පොලිසිය සතු ටී 56 අවියකින් විල්පත්තුවේ සතුන් දඩයම් කළ දඩයක්කරුවෙකුව වනජීවී නිලධාරීන් විසින් ඊයේ අත්අඩංගුවට ගෙන තිබේ.
වෙඩි තබා මරා දැමූ වැලි මුවෙකුව වනෝද්යානය තුළ තබාගෙන මස් කරමින් සිටියදී මෙම දඩයක්කරුව අත්අඩංගුවට ඇත.
එම අවස්ථාවේදී ඔහු සතුව තිබී ටී 56 වර්ගයේ අවියක් සහ පතොරම් 22ක් සහිත පතොරම් ගැබක්ද වනජීවී නිලධාරීන් විසින් සිය භාරයට ගෙන ඇත.
ගිනි අවිය තන්තිරිමලේ පොලීසියේ සේවය කරන පොලිස් කොස්තාපල්වරයෙකු විසින් තමාට ලබාදුන් බව සැකකරු ප්රශ්න කිරීම් හමුවේ පවසා තිබේ. විමර්ශන වලින් පෙනී ගොස් ඇත්තේ මෙම ගිනි අවිය තන්තිරිමලේ පොලිස් අවි ගබඩාවට අයත් එකක් බවය.