කොවිඩ් වැළඳී ප්‍රතිකාර ලබන රෝගීන්ගෙන් 58 දෙනෙකු ඉතා අසාධ්‍ය තත්ත්වයෙන් දැඩි සත්කාර ඒකකවල ප්‍රතිකාර ලබමින් සිටින බව සෞඛ්‍ය අමාත්‍යංශය සඳහන් කරයි.
මෙරට අසාධ්‍ය තත්ත්වයට පත්වන කොවිඩ් රෝගීන් වෙනුවෙන් පමණක් දැඩි සත්කාර ඇඳන් 104ක් වෙන්කර තිබෙන අතර එම සංඛ්‍යාව ඉදිරියේ දී තවත් ඉහළ දැමීමට සෞඛ්‍ය අමාත්‍යංශය පියවර ගෙන ඇත.
අදාළ රෝගීන් සුව කර ගැනීම වෙනුවෙන් අවශ්‍ය සියලු උත්සාහයන් දරමින් සිටින බව සෞඛ්‍ය අමතිනි පවිත්‍රා වන්නිආරච්චි මහත්මිය සඳහන් කළාය.
