පේරාදෙණිය විශ්වවිද්‍යාලයේ ජ්‍යෙෂ්ඨ සිසුන් තිදෙනෙක් බීමත්ව පැමිණ ශ්‍රාස්ත්‍ර පීඨයේ දෙමළ සිසුන් 09 දෙනෙකුට පහරදී ඇති බවට පැමිණිල්ලක් විශ්වවිද්‍යාලයේ විනයාරක්ෂක නිලධාරී ඩබ්ලිව්. ඒ.ඒ. වේරහැර මහතා විසින් පේරාදෙණිය පොලීසියට කර ඇත.
පසුගිය 17 වෙනිදා සිදුවූ මෙම සිදුවීම සම්බන්ධයෙන් වූ පැමිණිල්ල පේරාදෙණිය පොලීසියට ඉදිරිපත්කර ඇත්තේ ඊයේ ය.
සිසුන් 09 දෙනා මේ සම්බන්ධයෙන් එදිනම විනයාරක්ෂක නිලධාරියාව දැනුවත්කර තිබී ඇති බවද සඳහන්ය.
මෙම පැමිණිල්ල පොලීසියට ඉදිරිපත්කර ඇත්තේ සාමූහික පැමිණිල්ලක් ලෙසිණි.
