්තාවක් සමඟ කල රෙදි ගණුදෙනුවකට අදාල මුදල් ලැබීම් සම්බන්ධයෙන් වූ ආරවුලක් මුල්කරගෙන එම කාන්තාවගේ 16 හැවිරිදි පුතාව පැහැරගත් පුද්ගලයෙකුව අත්අඩංගුවට ගැනීමට මහනුවර පොලීසිය විමර්ශනයක් ආරම්භකර ඇත.
මෙසේ පැහැරගැනීමට ලක්ව ඇත්තේ මහනුවර හත්නාන ගැමුණු මාවතේ පදිංචි දරුවෙකි.
එම දරුවාගේ මව පොලීසියට කර ඇති පැමිණීල්ලට අනුව මෙම පැහැර ගැනීම සිදුව ඇත්තේ ඊයේ (15) දහවල් කාලයේදීය.
පොල්ගහවෙල පදිංචි ව්‍යාපාරිකයෙකුගෙන් මිලදී ගත් රුපියල් ලක්ෂ 12ක් වටිනා රෙදි තොගයක් සම්බන්ධයෙන් ලබාදුන් චෙක්පත් අගුරුවීමක් මෙම ආරවුලට මුල්වී ඇත.
පැහැරගත් දරුවාව පසුව ඔහු විසින් මාවනැල්ලේදී අතහැර ගොස් තිබේ.
